سیدنا ابو الدرداء رضی اللہ عنہ

رسول اقدس صلی اللہ علیہ وسلم کے معروف اور جانثار صحابی ہیں ، غزوہ بدر کے دن اسلام قبول کیا۔ آپ کا نام عویمراورکنیت ابودرداء تھی۔

معلم انسانیت صلی اللہ علیہ وسلم کے تمام صحابہ کرام نبی کریم کے ہی فیض یافتہ ہیں لیکن بعض ایسے بھی جنہوں نے آپ سے علم کا بہت سا حصہ پایا ،امام ذہبی رحمہ اللہ نے تذکر ۃ الحفاظ میں لکھا ہے کہ حضرت ابو الدرداء رضی اللہ عنہ نے آپ صلی اللہ علیہ وسلم سے قرآن کریم حفظ کیا۔

جہاں آپ نے سینے میں قرآن کریم کو محفوظ کیا وہاں آپ نے امت مسلمہ پر احسان عظیم فرماتے ہوئے قرآن کریم کو جمع کرنے میں بھی پیش پیش رہے۔ آپ اس کے عظیم الشان کارنامے کو تاریخ نے اپنے اندر ہمیشہ کے لیے محفوظ کر لیا۔ چنانچہ صحیح بخاری میں ہے حضرت انس بن مالک رضی اللہ عنہ فرماتے ہیں :

یعنی حضور کی رحلت کے وقت جن چارخوش نصیبوں کو جمع قرآن کی سعادت حاصل ہوئی ان میں حضرت ابودرداء اول نمبر پر ہیں۔

آپ کی ساری زندگی اعلائے کلمۃ اللہ کے لیے وقف تھی ،غزوہ احد کے دن حضرت ابودرداءرضی اللہ عنہ نے اسلام کے دفاع وسربلندی کے لئے بڑی جرات وبہادری کے ساتھ کفار کا مقابلہ کیا آپ کی بہادری کو دیکھ کر حضور علیہ السلام نے فرمایا

اس مختصر سے جملہ میں آپ علیہ السلا م نے حضرت ابو درداء کو بہترین شاہسوار اور امت محمدیہ کا سمجھ دار انسان قراردیاہے۔

1: مشہورفقیہ صحابی حضرت معاذ بن جبل رضی اللہ عنہ نے اپنی وفات کے وقت لوگوں کو جو نصیحت کی ہے وہ اس طرح ہے کہ

یعنی اگر کوئی علمی مسئلہ در پیش ہو تو ان صحابہ کی طرف رجوع کرنا حضرت ابو درداء،حضرت سلمان فارسی ،حضرت عبداللہ بن مسعود اور حضرت عبد اللہ بن سلام رضی اللہ عنھم۔

معلوم ہوا حضرت معاذ؛ سیدنا ابو درداء کو جید علماء میں شمار کرتے تھے۔

2: آپ کی علمی حیثیت کی گواہی دیتے ہوئے حضرت مسروق رحمہ اللہ فرماتے ہیں

صحابہ کرام رضوان اللہ علیہم اجمعین کے علوم سمٹ کر جن خوش نصیبوں کا مقدر بنے وہ یہ ہیں حضرت عمر، حضرت علی، حضرت ابن مسعود، حضرت معاذ ،حضرت ابو درداءاور حضرت زید بن ثابت رضی اللہ عنھم۔

3:آپ کا تعارف امام ذھبی ان الفاظ میں کراتے ہیں

آپ اپنے دور میں ملک شام کے عالم وفقیہ اور قاضی تھے۔

4:آپ کی فقاہت کی گواہی دیتے ہوئے امام ابن اثیر جزری فرماتے ہیں ۔

5:امام ذھبی نے یہ بات بھی نقل کی ہے کہ جب آپ تشریف لاتے تو لوگ مسائل پوچھنے کے لئے یوں ساتھ ہوتے جیسے بادشاہوں کے ساتھ لوگ ہوتے ہیں

آپ کو یہ شرف حاصل ہے کہ حضور علیہ السلام کی موجودگی میں آپ کی اجازت سے اجتہاد فرمایا اور آپ علیہ السلام نے اس کی تردید نہیں فرمائی۔

چنانچہ آپ رضی اللہ عنہ خود فرماتے ہیں۔

کسی صاحب نے حضور سے پوچھا یا رسول اللہ کیا ہر نماز میں قرات کرنی چاہیے ؟ آپ نے فرمایا جی ہاں بالکل۔

آپ کا جواب سن کر ایک صحابی رسول رضی اللہ عنہ نے کہا پھر تو قرات واجب وضروری ہوئی۔ اس پر حضور حضرت ابو دردا ء رضی اللہ عنہ کی طرف متوجہ ہوئےتو انہوں نے اپنے اجتہاد سے آپ کے اس فرمان کی تخصیص کرتے ہوئے فرما یا میری رائے یہ ہے کہ اگر آدمی باجماعت نماز پڑھ رہا ہو تو امام کی قرات ہی کافی ہے یعنی مقتدی قرات نہ کرے تب بھی نماز ہوجاتی ہے۔

نوٹ : [آپ کے اس اجتہا د سے یہ بھی معلوم ہوا کہ جن روایات میں نمازی کو قرآن پڑھنے کا ذکر ہے اس سے مراد منفرد ہے مقتدی نہیں ]

ہر صاحب عقل اس حدیث کو سامنے رکھ کر سوچ سکتا ہے کہ آپ اجتہاد کے کتنے بلند مقام پر فائز تھے۔

آپ کا نظریہ یہ تھا کہ صبح کی نماز میں اسفار یعنی صبح روشن کرکے ادا کرنی چاہئے چنانچہ آپ نے حضرت امیر معاویہ رضی اللہ عنہ کو فرمایا

آپ کی وفات 32 ھ میں ہوئی۔