عربی خطبۂِ جمعہ مقامی زبان میں…علمی وتحقیقی تجزیہ

یہی وجہ ہے کہ جہاں اسلام نے اسلامی تعلیم کے حصول پر زور دیا ہے وہاں ساتھ عربی زبان کی تعلیم پر بھی بہت تاکید فرمائی ہے، عربی زبان کی فضیلت اور اہمیت پر کچھ روایات ملاحظہ فرمائیں:

حضرت ابو ہریرہ رضی ا للہ عنہ سے روایت ہے کہ رسول اللہ صلی اللہ علیہ وسلم نے فرمایا: اہل جنت کی زبان عربی ہے۔

حضرت ابی بن کعب رضی اللہ عنہ فرماتے ہیں: عربی زبان کو بھی اسی طرح سیکھو جیسے تم قرآن کریم کو حفظ کرنا سیکھتے ہو۔

حضرت قتادہ سے روایت ہے کہ حضرت عمر رضی اللہ عنہ نے حضرت ابو موسیٰ اشعری رضی اللہ عنہ کو خط میں لکھا: اما بعد! میں تمہیں ان کاموں کے کرنے کا حکم دیتا ہوں جن کے کرنے کا قرآن نے حکم دیا اور ان کاموں سے روکتا ہوں جن سے محمد صلی اللہ علیہ وسلم نے روکا اور تمہیں فقہ اور سنت کی پیروی اور عربی میں سمجھ حاصل کرنے کا حکم دیتا ہوں۔

دین میں گہری سمجھ حاسل کرو خواب کی بات کو اچھی طرح پیش کرو اور عربی زبان سیکھو۔

5: حضرت عمر رضی اللہ عنہ سے ہی مروی ہے:

عربی زبان سیکھو اس لیے کہ یہ عزت میں اضافہ کرتی ہے۔

6: حضرت عمر رضی اللہ عنہ کا ہی فرمان ہے:

عربی زبان سیکھو اس لیے کہ یہ عقل کو باقی رکھتی اور پختہ کرتی ہے اور عزت میں اضافہ کرتی ہے۔

یہ روایات تو عربی زبان کی اہمیت اور فضیلت کے متعلق تھیں، اب کچھ روایات عجمی زبان کی مذمت سے متعلق بھی ملاحظہ فرمائیں۔۔۔۔۔۔۔)جاری ہے(

عربی خطبہ کے ترجمہ کے قائل حضرات کے ممدوح حضرت مولانا عبدالحی لکھنوی رحمہ اللہ کے مجموعۃ الفتاویٰ سے بلا ضرورت عجمی زبان سے لگاؤ کی مذمت کے متعلق کچھ روایات یہاں نقل کرنا فائدہ سے خالی نہ ہوگا، اس لیے درج کی جاتی ہیں:

1: بیہقی نے صحیح اسناد کے ساتھ یہ روایت کی ہے:

حضرت عمر رضی ا للہ عنہ نے فرمایا ہے: کہ عجمیوں کی گفتگو نہ سیکھو اور مشرکوں کے کنیسوں میں ان کی عید کے دن نہ جاؤ کیوں کہ خدا کا غضب ان پر نازل ہوتا ہے۔

2: ابو محمد کرمانی رحمہ اللہ نے کہا:

میں نے امام احمد رحمہ اللہ سے کہا کہ فارسیوں کے مہینوں کے نام مجھے معلوم نہیں ہیں، ان کو میری یہ بات سخت ناگوار ہوئی، اور انہوں نے مجاہد رحمہ اللہ سے ایک حدیث روایت کی کہ حضور سرور عالم صلی ا للہ علیہ وسلم عربی کے سوا دوسری زبان کے الفاظ کو برا جانتے حتیٰ کہ اگر کسی کا نام ہوتا تو بھی آپ پسند نہ فرماتے کیونکہ زبان عربی شعائر اسلام سے ہے اس لیے کہ قوم کی زبان اس کے شعائر میں سے ہوا کرتی ہے۔

3: حضرت عمر رضی اللہ عنہ نےفرمایا:

آدمی فارسی سے صرف مکر سیکھتا ہے اور مکر سے مروت کم ہو جاتی ہے۔

حدیث بیان کی ہم سے اسماعیل بن علیہ نے بروایت داود بن ابی ہند کہ محمد بن سعید بن ابی وقاص نے ایک قوم کو فارسی میں باتیں کرتے دیکھ کر فرمایا کہ مجوسیوں کا کیا حال ہوگا (یعنی برا حال ہوگا)

نبی اکرم صلی اللہ علیہ و سلم نے فرمایا ہے کہ جو شخص بخوبی عربی بول سکتا ہو اسے عجمی زبان میں بات نہ کرنا چاہیے کیونکہ اس سے نفاق پیدا ہوتا ہے۔

علامہ عبدالحی لکھنوی رحمہ اللہ نے یہ روایات غالبا ًعلامہ ابن تیمیہ کی کتاب اقتضاء صراط المستقیم سے نقل کی ہیں۔

………جاری ہے