آداب مجلس

ترجمہ:

حضرت انس بن مالک رضی اللہ عنہ سے روایت ہے کہ دو آدمیوں کو نبی کریم صلی اللہ علیہ وسلم کی موجودگی میں چھینک آئی۔آپ صلی اللہ علیہ وسلم نے ان میں سے ایک کو جواب دیا اور دوسرے کو جواب نہیں دیا۔ تو جس کو آپ صلی اللہ علیہ وسلم نے جواب نہیں دیا تھا اس نے عرض کی: یا رسول اللہ!آپ نےان صاحب کو تو چھینک کا جواب دیا ہے لیکن مجھے جواب نہیں دیا۔تو رسول اللہ صلی اللہ علیہ وسلم نے فرمایا: اس نے اللہ کی حمد بیان کی تھی اور تم نے حمد بیان نہیں کی تھی۔

اس حدیث میں اس بات کی وضاحت کی گئی ہے کہ چھینک آنے پر الحمدللہ کہنے والے کو جواب دینا واجب ہےلیکن صرف اسی کو جو کہ الحمدللہ کہے اور جو الحمدللہ نہ کہے اس کو جواب دینا واجب نہیں۔ لہذا ہمیں بھی اس بات خیال کرتے ہوئے چھینک پر الحمد للہ اور دوسرے موجود لوگوں کو جواب دینے کا اہتمام کرنا چاہیے