درود شریف؛ اہمیت اور مسائل

اس پر میں آپ کوایک واقعہ سنانے لگاتھا حضرت مولانا محمد امین صفدر اوکاڑوی نوراللہ مرقدہ کا، حضرت رحمۃ اللہ علیہ بہت بڑے عالم تھے اور اوکاڑہ کے سکول میں ٹیچر بھی تھے۔ وہاں ایک بدعتی بھی ٹیچرتھا۔ اس نے حضرت اوکاڑوی رحمۃ اللہ علیہ کی شکایت لگائی اپنے ہیڈماسٹر کو، اس نے کہا: سرہمارے سکول میں ایک ٹیچر آیاہے جو وہابی ہے ہمارے ماحول کوخراب کررہاہے۔ ہیڈماسٹرنے بلالیا۔ اس نے بلاکے پوچھا: ماسٹر امین صاحب! آپ وہابی ہو؟ حضرت نے فرمایا:نہیں میں توپکاسنی ہوں۔ ہیڈ ماسٹر نے کہا: یہ کہہ رہاہے کہ آپ وہابی ہیں۔ حضرت اوکاڑوی نے فرمایا: اس سے پوچھیں تو سہی کہ مجھے وہابی کہتاکیوں ہے؟ ہیڈ ماسٹر نے کہا : اسےکیوں وہابی کہتاہے۔ اس نے کہا:سر! یہ حضورپاک کے درود کونہیں مانتے۔ حضرت اوکاڑوی نے درود پڑھ دیا:

حضرت نے فرمایا: میں مانتابھی ہوں پڑھتابھی ہوں۔ ہیڈماسٹر نے کہا:توکہتاہے یہ درود نہیں مانتے، یہ تو درود مانتے بھی ہیں پڑھتے بھی ہیں۔ اس نے کہا: نہیں سرجی! یہ بیٹھ کے پڑھتے ہیں کھڑے ہوکرنہیں پڑھتے۔ حضرت اوکاڑوی رحمۃ اللہ علیہ فرمانےلگے: یہ جھوٹ بولتاہے، میں جب عام نماز پڑھتاہوں تو التحیات میں درود بیٹھ کے پڑھتاہوں اور جب نمازجنازہ پڑھتا ہوں تودرود کھڑے ہوکر پڑھتاہوں۔ اس نےکہا: ہاں بھائی! اب بتا۔ اس ماسٹر نے کہا: نہیں سرجی! پڑھتے ہیں نہیں پڑھتے۔ مولانا اوکاڑوی رحمۃ اللہ علیہ فرمانے لگے: سر یہ جھوٹ بولتاہے،میں جب اوکاڑہ میں ہوں پڑھتاہوں اور جب حضور صلی اللہ علیہ و سلم کے پاس جاتاہوں تو پڑھتاہوں۔ ہیڈ ماسٹر نے کہا: یہ تویہ درود شریف بھی مانتےہیں، اب توبتا۔ اب اس کے پاس کوئی جواب نہیں تھا۔ حضرت اوکاڑوی نے فرمایا: اب یہ نہیں بتائےگا اب میں بتاؤں گا۔ ہیڈ ماسٹر نے کہا: چلیں آپ بتائیں۔ حضرت نےفرمایا: یہ کہتاہے وہاں والا درود یہاں پڑھو اور میں کہتا ہوں: نہیں یہاں والایہاں پڑھیں گے اور وہاں والا وہاں پڑھیں گے۔

پانچویں بات سمجھیں۔ اللہ نے قرآن کریم میں ہمیں فرمایا کہ اے ایمان والو !درود پڑھو۔ ہم نے درود پڑھنے کے بجائے یہ کہہ دیا: ”اَللّٰھُمَّ صَلِّ عَلٰی مُحَمَّدٍ“ اللہ نے ہمیں فرمایا کہ تم پڑھو ،ہم نے پڑھنے کے بجائے یہ بات کہہ دی: ” ، کوئی بندہ کہہ سکتا ہے کہ یہ بات توٹھیک نہیں ہے، اللہ فرماتاہے تم پڑھو اورہم نے خود پڑھنے کےبجائے اللہ سے کہہ دیا” “اللہ آپ ہی پڑھیں، جوکام ہمارے ذمے تھا ہم نے اللہ کے ذمے لگادیا۔ سوال سمجھ میں آگیا؟ میں وہ سوالات بتارہاہوں جولوگوں نے آپ سے کرنے ہیں، آپ کورس کرنے کے لیے مرکز نہیں آتے تو پھر آپ کو ان کا جواب بھی سمجھ میں نہیں آتا۔

یہ میں سرگودھا والوں سے کہتاہوں کہ باقی دنیا کے لوگ کورس کریں یا نہ کریں آپ میں سے کوئی ایک ایسا بندہ بھی نہ بچے جس نے یہاں تین دن کورس نہ کیاہو۔ آپ سب ارادہ کرو کہ ہم سب کم ازکم تین دن کورس کریں گے، نیت کرتے ہیں سب؟ [جی ہاں ان شاء اللہ۔ سامعین] آپ کے علم میں ہےکہ انگریزی ماہ کی پہلی جمعرات یہ کورس مغرب سے شروع ہوتاہے اور اتوار صبح10 بجے دعاہوجاتی ہے، خودبھی کریں اور دوسروں کوبھی ترغیب دیں اور ان شاء اللہ 31 مئی 2014 بروز ہفتہ صبح 07:30 بجے دورہ تحقیق المسائل شروع ہوگااور 12جون 2014 تک یہ دورہ ہوگا۔ اصل میں یہ دورہ علماءاور طلباء کے لیے ہے لیکن آپ میں سے بھی کوئی شرکت کرنے کا شوق رکھتاہوتو اس میں ضرور شرکت کرے۔ ان دنوں میں میرے خیال میں کالج میں بھی چھٹیاں ہوں گی، یونیورسٹی اورکالج کے لڑکے بھی آسکتے ہیں۔

میں ابھی میانوالی میں تھادودن پہلے کی بات ہے، میں نے وہاں ان کو ترغیب دی، میانوالی کے کچھ علماء تھے، مفتی حضرات بھی تھے۔ میں نے کہا:بھائی آپ سرگودھا کچھ دن کے لیے تشریف لائیں ہمارے پاس کورس کریں۔ مجھے ایک ساتھی کہنے لگا: مولانا صاحب! کتھے میانوالی تےکتھے سرگودھا [کہاں میانوالی اور کہاں سرگودھا] میں نے کہا: رائیونڈ جاتےہو؟ کہتاہے جی ہاں، میں نے کہا:کتھے میانوالی تےکتھے رائیونڈ [کہاں میانوالی اور کہاں رائیونڈ] رائیونڈ جاسکتےہو درمیان میں سرگودھا ہےتم سٹاپ نہیں کر سکتے؟ بس وجہ یہ ہے کہ دل میں اہمیت نہیں، کام کی عظمت نہیں ہے اور میں ان علماء کی بات کرتاہوں کہ جب بھی پھنستے ہیں تو پھر بندہ رائیونڈسے نہیں بلاتے بندہ یہاں سے لیتےہیں، مولاناصاحب! کوئی ساتھی بھیج دو،چِھدْرو(جگہ کا نام ہے) پھنس گئے ہیں کوئی ساتھی دےدو ،فلاں شہر پھنس گئےہیں، تو کبھی یہاں سے مولانا عاطف صاحب جارہےہیں ،کبھی کوئی جارہاہے،کبھی کوئی جارہاہے، یہاں سے ساتھی جا رہے ہیں۔ میں نےکہا: جب پھنس جاؤ تو ہمیں بلانا تو جب خوش ہو تو پھربھی ہمارے پاس آجایاکرو اس سے کیافرق پڑتاہے۔

اور یہ بات کان کھول کر سن لیں رائیونڈ مرکز بھی ہماراہے اور یہ ”مرکز اہل السنت والجماعت“ سرگودھا والا مرکزبھی ہماراہے، یہ دونوں ہمارے ہیں یانہیں؟ [ہمارے ہیں۔ سامعین] آپ لوگوں نے توڑ کیوں پیدا کررکھاہے۔ ایک ساتھی اسی مجلس میں موجود ہے، انہوں نے آج مجھے فون کیا کہ استادجی میں نے آناہے، میں نے کہا: آجاؤ اور مغرب یہاں پڑھو۔ پتا ہے کیا جواب دے رہے ہیں: ”آج شب جمعہ ہے۔“ میں نے کہا کہ میں شب جمعہ ہی پربلارہاہوں، میں کونسا شبِ ہفتہ پر بلارہاہوں۔ میں نےکہا: شبِ جمعہ کے اجتماع میں شرکت ضروری ہے تو سرگودھا مرکز میں بھی شب جمعہ ہے آپ یہاں آئیں یہاں بھی شب جمعہ ہے، مدنی مسجد (سرگودھا) کا نام بھی ”مرکز“ ہے اور اِس جگہ(87 جنوبی) کا نام کیاہے؟ [مرکز۔ سامعین] وہاں بھی مغرب کے بعد بیان ہے اور یہاں بھی مغرب کے بعد بیان ہے، تویہ دونوں ہمارے مرکز ہیں، وہاں جائیں توٹھیک ہے یہاں آئیں توٹھیک ہے، میں نے کہا: مہینے میں چارجمعراتیں ہیں، آپ تین جمعرات وہاں جائیں اور ایک جمعرات یہاں آئیں، امت کو توڑنا ہے کہ جوڑناہے۔[ توڑنا ہے۔ سامعین] میں کہتاہوں تین جمعرات وہاں لگائیں۔ تو میں توڑنے کی بات کرتاہوں یا جوڑنے کی؟ [جوڑنے کی۔ سامعین] ہم امت کو توڑتے نہیں ہیں ہم امت کوجوڑتے ہیں، ہم نے دونوں مراکز کو آباد کرنا ہے ان شاء اللہ۔ ہم رائیونڈ کے مرکز کو اپنا سمجھتے ہیں۔ بس میں جماعت کے ساتھیوں سے کہتاہوں کہ آپ اس مرکز کوبھی اپناسمجھیں، اس سے امت میں جوڑ ہوگا اور امت توڑ سے بچ جائیگی۔ ہم نے امت کو توڑسے بچاناہے ان شاء اللہ۔

میں جوبات سمجھارہاتھا کہ اللہ نے فرمایا”صَلُّوا عَلَيْهِ“ تم درود پڑھو، ہم نے کہہ دیا اللہ! آپ خود ہی پڑھیں۔ کوئی بندہ آپ سے سوال کرے تو آپ نے پھنس جانا ہے اس لیے اس سوال کاجواب ذہن نشین فرمائیں۔ اصل یہ ہےکہ اللہ پاک نے ہمیں فرمایا ہے ”صَلُّوا عَلَيْهِ“ میرے پیغمبر پہ درود پڑھو، ہم اللہ سے عرض کرتے ہیں: اے اللہ! ہم ناپاک ہیں، تیرا نبی پاک ہے، اللہ! ہم ہیں غیر معصوم اورنبی ہے معصوم، ہم ہیں کم درجہ اور نبوت کاہے بہت بڑا درجہ، کہاں ہم کہاں نبی!!! آپ نے حکم دیاہے لیکن ہم خود کو اس قابل نہیں سمجھتے اس لیے اپنے پیغمبر پہ خود درود پڑھیں، ہم کہتے ہیں اللہ بھی پاک ہیں نبی بھی پاک ہے، ! ہم آپ کاحکم مان کر درود پڑھنے کے لیے تیار ہیں، پڑھ ہم دیتے ہیں پہنچاآپ دیں۔ اللہ! ہم آپ سے گزارش کرتےہیں کہ ہم اس قابل نہیں آپ ہی احسان فرمائیں حضور پاک کوان کی شان کےلائق درود پہنچادیں۔

جب ہم یہاں درود پڑھتےہیں تورسول اللہ صلی اللہ علیہ وسلم کے پاس کیسےجاتاہے؟ اس پر کئی روایات موجودہیں ایک روایت صرف اتنی ہے:

جو بندہ میری قبر کے قریب مجھ پر درود پڑھے تو میں خود سنتا ہوں اور اگر کوئی دورسے درود پڑھے تو وہ مجھ تک پہنچادیاجاتاہے۔

اورایک حدیث مبارک میں ہے:

اللہ کے نبی نے فرمایاکہ اللہ کی طرف سےکچھ فرشتے زمین پر پھیلے ہوئے ہیں، (وہ گھوم رہےہوتے ہیں)جب کوئی بندہ مجھ پر سلام پڑھتاہے تو وہ سلام کولےکر حضور کی خدمت میں پہنچاتے ہیں۔

اورجب بندہ سلام پڑھتاہے اللہ کے رسول صلی اللہ علیہ وسلم فرماتے ہیں:

جب بھی کوئی بندہ مجھ پر سلام بھیجتا ہے تو اللہ تعالیٰ میری روح مجھ پر لوٹا دیتا ہےیہاں تک کہ میں اس کے سلام کا جواب دیتا ہوں۔

بتاؤ! کتنی خوش قسمتی ہےکہ ہماری طرف سے سلام پہنچے اورنبی صلی اللہ علیہ و سلم ہمارے لیے جواب عنایت فرمادیں۔ایک سوال ذہن میں رکھ لیں۔ کوئی بندہ آپ سے سوال کرےگا کہ یہ حدیث مبارک توٹھیک نہیں ہے، کیونکہ رسول اللہ صلی اللہ علیہ وسلم نے فرمایا: جب کوئی بندہ مجھ پرسلام بھیجے اللہ تعالیٰ میری روح مجھ پر لوٹادیتے ہیں اورمیں جواب دیتاہوں۔ چوبیس گھنٹےمیں ایک سیکنڈ بھی ایسانہیں جس میں اللہ کے نبی پر کوئی بندہ سلام نہ بھیجتاہو تو اس کامعنیٰ یہ ہوگا کہ ہر وقت حضور کی روح نکلتی ہے پھرآتی ہے پھرنکلتی ہے پھرآتی ہے پھر نکلتی ہے پھر آتی ہے ،اس سے اللہ کے نبی کو راحت نہیں پہنچے گی اس سے اللہ کے نبی کو تکلیف پہنچے گی۔آپ اس کاجواب ذہن میں رکھیں۔ شیخ الاسلام مولانا حسین احمد مدنی رحمہ اللہ نے جواب دیاہے۔ پہلے میں علماء کے لفظ استعمال کرتاہوں پھر اس کا عوامی مطلب سمجھاتا ہوں۔ حضرت مدنی فرماتے ہیں- توجہ رکھنا- کبھی”رَدٌّ“ کا صلہ ”علَیٰ“ آتاہے اورکبھی ”رَدٌّ“ کا صلہ ”اِلیٰ“آتاہے۔ جب ”رَدٌّ“ کا صلہ ”اِلیٰ“ ہو تو پھر معنی ”اعادہ“ ہوتاہے اور جب ”رَدٌّ“ کا صلہ ”علَیٰ“ ہو توپھر اس کامعنیٰ ”توجہ“ ہوتا ہے۔عوام اس کامطلب یوں سمجھے کہ عربی زبان میں ”رَدٌّ“ کالفظ استعمال ہو توکبھی اس کے بعدلفظ ”عَلیٰ“ ہوتاہے،کبھی لفظ ”اِلیٰ“ ہوتاہے۔ اگر”رَدٌّ“ کا لفظ ہو اور اس کے بعد ”اِلیٰ“ لکھا ہوتو اس کامعنیٰ ہوتاہے”روح کولوٹادینا“ اوراگر”رَدٌّ“ کا لفظ ہو اور اس کے بعد ”عَلیٰ“ لکھاہو تو اس کامعنیٰ لوٹانانہیں ہے بلکہ اب اس کامعنیٰ ”متوجہ کرنا“ ہے۔اب حدیث میں دیکھیں اس میں لفظ ”علیٰ“ ہے “ مطلب یہ ہے کہ جو بندہ مجھ پر سلام پڑھتاہے چونکہ میری روح مشاہداتِ الہیہ کے اندر، تجلیات الہیہ کے اندر سیر کررہی ہوتی ہے اللہ میری روح کو متوجہ فرماتے ہیں اور میں اپنے امتی کے سلام کاجواب دے دیتاہوں۔ (مکتوبات شیخ الاسلام : حصہ اول ص248)

اس کا معنیٰ یہ نہیں ہے کہ جب سلام جاتاہے تو حضور صلی اللہ علیہ و سلم فوراً جواب دے دیتے ہیں، اس کامطلب یہ ہے کہ اکٹھا سلام ہواپھر اس کے دفترکولیا، حضور اقدس صلی اللہ علیہ و سلم کی خدمت میں پیش کیا آپ نے سب کاجواب دیا، پھر حضور اپنےکام میں مشغول ہو گئے، اس کےبعد پھردفتر لیا، سلام کیا، حضور نے جواب دیا پھرمشغول ہیں۔ یہ بات آپ کوسمجھ کیوں نہیں آتی؟ سمجھ اس لیے نہیں آتی ہے کہ ہم سمجھتے ہیں دن رات چوبیس گھنٹے کاہوتاہے توبار بار ایسا ہوا کرتاہے، دن اور رات چوبیس گھنٹے کا دنیا کاہوتاہے اورموت کے بعد یہاں کاایک ہزارسال ہوتو وہاں کا ایک دن بنتاہے۔تو وہاں کے معاملات اور طرح کے ہیں۔ ایک اورحدیث مبارک اس سے بھی عجیب ہے، اللہ کے نبی صلی اللہ علیہ وسلم نےفرمایا:

کہ اللہ نے میری قبر پہ ایک فرشتہ ایسامقرر کیاہے جوساری مخلوق کی آواز کوسنتاہے، جو بندہ مجھ پہ سلام پڑھتاہے (اللہ نے اس کو اتنی طاقت دی ہے بندے کی آواز سنتاہے) پھرمجھے اس بندے کا اور اس کے والد کانام لےکر درود پہنچا دیتا ہے، کہتاہے کہ فلاں نے سلام بھیجاہے۔

توہمارا نظریہ ہے کہ جب یہاں سے درود پڑھاجائے اللہ کےنبی کی خدمت میں اللہ پہنچادیتے ہیں اورجب رسول اللہ صلی اللہ علیہ وسلم کی قبر کے پاس پڑھاجائے اللہ پاک اپنے نبی کو سنادیتے ہیں۔ آج کی مجلس ذکر میں اتنا یادرکھیں۔ آئندہ مجلس میں دو باتیں عرض کروں گا۔ [۱] ایک بات ذہن میں یہ رکھیں کہ رسول اللہ صلی اللہ علیہ وسلم اپنی قبر اطہر میں زندہ ہیں اور [۲] دوسری بات کہ جب ہم سرگودھا سے درود پڑھیں اللہ پہنچادیتے ہیں اور جب حضور صلی اللہ علیہ و سلم کی قبر پہ پڑھیں تواللہ سنادیتے ہیں۔ بس وہ جو سنانے اور زندگی پر اعتراضات ہیں نا میں ان اعتراضات کا ازالہ کروں گا ان شاء اللہ۔ میں ساتھیوں سے کہتاہوں کہ اور لوگوں کوبھی متوجہ کریں، عقائد کی اصلاح کے لیے امت کولائیں تاکہ ان کی اصلاح ہو اور ہمارا عقیدہ کھل کر ان کے سامنے آئے۔ اللہ ہم سب کورسول اللہ صلی اللہ علیہ وسلم کی قدرومنزلت سمجھنے کی توفیق عطاء فرمائے، نبی کریم صلی اللہ علیہ وسلم کی ذات اطہر پہ اللہ ہم سب کو سب کچھ لٹانے کی توفیق عطاء فرمائے اورکثرت سے نبی پاک صلی اللہ علیہ وسلم پر درود پاک پڑھنے کی توفیق عطاء فرمائے۔

درود پاک بہت کثرت سے پڑھنا چاہیے خصوصاً آج جمعرات ہے اور کل جمعہ کادن ہے۔ درود پاک کے بہت زیادہ فضائل آئے ہیں۔ اگرزیادہ نہ بھی ہو سکے تو یہ سامنے جودرود پاک لکھاہواہے ” “ جس کو زبانی یادہے بہت اچھا، جن کو یاد نہیں وہ نماز سے پہلے یا نماز کےبعد اسے لکھیں اورلکھ کر لےجائیں۔ جوشخص جمعہ کے دن عصر کی نماز کےبعد اپنےجگہ پربیٹھے اور اٹھنے سے پہلے یہ درود پاک 80 بارپڑھے اللہ کے نبی کاوعدہ ہے کہ اللہ اس کے 80سال کے گناہ معاف فرمادیں گے اور 80 سال کی عبادت کاثواب دیں گے۔

اب بتاؤ ہرجمعہ 80 سال کے گناہ معاف ہوجائیں اور 80سال کی عبادت کااجر مل جائے تو اورکیا چاہیے۔تو آپ اس کویاد کرلیں یا اس کو لکھ کرلےجائیں، اس کو اچھی طرح محفوظ رکھیں۔ اللہ ہم سب کوتوفیق عطاء فرمائے۔