صفت عالم الغیب خاصۂ خداوندی

جان حَزِیںْ پر بن آئی ہے

کنواں پیچھے کھائی ہے

پیرو بلبل ہو یا تلمیز گل

بن جایا نوا پیدانہ کر

[8]: امام عالم بن علائی الحنفی لکھتے ہیں: تزوجہا بشہادۃ اللہ و رسولہ لا یجوز و عن شیخ الاسلام الامام ابی القاسم الصفار انہ قال: یکفر من فعلہ ہذا لانہ اعتقد ان رسول اللہ صلی اللہ علیہ وسلم عالم الغیب• (فتاویٰ تاتارخانیہ: ج2 ص453، 454 قدیمی کتب خانہ) [9]: قاضی ثناء اللہ پانی پتی لکھتے ہیں: اگر کسے بدون شہود نکاح کرد و گفت خدا و رسول گواہ کردم یا فرشتہ را گواہ کردم کافر شود۔ (ما لا بد منہ: 176) نیز ایک اور مقام پر لکھتے ہیں: اگر کوئی کہے خدا اور رسول اس پر گواہ ہیں وہ کافر ہو جاتا ہے۔ (ارشاد الطالبین: ص20) [10]: ملا علی القاری لکھتے ہیں: و من اعتقد تسویۃ علم اللہ و رسولہ یکفر اجماعا کما لا یخفیٰ• (الموضوعات الکبیر: ص162 بحث حرف الیاء آخر الحروف فصل 13) [11]: علامہ ابن عابدین شامی لکھتے ہیں: تزوج بشہادۃ اللہ و رسولہ لم یجز بل قیل یکفر ( قيل يكفر ) لأنه اعتقد أن رسول الله عالم الغيب• (رد المحتار علی الدر المختار: ص106 کتاب النکاح) [12]: خلاصۃ الفتاویٰ میں ہے: رجل تزوج و لم یحضر شاہدا فقال خدائرا و رسول خدائرا گواہ کردم و فرشتگانرا گواہ کردم یکفر فی الفتاویٰ لأنه یعتقد أن الرسول و الملک عالم الغيب• (ج4 ص385 کتاب الحظر و الاباحۃ) [13]: علامہ عبد الحئی لکھنوی لکھتے ہیں: در فتاویٰ می نویسند: تزوجہا بلا شہود و قال خدائی و رسول خداو فرشتگان را گواہ کردم یکفر لانہ اعتقد ان الرسول و الملک یعلمان الغیب• (مجموعۃ الفتاویٰ: ص331 کتاب الکراہیۃ) مسئلہ علم غیب پر دلائل اہل بدعت اور ان کے جوابات دلیل نمبر1: قرآن پاک میں قرآ ن ہی کے متعلق ہے تبیانا لکل شیئ۔ یعنی ہر شے کا اس میں مفصل بیان ہے الخ جواب نمبر 1: آپ کا استدلال درست نہیں کیونکہ یہ قطی الدلالۃ نہیں اسکی وجہ یہ ہے کہ لفظ کل ہمیشہ عام ہو کر استعمال نہیں ہوتا بلکہ خاص معنی میں بھی استعمال ہوتا ہے۔ جواب نمبر2: اگر واقعۃ قرآن ہر شے کا بیان ہے تو فقہاء کرام کو اجماع وقیاس واجتہاد کی کیا ضرورت پیش آئی۔ جواب نمبر3: قرآن مقدس میں ہے لم نقصص علیک۔ یعنی بعض انبیاء کے قصے ہم نے آپ کو بیان نہیں کیے۔ کیا وہ ہر شے سے خارج ہیں یا داخل ہیں اگر داخل ہیں تو قرآن کی بات درست نہیں رہتی اور یہ بات سچی ہے تو کل شے سے مراد ہر ایک شے کا علم نہیں۔ توپھر کل شی عام نہ رہا اسی طرح علم شعر اور ملکہ شعر گوئی اور علم غیر نافع کے بارے میں ہم کہتے ہیں کہ یہ کل شے میں داخل ہیں یا نہیں اگر ہیں تو یہ علوم سرکار طیبہ ﷺکی شان کے لائق نہیں اور اگر نہیں تو کل شیٔ عام نہ رہا بلکہ خاص ہوگیا۔ جواب نمبر 4: قرآن پاک میں علی کل جبل بھی ہے اور اس سے مراد چند پہاڑ ہیں نہ کہ سارے عالم کے۔ اوتیت من کل شیٔ بھی ہے اور اس سے مراد وہی سامان ہیں جو ان کے مناسب تھا۔ کیا ملکہ بلقیس کو نبوت ورسالت ملک سیلمان ، مردانہ خصوصیات مثلا داڑھی وغیرہ مل گئی تھی ؟ اگر نہیں تو آپ کا اصول ٹوٹ گیا کہ لفظ کل عام ہی ہوتا ہے۔ جواب نمبر 5: اب مطلب سنئے کہ کل شے کا اس آیت میں مطلب ہے کہ قرآن پاک میں امور دین کی ہر ایسی چیز کا بیان کر دیا گیا جسکی لوگوں کو حاجت پڑتی ہے دیکھئے تفاسیر جواب نمبر 6: یہی دلیل شیعہ حضرات نے اصول کافی ص140 پر ائمہ کے علم ماکان وما یکون جاننے پر دی ہے تو پتہ چلا عقیدہ بھی انہی سے لیا دلائل بھی انہی سے۔ دلیل نمبر 2: وعلم آدم الاسمآء کلھا ۔ القرآن . جب آدم علیہ السلام کو تمام ناموں اور ہر شے کا علم دیا تو سرکار طیبہ ﷺ کو بطریق اولی ملا ہو گا۔ جواب نمبر 1: عقائد قیاس سے ثابت نہیں ہوتے۔ جواب نمبر 2: دلیل قطعی الدلالۃ نہیں کیونکہ ناموں کی بات ہے نہ کہ ہر ہر ذرے کا علم۔ جواب نمبر 3: اگر سیدنا آدم علیہ السلام کو علم غیب مل چکا ہوتا شیطان کیسے آپ کو پھسلاتا۔ جواب نمبر 4: صاف مطلب یہ ہے کہ آپ کو ہر شے کے نام بتلا دیے گئے۔ دلیل نمبر 3: عالم الغیب فلا یظھر علی غیبہ احدا۔ القرآن۔ اللہ اپنے غیب پر کسی کو مسلط نہیں کرتا سوائے پسندیدہ رسولوں کے۔ تو معلوم ہوا کہ سب علم عطا فرما دیا۔ جواب نمبر 1: یہ قطعی الدلالۃ نہیں۔ جواب نمبر 2: یہ آیت مکی ہے جب کہ آ پ کے نزدیک ہر شے کاعلم تو نزول قرآن پر مکمل ہوادلیل پہلے کی دعوی بعد کا۔ جواب نمبر 3: اسی آیت سے پہلے والی آیت میں علم قیامت سے سرکار طیبہ ﷺ نفی فرما رہے تو یہ عموم آپ کا قرآن نے ہی توڑ دیا ہے۔ جواب نمبر 4: اس سے مراد بعض غیب کی خبریں ہیں جس سے اہل السنۃ کو انکار نہیں۔ دلیل نمبر 4: وما ھو علی الغیب بضنین• (القرآن) آپ غیب بتانے پر بخیل نہیں۔ معلوم ہوا کہ تمام غیب ہی جانتے ہیں۔ جواب نمبر 1: یہ آپ کے دعوی پر قطعی الدلالۃ نہیں ہے۔ جواب نمبر 2: یہ آیت مکی ہے جو کہ آپ کے دعوی پر دلیل نہیں بن سکتی۔ جواب نمبر 3: بعض مفسرین نے ھو سے مراد قرآن لیا ہے دیکھیے تفسیر عزیزی ،تفسیر حقانی۔ تو قطعی الدلالۃ نہیں لہذا اس مسٔلہ میں مفید نہیں۔ جواب نمبر 4: ابن کثیر میں ہے کہ اللہ تعالی نے قرآن نبی پاک ﷺ پر اتارا آپ اس قرآن کے سنانے پر بخل نہیں کرتے تھے۔ جواب نمبر5: مقصد یہ ہے کہ جو اللہ تعالی نے آپ کو علم دیا آپ نے نہیں چھپایا بلکہ امت کو بتلا دیا ہے اور یہ علم وہی ہے جو آپکی شان کے لائق ہے۔ جواب نمبر 6: بضنین کو بعض نے بظنین بھی پڑھاہے جسکا معنی تفسیر عزیزی میں ہے اے لوگوں جب نبی پاک ﷺ پر تم چھوٹی چھوٹی باتوں پر جھوٹ کی تہمت نہیں لگا سکتے تو اتنی بڑی بات وحی غیب یعنی نبوت پر کس طرح جھوٹ کی تہمت لگاتے ہو۔ معلو م ہوا کہ یہ بریلوی دعوی کیلئے قطعی الدلالۃ نہیں ہے اس لیے مفید نہیں۔ دلیل نمبر 5: وما کان اللہ لیطلعکم علی الغیب۔ القرآن۔ یعنی اللہ تعالی اپنے رسولوں کو غیب پر مطلع کرتا ہے۔ جواب نمبر 1: یہ آپ پرغزوہ احد میں نازل ہوئی اور آپ کا دعوی کلی کا ،وفات سے کچھ پہلے پر ہے تو پہلے 3 ھجری میں دعوی کیسے ثابت کر رہے ہو۔ جواب نمبر 2: اس سے مفسرین نے بعض غیب کی بات کی ہے نہ کہ کلی وجمیع کی ،اس سے بھی تمہارا دعوی ثابت نہیں ہوا۔ جواب نمبر 3: یہ اطلاع علی الغیب ہے اس پر جھگڑا ہی نہیں۔ جھگڑا تو علم غیب پر ہے۔ دلیل نمبر 6: وعلمک ما لم تکن تعلم۔ القرآن۔ ما عام ہے وہی ہے جو لہ مافی السموت وما فی الارض میں ہے۔ جوب نمبر1: یہ آیت تو 4ہجری میں نازل ہوئی جو آپ کے دعوی کیلئے مفید نہیں۔ کمامر جواب نمبر 2: اگر ما عام ہے تو یعلمکم مالم تکونوا تعلمون میں بھی عام ہوا۔ پھر تو سب صحابہ کرام اور آپ ﷺ کو علم برابر ہوا۔ اور عام لوگوں کو بھی فرمایا۔ وعلمکم مالم تعلموا انتم ولا آباؤکم۔ پھر تو سب ہی نبی پاک ﷺ کے برابر علم والے جا ٹھہرے۔ اگر ما وہی ہے جو لہ مافی السموت میں ہے تو پھر تم نے سرکار طیبہ ﷺ برابر کردیا خدا کے۔ حالانکہ خدا کی مثال تو لانی ہی نہیں چاہیئے مخلوق کیلئے۔ جواب نمبر 3: بعضوں نے اس سے مراد علم غیب لیا ہے مگر قیل کے ساتھ جو ضعیف کی طرف اشارہ ہے۔ جواب نمبر 4: اس سے مراد قرآن وسنت کا علم اور بعض امور غیبہ اور مخفی کئی اشیاء کا آپ علیہ السلام کو علم عطا کیا گیا۔ تو اس سے آپ کادعوی ثابت نہیں۔ جواب نمبر 5: اس آیت کی مختلف تفسریں ہیں جو اس بات کی دلیل ہیں کہ قطعی الدالالۃ نہیں۔ دلیل نمبر 7: علمہ البیان۔ القرآن۔ آپ کو ماکان وما یکون کا علم دیا۔ جواب نمبر 1: اول تو یہ قطعی الدلالۃ نہیں۔ جواب نمبر 2: یہ آیت مکی ہے جو آپ کو مفید نہیں۔ کما مر جواب نمبر 3: کئی حضرات نے جنس انسان مراد لیے ہیں نہ کہ نبی پاک ﷺ ہی مراد لیے ہیں جیسے جلالین وغیرہ جواب نمبر4: اگر آپ کی بات درست ہو تو تب بھی مراد اس میں سے جمیع ما کان وما یکون نہیں۔ بلکہ آپ علیہ السلام نے ہونے والی اور گذری ہوئی اخبار وواقعات میں سے کتنوں کو بیان کیا ہے۔ مگر بریلوی مسلک اس سے ثابت نہیں ہوتا۔ جواب نمبر 5: بریلوی مسلک کے معتمد علیہ بزرگ مولانا کرم دین دبیر فرماتے ہیں: علم ما کا ن وما یکو ن خاصہ ذات باری تعالی ہے۔ (آفتاب ہدایت ص185) دلیل نمبر 8: قام فینا رسول اللہ ﷺ مقاما ماترک شیاء یکون فی مقامہ ذلک الی قیام الساعۃ الا حدث بہ• (متفق علیہ) یعنی آپ علیہ السلام نے ایک مرتبہ ہم میں کھڑے ہو کر قیامت تک جو کچھ ہونے والا تھا سب بیا ن کر دیا کسی کو نہیں چھوڑا۔ ایک روایت یوں بھی ہے: فاخبرنا بما ھو کائن الی یوم القیامۃ• (مسلم شریف) یعنی جو کچھ قیا مت تک ہونے والا تھا سب بیا ن فرمادیا۔ جواب نمبر 1: یہ خبر واحد ہیں جو کہ عقیدہ کے اثبات میں مفید نہیں۔ جواب نمبر 2: سیدنا حذیفہ ؓ سے پہلی روایت مروی ہے اور دوسری روایت کے الفاظ جیسی مسلم شریف میں ہے: فاخبرنی رسول اللہ ﷺ بما ھو کائن الی ان تقوم الساعۃ• اور وہ خود ہی اس کی وضاحت فرماتے ہیں کہ میں نے سرکار ﷺ سے کوئی ایسی بات نہیں جو نہ پوچھی ہو یعنی جو باتیں وہ پوچھتے رہے آپ بتاتے رہے تو معلوم ہوا کہ اس سے مراد وہی باتیں ہیں جو انہو ں نے سرکار طیبہ ﷺ سے پوچھیں تھیں اور وہ تھیں کیا ؟ اسی روایت کے آخر سے پتہ چلتا ہے کہ وہ فتنوں کے بارے میں تھیں۔ کیونکہ سیدنا حذیفہؓ فرماتے ہیں: میں وہ فتنہ نہیں پوچھ سکا جو اہل مدینہ کو مدینہ سے نکال دیے گا۔ پتہ چلتا ہے کہ وہ گفتگو فتنوں کے بارے میں تھی۔ اور اس سے یہ بھی معلوم ہوا کہ ان فتنوں کی بھی کئی باتیں بیان نہیں فرمائی۔ جواب نمبر 3: علامہ ابن خلدون کہتے ہیں ان جیسی سب احادیث کامطلب یہ کہ فتنوں اور علامات قیامت کو بیان کرتی ہیں۔ (مقدمہ ص333) جواب نمبر 4: کیا بریلوی حضرات کا ضمیر گوارا کرتا ہے کہ نبی پاک علیہ السلام نے ہر زمانے کے انسانوں کی تعداد ،کافروں مسلمانوں، حیوانوں، جانوروں، چرند، پرند ،کیڑے ،مکوڑے ،سب کی گنتی ،تفصیل ،مکمل حالات بتائے ہوں۔ جواب نمبر 5: ان احادیث کا یہ مطلب بھی ہو سکتا ہے کہ آپ علیہ السلام نے امور دین ،کلیات دین اہم فتنے کئی واقعات وغیرہا بیان فرمائے ہوں اس سے بریلویوں کا دعوی ثابت نہیں۔ جواب نمبر 6: ملا علی قاری فرماتے ہیں مراد دینی باتیں اور وہ باتیں ہیں جو ضروری ہیں۔ (مرقاۃ ) دلیل نمبر9: رب تبارک وتعالی نے آپ علیہ السلام کی پشت پر دست قدرت رکھا تو آپ فرماتے ہیں: فتجلی لی کل شیء• مجھ پر ہر شے روشن ہو گئی۔ جواب نمبر 1: یہ خبر واحد ہے جو عقائد میں مفید نہیں۔ جواب نمبر 2: جتنے وقت تک آپ کی پشت مبارک پر دست قدرت رہا ہر شے آپ اجمالی صورت میں منکشف ہو گئی جب دست اٹھا کیا گیا تو وہ کیفیت بھی جاتی رہی۔ جواب نمبر 3: کیا خداتعالی کی حقیقت بھی آپ پر منکشف ہو گئی اگر نہیں تو عموم ٹوٹ گیا اگر ہاں تو اس پر دلیل چاہیے۔ جواب نمبر 4: روایت کے آخر میں ہے: فعلمت مافی السموت والارض• وہ اشیاء جو آسمانوں اور زمینوں سے وراء ہیں وہ بھی اس سے خارج ہو گئی ہیں۔ اور لفظ ”ما“ پر بحث پیچھے ہم کر چکے ہیں اور لفظ ”کل“ پر بھی پیچھے بحث ہو چکی ہے۔ دلیل نمبر 10: ان اللہ رفع لی الدنیا فانا انظر الیھا والی ما ھو کائن فیھا الی یو م القیامۃ کانما انظر الی کفی ھذہ• یعنی میں دنیا کو اور جو کچھ اس میں ہونے والا ہے اسے ایسے دیکھ رہا ہوں جیسے اپنی اس ہتھیلی کو۔ جواب نمبر 1: یہ روایت صحیح نہیں۔ اسکی سند میں ضعف ہے۔ (تفصیل کیلئے دیکھیے ازالۃ الریب535) جواب نمبر 2: خبر واحد سے یہ عقیدہ ثابت نہیں ہو سکتا۔ جواب نمبر 3: یہ قطعی الدلالۃ بھی نہیں کیونکہ ”ما“ عموم اور خصوص دونوں کیلئے ہو سکتا ہے۔ رد علمِ غیب پر کچھ دلائل بریلوی اکابر کے قلم سے [1]: مفتی احمد یار نعیمی لکھتے ہیں: جو علم عطاء ہو وہ غیب ہی نہیں کہا جاتا غیب صرف ذاتی کو کہتے ہیں۔ (جاءالحق ص97) معلوم ہوا کہ علم غیب صرف خدا کے علم کو کہیں گے۔ [2]: پیر مہر علی شاہ صاحب لکھتے ہیں: وہ خبر جو پیغمبر ﷺ دیتے ہیں وہ یاتو بذریعہ وحی حاصل ہوتی ہے یا اللہ تعالی اس کا علم ضروری نبی کے اندر پیدا فرمادیتے ہیں یا نبی کی حس پر حوادث کا انکشاف فرما دیتے ہیں تو یہ علم غیب میں داخل نہیں۔ (اعلاء کلمۃاللہ ص114) [3]: مفتی احمد یار خان نعیمی گجراتی لکھتے ہیں: علم غیب خدا کی سوا کوئی نہیں جانتا اور رسول وہی غیب جانتے ہیں جو اللہ بتائے۔ (جاءالحق ص122) [4]: بریلوی علامہ غلام رسول سعیدی لکھتے ہیں: اللہ تعالی کے غیر کیلئے علم غِیب کا اطلاق کرنا اس لیے جائز نہیں ہے کیونکہ اس سے متبادر یہ ہوتا ہے کہ اس کے ساتھ علم کا تعلق ابتداء ہے تو یہ قرآن مجید کے خلاف ہو جائے گا لیکن جب اس کو مقید کیا جائے اور یوں کہا جائے کہ اسکو اللہ تعالی نے غیب کی خبردی ہے یا اس کو غیب پر مطلع فرمایا تو پھر اسمیں کوئی حرج نہیں۔ (نعمۃ الباری ج1ص273) موصوف ایک اور مقام پر لکھتے ہیں: علامہ نووی ،علامہ کرمانی ،علامہ عسقلانی،علامہ عینی ؒ،اور دیگر علماء نے اس حدیث کی شرح میں لکھا ہے کہ نبی ﷺ جو بہ تقاضا بشریت غیب کاعلم نہیں تھا۔ (شرح مسلم م5ص108) [6]: مولانا عبد الحی لکھنوی ؒ (جن کو بریلوی اکابر اپنا عالم کہتے ہیں دیکھئے تنبیہات ص124) لکھتے ہیں: علم غیب صفت مختصہ ہے اللہ تعالی کی جیسا کہ کتب عقائد میں تصریح موجود ہے۔ (مجموعۃ الفتاوی ج1ص46ایچ ایم سعید) [7]: عبد الحکیم شرف قادری لکھتے ہیں: بغیر کسی شک وشبہ کے ہمارا پختہ عقیدہ یہ ہے کہ غیب کا علم اللہ کے ساتھ خاص ہے نبی اکرم ﷺ یا کسی دوسری مقبول ہستی کی زبان پر جس غیب کا اظہار ہوا ہے یا تو وحی کے ذریعے ہے یاالہام سے نبی اکرم ﷺ نے غیب کی جتنی خبریں دی ہیں وہ اللہ تعالی کے بتانے سے اور آپ علیہ الصلاۃ والسلام کی نبوت ورسالت کے طور پر ظاہر ہوتی ہیں۔ (اسلامی عقائد ص113مصدقہ ،شاہ احمدنورانی ،عبدالقیوم ہزاروی ،عبدالستار نیازی، سید احمد رضوی)

Download PDF File