فقیہ ابن فقیہ سیدنا عبداللہ بن عمر رضی اللہ عنہما

حضرت ابن عمر رضی اللہ عنہما کا شمار کبار فقہاء صحابہ رضی اللہ عنہم میں ہوتا ہے۔فقہ میں ان کی جلالت شان کو بیان کرتے ہوئےمیمون بن مہران فرماتے ہیں:

میں نے میں ابن عمر سے بڑا فقیہ کہیں نہیں دیکھا۔

امت کے ایک بہت بڑے طبقہ نے ابن عمر رضی اللہ عنہماسے اس نعمت عظمیٰ(فقاہت)کو حاصل کیا امام ذہبی رحمہ اللہ نے آپ رضی اللہ عنہماکے شاگردوں کی تعداد220سے کچھ اوپر بتائی ہے۔

ان شاگردوں نے فقہ والی دولت آپ سے لے کہ آگے امت میں پھیلائی۔حافظ ابن قیم رحمہ اللہ نے فرماتے ہیں جن صحابہ کرام رضی اللہ عنہم کے شاگردوں سے امت کو علم و فقہ والی دولت ملی ہے اس میں بہت بڑا حصہ حضرت ابن عمر رضی اللہ عنہما کے شاگردوں کا ہے۔

حضرت ابن عمر رضی اللہ عنہماباکمال،فقیہ ہونے کے باوجود کبار صحابہ رضی اللہ عنہم کی اتباع کو پسند کرتے تھے اور ان کی مخالفت کو درست نہ سمجھتے تھے آپ رضی اللہ عنہما اکثر فرمایا کرتے تھے میں نے اپنے رفقاء کو ایک متعین راستے پر چلتے دیکھا ہے اگر میں اس راہ سے ہٹ کر کوئی اور راستہ اختیار کروں تو خطرہ ہے کہ میں ان کے ساتھ نہ مل سکوں۔

مجتہد کو اللہ پاک کئی ایک خصوصیات سے نوازتے ہیں۔

مسائل غیرمنصوصہ کو منصوصہ پر قیاس کرنا۔

حدیث نبوی سے مراد پیغمبر کو سمجھنا۔

جن مسائل کے متعلق احادیث دو قسم کی ہیں ان میں کسی ایک کو ترجیح دینا وغیرہ۔

حضرت ابن عمر رضی اللہ عنہما کو اللہ تعالیٰ نے تینوں خوبیوں سے نوازا تھا۔

اگر ایک آدمی نے کسی عورت کے ساتھ ایک شخص کو دیکھا کہ وہ زنا کا ارادہ کرچکا تھا تو صرف ارادہ زنا سے اس پر حد نہیں لگائی جائے گی آپ رضی اللہ عنہما نے اس پر دوسرا مسئلہ قیاس کیا کہ اگر ایک شخص نے کسی کا سامان چوری کیا مگر اس کو گھر سے باہر نہیں نکالا تھا تو اس کے ہاتھ نہیں کاٹے جائیں گے۔

معلوم ہوا آپ اجتہاد کے قائل تھے قرآن وسنت کے بعد مسائل کے حل کے لیے فقہ کی ضرورت محسوس کرتے تھے۔

حضور علیہ السلام نے اہل ایمان کو مشرکین کی مخالفت کا حکم دیتے ہوئے داڑھی کو بڑھانے کا فرمایا حدیث میں الفاظ ہیں

یعنی داڑھی کو چھوڑ دو اس حدیث کی شرح میں مشہور غیرمقلد عالم وحید الزمان لکھتے ہیں کہ مختار یہ ہے کہ داڑھی کا چھوڑ دینا افضل ہے اس کو بڑھنے دینا

اب داڑھی کتنی بڑھانی چاہیے اس حدیث میں اس کے متعلق کوئی صریح حکم نہیں حضرت ابن عمر رضی اللہ عنہما جو اس حدیث کے راوی ہیں نے مراد پیغمبر کو اپنے عمل سے واضح کیا آپ کے بارے میں منقول ہے

اب مٹھی سے زائد داڑھی کو کاٹ لیتے تھے۔یہی بات صحیح بخاری میں ان الفاظ کے ساتھ منقول ہے:

حضرت ابن عمر رضی اللہ عنہما جب حج یا عمرہ کرتے تو مٹھی سے زائد داڑھی کو تراش لیتے تھے۔

حدیث میں مطلقا داڑھی بڑھانے کا حکم تھا حضرت ابن عمر رضی اللہ عنہما نے اپنے عمل سے اس کی حد کو واضح فرمادیا۔

احادیث متعارضہ میں کسی ایک کو ترجیح۔

1:امام کے پیچھے قراءت نہ کرنا۔

یعنی آپ کا نظریہ تھا کہ جب کوئی امام کے پیچھے نماز پڑھے تو قراءت کی ضرورت نہیں بلکہ امام کی قراءت ہی مقتدی کی قراءت کےلیے کافی ہے۔ہاں کوئی اکیلا نماز پڑھے تو قرآن ضروری ہے اور آپ کا اپنا معمول بھی امام کے پیچھے قراءت نہ کرنے کا تھا۔

حضرت مجاہد فرماتے ہیں میں نے حضرت ابن عمر کی اقتداء میں نماز ادا کی آپ نے صرف شروع نماز میں رفع یدین کیا بعد میں نہیں کیا۔

3:آپ ایک مجلس میں دی گئی تین طلاقوں کو تین ہی شمار کرتے تھے۔

عقبہ بن مسلم کہتے میں نے حضرت ابن عمر سے وتر کے متعلق سوال کیا آپ نے پوچھا دن کے وتر تو جانتے ہو؟میں نے کہا جی ہاں مغرب کی نماز آپ نے فرمایا بالکل ٹھیک کہا۔یعنی جس طرح مغرب کی تین رکعتیں ہیں وتر کی بھی تین رکعتیں ہیں،

5:فجر کی جماعت کھڑی ہوجائے تو سنتیں ادا کرنا۔

آپ نے صبح کی نماز ادا کرنے کے لیے تشریف لائے تو جماعت کھڑی ہوچکی تھی آپ نے مسجد کے باہر پہلے سنتیں ادا کیں پھر جماعت میں شامل ہوگئے۔

6:مدرک رکوع مدرک رکعت ہے۔

حضرت نافع سے روایت ہے حضرت ابن عمر نے فرمایا جب آپ امام کو رکوع کی حالت میں پالو تو تم نے وہ رکعت پالی۔

آپ کی دلی تمنا تھی کہ مجھے موت مدینہ میں آئے مگر تقدیر کچھ اور تھی آپ کی وفات 74ھ میں 83یا84برس کی عمر میں مکہ میں ہوئی وصیت کے مطابق لوگوں نے آپ کو حرم کے باہر دفن کرنا چاہا مگر حجاج نے مداخلت کرکے خود ہی جنازہ پڑھایا اور مہاجرین کے قبرستان میں دفن کردیا۔