امام بخاری رحمہ اللہ کے حنفی استاد امام مکی بن ابراہیم رحمہ اللہ
امام بخاری رحمہ اللہ کے حنفی استاد
امام مکی بن ابراہیم رحمہ اللہ
مدثر جمال
امام ابوحنیفہ رحمہ اللہ کے تلمیذ خاص اور امام بخاریؒ کے کبار شیوخ میں سے ہیں۔ صحیح البخاری کی گیارہ ثلاثیات انہی کی روایت سے ہیں۔ مکی نام اورابوالسکن کنیت ہے ،سلسلہ نسب یہ ہے : مکی بن ابراہیم بن بشیر بن فرقد البلخی۔ بلخ کے رہنے والے ہیں۔ 126ھ میں پیدا ہوئے۔
علامہ ذہبی نے سیراعلام النبلاء میں”الامام ،الحافظ، الصادق، مسند خراسان“ کے وقیع الفاظ سے آپ کا تذکرہ کیا ہے۔
حافظ ابن حجر فتح الباری میں تحریر کرتے ہیں :
ھومن کبار شیوخ البخاری سمع من سبعة عشر نفسامن التابعین منہم یزید بن ابی عبید۔
”مکی بن ابراہیم،امام بخاری کے بزرگ اساتذہ میں سے ہیں ،انہوں نے سترہ تابعین سے حدیث کی سماعت کی ہے ان تابعین میں ایک یزید بن ابی عبید ہیں“ آپ کے اساتذہ میں امام جعفر صادق ، امام ابوحنیفہ ، امام مالک ، امام ابن جریج ،
Read more ...
سیرت نبوی کا تجارتی پہلو
سیرت نبوی کا تجارتی پہلو
مولانا محمد حذیفہ، مظفر نگر
اپنے محبوب کی شخصیت کا تذکرہ کرتے ہوئے اللہ جل شانہ ارشاد فرماتے ہیں
إنک لعلی خلق عظیم (القلم آیت4) لقد کان لکم في رسول اللہ أسوۃ حسنۃ
(الاحزاب آیت21 (
ان آیات سے معلوم ہوتا ہے کہ آپ صلی اللہ علیہ وسلم کے اندر ہر قسم کے اوصاف بدرجہ اتم موجود تھے۔ آپ ایک جلیل القدر پیغمبر اور نبی ہونے کے ساتھ ساتھ ایک نظریاتی فلاحی ریاست کے بانی بھی تھے۔ اسی طرح اگر آپ مصلح اعظم تھے تو ایک بے نظیر سیاست داں بھی۔ قائد لشکر تھے تو عظیم فاتح بھی۔ اگر عظیم سربراہ مملکت تھے تو بے عدیل قاضی القضاۃ بھی۔ اگر عدیم المثال تاجر تھے تو مہربان شوہر ، شفیق باپ اور مخلص دوست بھی۔
غرضیکہ آپ کی ذات گرامی میں ہر قسم کی خوبیاں جمع ہوگئیں تھیں رب کائنات نے مذکورہ آیات میں اسی کی منظر کشی کی ہے کہ اگر تم طالب علم ہوتو غار حرا میں بیٹھنے والی ہستی کو دیکھو کہ اس نے قرآن کریم کس طرح سیکھا۔ اگر تم استاد ہوتو اصحاب صفہ کے معلم گرامی کی پیروی کرو۔ اگر تم خاوند ہو تو سیدہ خدیجہ، سیدہ عائشہ اور دیگر ازواج مطہرات رضی اللہ عنہن کے عالی قدر شوہر کو دیکھو۔ اگر تم صاحب اولاد ہو تو سیدہ فاطمہ رضی اللہ عنہا کے جلیل القدر باپ کو دیکھو کہ انہوں نے اولاد کی دینی تربیت کس طرح فرمائی۔ اگر تم تبلیغ کے فرض عین میں مصروف ہو تو مکہ کی گلیوں، طائف کی وادیوں اور مدینہ کے کوچے و بازاروں میں چلنے پھرنے والے مبلغ اعظم کو دیکھو
Read more ...
اسلام میں قتل کی سنگینی اور سزا
اسلام میں قتل کی سنگینی اور سزا
مفتی نجیب احمد قاسمی
قتل کی حرمت قرآن کریم میں:
شریعت اسلامیہ میں جتنی تاکید کے ساتھ انسان کے قتل کی حرمت کو بیان کیا گیا ہے، عصر حاضر میں اس کی اتنی ہی بے حرمتی ہورہی ہے، چنانچہ معمولی معمولی باتوں پر قتل کے واقعات روزانہ اخباروں کی سرخیاں بنتے ہیں۔ افسوس کی بات یہ ہے کہ ان دنوں بعض مسلمان بھی اس جرم کا ارتکاب کبھی کبھی دینی خدمت سمجھ کر کرجاتے ہیں، حالانکہ قرآن وحدیث میں کسی انسان کو ناحق قتل کرنے پر ایسی سخت وعیدیں بیان کی گئی ہیں جو کسی اور جرم پر بیان نہیں ہوئیں۔
اسلامی تعلیمات کے مطابق کسی انسان کو نا حق قتل کرنا شرک کے بعد سب سے بڑا گناہ ہے، بلکہ بعض علماء نے سورۃ النساء آیت نمبر 92 کی روشنی میں فرمایا ہے کہ کسی مسلمان کو ناحق قتل کرنے والا ملت اسلامیہ سے ہی نکل جاتا ہے۔
وَمَن یَّقْتُلْ مُؤمِناً مُّتَعَمِّداً فَجَزاؤُہُ جَہَنَّمُ خَالِداً فِیْہَا وَغَضِبَ اللّٰہُ عَلَیْہِ وَلَعَنَہُ وَاَعَدَّ لَہُ عَذَاباً عَظِیْماً۔
اور جو شخص کسی مسلمان کو جان بوجھ کر قتل کرے تو اس کی سزا جہنم ہے جس میں وہ ہمیشہ رہے گا اور اللہ اس پر غضب نازل کرے گا اور لعنت بھیجے گا
Read more ...
استحکام ِپاکستان میں” وفاق المدارس العربیہ“ کا کردار
">استحکام ِپاکستان میں” وفاق المدارس العربیہ“ کا کردار
متکلم اسلام مولانا محمد الیاس گھمن
پاکستان کی تاریخ میں مدارس اسلامیہ کا ہر دور میں بہت عمدہ کردار رہا ہے وطن عزیز کی سالمیت ، استحکام کو برقرار رکھتے ہوئے اس کے تشخص کو پوری دنیا میں اجاگر کرنے کے لیے اہلیان مدارس کا نام سنہری حروف سے لکھے جانے کے قابل ہے۔
یہ حقیقت بھی اپنی جگہ مسلم ہے کہ دور حاضر کے سب سے بڑے دو المیے ہیں۔ جہالت اور بدامنی۔
جہالت کی بنیاد پر ہمارا سارا معاشرتی نظام تباہی و بربادی کی نذر ہو چکا ہے معاشرے میں پنپنے والی ہر چھوٹی بڑی برائی اسی کی کوکھ سے جنم لے رہی ہے ہماری اخلاقی قدریں جہالت ہی کی وجہ سے پامال ہو رہی ہیں۔ باقی رہی بدامنی تو آپ ہی بتائیے کہ ”ملکِ پاک“ کا وہ کون سا حصہ سے جو اس سے” پاک“ ہو؟ تجارتی و کاروباری مراکز ، سرکاری و غیر سرکاری ادارے ، عصری و دینی درسگاہیں ،مکاتب و مساجد الغرض ہر گلی کوچہ میں بدامنی کا بد مست ہاتھی کھلے عام دندنا رہا ہے۔
Read more ...
لوحِ ایام
لوحِ ایام
مرکز اہل السنۃ والجماعۃ سرگودھا میں معزز مہمانان گرامی کی آمد اور متکلم اسلام مولانا محمد الیاس گھمن حفظہ اللہ کےاندرون و بیرون ممالک کے مختلف مسلکی اسفار
اہم مذہبی ، سیاسی اور سماجی شخصیات سے خصوصی ملاقاتیں
3 اپریل بروز اتوار مرکز اصلاح النساء میں سالانہ خواتین اجتماع ہوا جس میں علاقہ بھر سے خواتین نے شرکت کی۔
7اپریل بروز جمعرات ماہانہ تین روزہ تحقیق المسائل کورس منعقد ہوا۔ جس میں مختلف شعبہ ہائے زندگی سے تعلق رکھنے والے افراد شریک ہوئے۔
Read more ...