فقہ کی اہمیت محدثین کی نظر میں

حافظ ابن قیم رحمہ اللہ لکھتے ہیں:

ترجمہ : امام احمد سے مروی ہے کہ اگر کسی شخص کے پاس حدیث کی کتابیں ہوں تو اس کے لئے جائز نہیں کہ جس پر چاہے عمل کر لے اور جو قول چاہے اختیارکرلے اور اس کے مطابق فیصلہ دے جب تک علماء سے نہ پوچھ لے کہ کون سی بات اختیار کرنی ہے۔ اس صورت میں اس کا عمل صحیح طریق پر ہوسکے گا۔

یہاں” اہل علم“ سے کون لوگ مراد ہیں، محمد عوامہ لکھتے ہیں :

ترجمہ: اہل علم سے مراد اہل فقہ ہیں وہی بتا سکتےہیں کہ اس حدیث پر عمل کیا جائے گا یا نہ

9:امام شافعی رحمہ اللہ کے شاگرد امام مزنی رحمہ اللہ جو امام طحاوی رحمہ اللہ کے استاد اور ماموں تھے فرماتے ہیں:

ترجمہ : اللہ تم پر رحم کرے ،ان احادیث پر جو تم نے جمع کیں نظر رکھو اور علم اہل ِفقہ سے حاصل کرو۔ تم خود بھی فقہاء بن جاؤگے۔

10: پہلے دنوں وہ اہلِ علم جن کی بات سند سمجھی جائے ”فقہاء“ کہلاتے تھے۔ ابن جریج رحمہ اللہ روایت کرتے ہیں مجھے ابن ابی لیلیٰ[م148ھ] نے ایک مسئلہ سنایا :

[ترجمہ: ابن ابی لیلیٰ کہتے ہیں کہ ہمارے فقہاء نے یہ مسئلہ بتایا: ایک غلام اپنے آپ کو آزاد ظاہر کر کے کسی عورت سے نکاح کرے اور مہر میں اپنےآقا کا مال دے تو آقا کو اختیار ہو گا چاہے تو وہ مال جوغلام نے عورت کو مہر کے طور پر دیا ہے اے عورت سے لے لے، کیونکہ عورت نے غلام کی حالت جانے بغیر نکاح کرنے میں جلدی کی]

11: امام ترمذی رحمہ اللہ (م279ھ ) ایک بحث میں لکھتے ہیں:

ترجمہ: اور یہی بات فقہاء نے کہی ہے اور فقہاء ہی حدیث کے معنی بہتر جانتے ہیں۔

12: حضرت ابو بکر بن عیاش رحمہ اللہ صحیح بخاری کے راوی ہیں

علم کا آخری فیصلہ آپ کے ہاں فقیہ کا فیصلہ ہے جب تک کسی مسئلہ پر فقیہ کا عمل نہ ہو وہ مسئلہ ہی نہیں۔ آپ ایک مقام پر کہتے ہیں :

ترجمہ: میں نے کسی فقیہ کو ایسا کرتے ہوئے نہیں دیکھا۔

13: حافظ ابن حجر عسقلانی رحمہ اللہ (852ھ)لکھتے ہیں :

ترجمہ: سو حلال و حرام کا علم فقہاء سے ہی حاصل کیا جاتا ہے۔

14: حافظ ابن رجب حنبلی رحمہ اللہ(795ھ) اپنے رسالہ الطیبۃ النافعۃ میں لکھتے ہیں:

ترجمہ: ائمہ اور فقہاء اہل حدیث حدیث صحیح کی پیروی کرتے ہیں،وہ جہاں بھی ہو بشرطیکہ وہ صحابہ رضی اللہ عنہ اور تابعین کے ہاں یا ان کے کسی ایک حلقے میں معمول بہ رہی ہو لیکن جب اسے سب نے چھوڑ رکھا ہو تو اس پر عمل کرنا جائز نہیں۔ ان حضرات نے اسے کسی علم کی بناء پر ہی چھوڑا ہوگا۔

حضرت عمر بن عبدالعزیز رحمۃاللہ کہتے ہیں کہیں سے حدیث لو بشرطیکہ وہ تم سے پہلے لوگوں میں قبول کی گئی ہو وہ بے شک تم سے زیادہ جاننے والے تھے۔

15: علامہ سیوطی رحمہ اللہ الحاوی میں لکھتے ہیں :

ترجمہ: پہلے اہل علم نے کہا ہے وہ محدث جو فقہ نہ جانتا ہو اس عطار کی طر ح ہے جو طبیب (ڈاکٹر) نہ ہو سب دوائیں اس کی دکان میں موجود ہوتی ہیں اور وہ نہیں جانتا کہ وہ کس مرض کا علاج ہیں اور فقیہ بلاحدیث اسی طرح ہے جیسے وہ طبیب جو جانتا تو ہے کہ یہ دوائیں کس مرض کی ہیں مگر وہ رکھتا نہیں۔

ان تفصیلات سے یہ بات واضح ہو جاتی ہے کہ فقہ اور حدیث میں کوئی تضاد نہیں ،فقہ حدیث کا غیر نہیں ،حدیث قالب ہے اور فقہ روح ہے - فقہاءنے کبھی قیاس اور استنباط کو نص پر مقدم نہیں کیا۔نا مناسب نہ ہوگا کہ ہم یہاں اپنے ایک مضمون الموافقہ بین الحدیث والفقہ بھی ہدیہ قارئین کردیں۔ مضمون کی مناسبت سے اگر کوئی بات دوبارہ آجائے تو اس سے درگزر فرمائیں۔