اچھی اچھی باتیں

حضرت لقمان بہت بڑے حکیم اور دانا آدمی تھے ان کی دانائی اور حکمت کا اندازہ اس بات سے لگایا جاسکتا ہے کہ قرآن مجید میں بھی ان کا ذکر آیا ہے اور اللہ تعالیٰ نے ان کی باتوں کو قرآن حکیم میں شامل کیا ہے:

آپ فرماتے ہیں کہ

ہر شخص کو اس کے ہنر اور جوہر کے مطابق جگہ دینی چاہیے۔

جاہل لوگوں سے مت ملو ورنہ وہ تمہیں بھی جاہل بنادیں گے۔

زیادہ سنو اور کم بولو۔

عبادت میں دل کی ، مجلس میں زبان کی، غصے میں ہاتھ کی، اور دسترخوان پر پیٹ کی حفاظت کرو۔

حکمت اور دانائی مفلس کو بادشاہ بنادیتی ہے۔

مصائب سے مت گھبراؤ کیوں کہ ستارے اندھیرے ہی میں چمکتے ہیں۔

جو بات دشمن سے پوشیدہ رکھتے ہو دوست سے بھی پوشیدہ رکھو، ہوسکتا ہے تمہارا دوست کبھی تمہارا دشمن بن جائے۔

وقت کی قدر و قیمت یہ ہےکہ اس کا صحیح استعمال کیا جائے۔

بے وقوفوں سے دوستی نہ کرو یہ مشکل وقت میں آپ کی مشکلات میں اضافہ کردیں گے۔

جس طرح بارش خشک زمین کو زندہ کردیتی ہے اسی طرح علماء کی صحبت سے دل زندہ ہوتے ہیں۔