صبر کا پھل

امام صاحب رحمۃ اللہ علیہ کو لوگوں نے بہت تنگ کیا‘ ایک مرتبہ ان کے مکان پر ایک شخص آیا اور آپ سے کہا کہ میں آپ کی والدہ سے نکاح کرنا چاہتا ہوں‘ امام صاحب رحمۃ اللہ علیہ نے فرمایا: دیکھو بھائی! میری والدہ عاقلہ بالغہ ہیں‘ ان پر کسی کو ولایت اجبار حاصل نہیں‘ میں ان سے معلوم کرآؤں‘ اگر وہ اجازت دیں گی تو کردوں گا‘ ورنہ نہیں‘ اس کے بعد آپ اندر تشریف لے گئے پھر جو باہر تشریف لائے تو وہ شخص مقتول ملا‘ معلوم ہوا کہ امام صاحب جب اندر تشریف لے گئے تو پیچھے وہ شخص گر پڑا اور تڑپ تڑپ کر مرگیا۔ اس پر امام صاحب رحمۃ اللہ علیہ نے فرمایا کہ: میرے صبر نے اس کو قتل کردیا۔