فقیہہ الامت سیدنا عبداللہ بن مسعود رضی اللہ عنہ

سیدنا حضرت عبداللہ بن مسعود رضی اللہ عنہ کا شمار ان جلیل القدرصحابہ کرام میں ہوتاہے جو علم وفضل کے اعتبار سے اپنے دور کے امام تھے۔اس بات کی گواہی حضرت مسروق نے ان الفاظ میں دی ہے:

میں نے تمام صحابہ کا علم چھ۔ میں جمع پایا اور۔ پھر ان چھ کا علم دو میں سمٹ گیا۔ حضرت ابن مسعود اور حضرت علی رضی اللہ عنہ۔

آپ ان صحابہ میں سے ہیں جو فقہ کے بانی تھے یہی وجہ ہے کہ فقہ حنفی کی بنیاد حضرت ابن مسعود رضی اللہ عنہ کے اجتہادات وفقہ پر ہے آپ کی فقہی بصیرت کو دیکھتے ہوئے حضرت فاروق اعظم رضی اللہ عنہ نے آپ کو کوفہ کا معلم بنا کر بھیجا اور لوگوں کو ان کی اطاعت کا حکم دیا۔حضرت ابن مسعود رضی اللہ عنہ نے کوفہ میں علمی حلقہ درس قائم فرمایا اور مسلمانوں میں مسائل فقہیہ کی ترویج واشاعت فرمائی۔کوفہ میں آپ ہی کی فقہ نے شہرت حاصل کی۔ یہ فقہ کئی ایک حضرات سے گزر کر حضرت امام اعظم ابوحنیفہ رحمہ اللہ تابعی تک پہنچی،جنہوں نے اپنے علم واجتہاد سے اس فقہ کو اس قدر وسعت دی کہ آج مسلمانوں کی اکثریت اسی فقہ کی روشنی میں دین پر چل رہی ہے۔حضرت ابن مسعود رضی اللہ عنہ بیک وقت مفسر بھی تھے اور محدث ،فقیہہ اور مجتہد بھی،آپ تفسیر بالرائے کی سختی سے مخالفت کرتے تھے آپ کا نظریہ یہ تھا کہ بندہ جس چیز کو نہ جانتا ہو اس سے لاعلمی کا اظہار کردے اپنی طرف سے بات نہ بتائے۔آپ رضی اللہ عنہ بلند درجہ کے محدث بھی تھے مگر اس کے باوجود حدیث بیان کرنے میں بڑی احتیاط فرماتے اکثر حدیث بیان کرتے وقت قال رسول اللہ صلی اللہ علیہ وسلم نہیں فرماتے تھے،چنانچہ ابوعمرو شیبانی کہتے ہیں:

میں ایک عرصہ تک آپ کی خدمت میں رہا آپ حدیث بیان کرتے وقت قال رسول اللہ صلی اللہ علیہ وسلم نہیں فرماتے تھے۔جب کبھی حدیث بیان کرتے وقت قال رسول اللہ صلی اللہ علیہ وسلم فرماتے تو جسم پر کپکپی طاری ہوجاتی اور فرماتے کہ حضور صلی اللہ علیہ وسلم نے اس طرح فرمایا یا اس کے قریب قریب۔

آپ رضی اللہ عنہ صف اول کے مجتہدین وفقہاء میں سے ہیں۔آپ کو فقہ میں بڑی دسترس حاصل تھی،مسائل اجتہادیہ میں آپ اجتہاد کرنے کے قائل تھے،چنانچہ آپ کےچند اجتہاد ی مسائل درج ذیل ہیں۔

1: آپ کے پاس ایک شخص لایا گیا جو ایک اجنبی عورت کے ساتھ اس کے لحاف میں پایا گیا لیکن اس کے خلاف کوئی گواہ نہ تھا،آپ نے اس شخص کو 40کوڑے لگوائے۔اور عبرت کے طور پر لوگوں کے سامنے کھڑا کیا،لوگوں نے حضرت عمر رضی اللہ عنہ سے شکایت کی تو انہوں نے حضرت ابن مسعود سے پوچھا کہ آپ۔ نے ایسا کیا ہے؟فرمایا جی ہاں!حضرت عمر رضی اللہ عنہ نے پوچھا کیا ایسے شخص کے بارے میں آپ کی۔ رائے یہی ہے ؟فرمایا جی ہاں!تب حضرت عمر نے فرمایا کہ آپ کی۔ رائے بہت اچھی ہے۔(فقہ عبداللہ بن مسعود رضی اللہ عنہ ص21)یعنی حضرت عمر رضی اللہ عنہ نے سیدنا عبداللہ بن مسعود رضی اللہ عنہ کے اجتہادی فیصلہ کو درست قرار دیا۔

2: حضرت عمر رضی اللہ عنہ کے دور میں ایک مقدمہ پیش آیا کہ ایک شخص نے دوسرے کو عمدا قتل کردیا اور۔ مقتول کے ورثاء میں سے ایک شخص نے قاتل کو معاف کردیا۔حضرت فاروق اعظم رضی اللہ عنہ نے حضرت عبداللہ بن مسعود۔ رضی اللہ عنہ۔ سے پوچھا اس معاملہ میں آپ کی کیا رائے ہے؟ آپ نے فرمایا کہ قاتل کی جان کے تمام ورثاء حقدار تھے جب ایک نے معاف کردیا تو اب قاتل کو قتل نہیں کرسکتے۔حضرت عمر رضی اللہ عنہ نے پوچھا پھر کیا کیاجائے؟حضرت ابن مسعود نے فرمایا کہ قاتل کے مال سے مقتول کی دیت اس کے ورثاء کو ادا کی جائے۔لیکن جس وارث نے معاف کردیاہے اس کا حصہ ختم کردیا جائے یہ فیصلہ سن کر حضرت عمر رضی اللہ عنہ نے فرمایا کہ میری رائے بھی یہی ہے۔

3: کتاب الحج میں ایک مسئلہ ہے اگر کوئی شخص دشمن کی طرف سے رکاوٹ کی وجہ سے حج یا عمرہ نہ کرسکے تو وہ ہدی کا جانور بھیج دے اور بعد میں احرام کھول دے پھر جب موقع ملے تو قضاء کرلے۔حضرت ابن مسعود رضی اللہ عنہ نے اس سے دوسرا مسئلہ یہ نکالا کہ اگر کوئی شخص بیماری کی وجہ سے حج یا عمرہ نہ کرسکے تو وہ بھی ہدی کا جانور بھیج دے بعد میں قضاء کرلے۔

4: حضرت ابن مسعود رضی اللہ عنہ بسا اوقات کوئی فیصلہ اپنے اجتہاد سے فرماتے بعد میں اس کے مطابق حدیث مل جاتی تو آپ اس پر خوشی کا اظہار فرماتے۔چنانچہ ایک مسئلہ پیش آیا کہ ایک شخص کا نکاح ہوا لیکن بیوی کا حق مہر مقرر نہیں کیاگیااور خاوند کا انتقال ہوگیا،تو اس کے متعلق کیا حکم ہے؟فرمایا اس کے لیے مہر ہوگاوہ خاوند کی وارث ہوگی اور اس پر عدت بھی ہوگی۔ ساتھ ہی فرمایااگر میرا یہ فیصلہ درست ہوتو اس کو اللہ جل شانہ کی طرف سے سمجھنا اوراگر اس میں اجتہادی غلطی ہو تو اس میں میرا قصور ہوگا۔اس جگہ موجود لوگوں میں سے چند افراد نے گواہی دی کہ آپ نے جو فیصلہ فرمایا ہے رسول اللہ صلی اللہ علیہ وسلم نے بھی یہی فیصلہ فرمایا تھا اس پر آپ رضی اللہ عنہ بہت ہی زیادہ خوش ہوئے۔ ملخصاً

حضرت عبداللہ بن مسعود رضی اللہ عنہ کے اجتہاد ات کا احاطہ مقصود نہیں اور نہ ہی یہ ممکن ہے ہم نے چند اجتہادی مسائل کو یہاں ذکر کردیا۔اور شروع میں یہ بات عرض کی تھی کہ فقہ حنفی کی بنیاد حضرت ابن مسعود رضی اللہ عنہ کے ہی اجتہادات پر ہے۔ہم یہاں چند مسائل ذکر کرتے ہیں کہ ان میں جو موقف سیدناابن مسعود رضی اللہ عنہ کا تھا اسی کو امام اعظم ابوحنیفہ تابعی رحمہ اللہ نے اختیار کیا۔

ترجمہ: حضرت عبداللہ بن مسعود رضی اللہ عنہ امام کے پیچھے کسی بھی نماز میں قراءت نہیں کرتے تھے۔

ترجمہ: ابووائل کہتے ہیں کہ ایک شخص حضرت ابن مسعود رضی اللہ عنہ کے پاس آیا اور پوچھا کیا امام کے پیچھےقراءت کرسکتا ہوں؟آپ رضی اللہ عنہ نے فرمایا کہ قراءت قرآن کے وقت خاموش رہو کیونکہ نماز میں ایک قسم کی مشغولیت ہے ،امام کی قراءت تجھے کافی ہے۔

ترجمہ: حضرت عبداللہ بن مسعود رضی اللہ عنہ فرماتے ہیں کہ نماز میں امام تعوذ،تسمیہ اور آمین آہستہ آواز سے کہے گا۔

ترجمہ: حضرت اسود سے مروی ہے کہ حضرت عبداللہ بن مسعود رضی اللہ عنہ تکبیر اولیٰ کے وقت رفع یدین کرتے تھے بعد میں نہیں کرتے تھے۔

ترجمہ: حضرت عبداللہ بن ابی موسی سے روایت ہے کہ حضرت عبداللہ بن مسعود رضی اللہ مسجد میں تشریف لے گئے امام فجر کی نماز شروع کرچکا تھا آپ رضی اللہ عنہ نے پہلے فجر کی سنتیں ادا فرمائیں۔

ترجمہ: حضرت ابن مسعود رضی اللہ عنہ فجر کی نماز خوب روشنی میں ادا فرماتے تھے۔

ترجمہ: حضرت عبداللہ بن مسعود رضی اللہ تین رکعت وتر پڑھتے تھے ہر رکعت میں تین سورتیں پڑھتے تھے۔

ترجمہ: حضرت عبداللہ بن مسعود رضی اللہ عنہ فرماتے ہیں کہ وتر کی تین رکعتیں ہیں جس طرح نماز مغرب کی تین رکعتیں ہیں۔

ترجمہ: حضرت عبداللہ بن مسعود رضی اللہ عنہ رکوع سے پہلے دعاء قنوت پڑھتے تھے۔

ترجمہ: حضرت ابن مسعود رضی اللہ عنہ وتر کی آخری رکعت میں سورۃ الاخلاص پڑھتے پھر رفع یدین کرتے اور قنوت رکوع سے پہلے پڑھتے تھے۔

ترجمہ: زید بن وہب کہتے ہیں کہ حضرت عبداللہ بن مسعود رضی اللہ ہمیں رمضان میں تراویح پڑھاتے تھے اعمش کہتے ہیں کہ حضرت ابن مسعود رضی اللہ عنہ بیس رکعت تراویح اور تین وتر پڑھاتے تھے

ترجمہ: حضرت ابراہیم فرماتے ہیں کہ حضرت علقمہ حضرت اسود اور حضرت ابن مسعود تینوں حضرات ایک مسجد میں تشریف لائے وہاں جماعت ہوچکی تھی حضرت ابن مسعود رضی اللہ عنہ ان کو گھر لے گئے ایک کو دائیں طرف دوسرے کو بائیں طرف کھڑا کیا اور نماز پڑھائی۔یعنی مسجد میں دوبارہ جماعت نہیں کرائی۔

ترجمہ: حضرت عبداللہ بن مسعود رضی اللہ عنہ سجدہ میں جاتے وقت پہلے گھٹنے زمین پر رکھتے پھر ہاتھ۔

ترجمہ: حضرت ابن مسعود رضی اللہ عنہ نماز کی پہلی اور تیسری رکعت سے اٹھتے وقت جلسہ استراحت نہیں فرماتے تھے۔