صفت مختار کل خاصۂ خداوندی

اس روایت پر غور کیجیے کہ حضرت ابو امامہ اسعد بن زرارہ رضی اللہ عنہ کا انتقال ہوا تو منافقوں اور یہودیوں نے باتیں بنائیں۔ سرکارِ دو عالم صلی اللہ علیہ و سلم کی زبان سے سنیے، آپ صلی اللہ علیہ و سلم فرماتے ہیں:

ترجمہ:ابو امامہ کا فوت ہونا یہودیوں کے لیے اور منافقین عرب کے لیے برا ہو، وہ کہتے ہیں کہ اگر محمد (صلی اللہ علیہ و سلم) نبی ہوتے تو ان کا ساتھی نہ مرتا حالانکہ میں اللہ کی مشیت کے مقابلے میں اپنے لیے اور اپنے ساتھی کے لیے کسی شے کا مالک نہیں۔

اس سے معلوم ہوتا ہے کہ منافقین اور یہود کی ذہنیت تھی کہ نبی وہ ہو گا جو موت و حیات کا بھی مالک ہو۔ تو یہ ان کی سوچ معلوم ہوتی ہے کہ انبیاء علیہم السلام کو ہر شے پر قدرت و اختیار ہے، چاہے تکوینی ہو یا تشریعی۔

چونکہ یہ مسئلہ بریلوی اعتقادات سے ہے اس لیے بریلوی اس کو اسلاف واکابر کی عقائد کی کتب سے ثابت کریں اور اگر انہیں بات قبول نہیں اور قرآن وسنت سے اس کو ثابت کرنا چاہتے تو پھر ہماری طرف سے مطالبہ یہ ہے کہ اس پر دلائل قطعیہ کو پیش کیاجائے۔

اس کی وجہ یہ ہے کہ بریلوی اکابر نے مختارِکل کے منکر کو گستاخ نبوت ، نبی محترم صلی اللہ علیہ وسلم کو عیب لگانے والا، اہل باطل اور ابلیس لعین کا مذہب قرار دیا ہے۔ ملاحظہ فرمائیے:

[۱]: اویسی صاحب لکھتے ہیں:

انبیاء علیہم السلام کا معجزات اور اولیاء کرام کا کرامات کے اظہار پر اختیار اہل حق کا مذہب ہے اور اس سے انکار اہل باطل اور اس انکار کی بنیاد ابلیس نے رکھی ہے۔

ایک جگہ یوں لکھتے ہیں :

آپ کی لاعلمی، عدمِ اختیار ثابت کرنا جاہلوں یا نبوت کے گستاخوں کاکام ہے۔

[۲]: مفتی امین صاحب فیصل آبادی لکھتے ہیں:

اللہ تعالیٰ کے پیارے حبیب صلی اللہ علیہ وسلم کی ذات ستودہ صفات میں عیب تلاش کرنا کہ نبی کو فلاں چیز کا علم نہیں فلاں چیز کا علم نہیں فلاں چیز کا اختیار نہیں۔

اور گستاخی نبوت اور نبی کو عیب لگانا کفر ہےیہ مسلمات بریلویہ میں سے ہیں۔ اس لیے بریلوی صاف لکھ دیں گے کہ مختار کل کاعقیدہ ایمان ہے اور اس کا انکار کفر ہے اور اس پر دلائل صرف قطعی لائے جائیں گے۔

[1]: بریلویوں کے ”مفتی“ محمد امجد علی اعظمی لکھتے ہیں:

رزق وخیر کی ہر قسم کی عطائیں حضور صلی اللہ علیہ وسلم ہی کے دربار سے تقسیم ہوتی ہیں…… احکام تشریعہ حضور صلی اللہ علیہ وسلم کے قبضہ میں کر دیے گئے ہیں کہ جس پرجو چاہیں حرام فرمادیں اور جس کے لیے جو چاہیں حلال کر دیں اور جو فرض چاہیں معاف فرمادیں۔

[2]: حضور صلی اللہ علیہ وسلم ہر قسم کی حاجت روا فرما سکتے ہیں دنیا وآخرت کی مرادیں حضور صلی اللہ علیہ وسلم کے اختیار میں ہیں۔

[3]: مفتی احمد یار نعیمی لکھتے ہیں:

خالق کل نے آپ کو مالک بنا دیا۔

دوسری جگہ لکھتے ہیں:

دنیا دآخرت کی ہر چیز کے مالک حضور ہیں سب کچھ ان سے مانگو ،عزت مانگو ، ایمان مانگو، جنت مانگو ، اللہ کی رحمت مانگو۔

[4]: احکامِ شریعت حضور سید عالم صلی اللہ علیہ و سلم کو سپرد ہیں،جو بات چاہیں واجب کر دیں جو چاہیں ناجائز فرما دیں۔

معلوم ہوگیا کہ بریلویوں کے نزدیک تمام اختیارات کے مالک آنحضور صلی اللہ علیہ وسلم ہیں۔

یہ خدا کی خدائی میں شریک ٹھہرانا ہے اس کی وجہ یہ ہے کہ مفتی احمد یار نعیمی لکھتے ہیں:

کلی اختیارات مکمل علم غیب پر خدائی دارومدار ہے۔

بریلوی حضرات اپنے اس مسئلہ مختار کل میں نبی پاک صلی اللہ علیہ وسلم کے اختیارات کو خدا کے اختیار سے بڑھ کر مانتے ہیں جو یقیناً غلط اقدام ہے۔ مثلاً

اگر تمام اختیارات سونپ دیے گئے ہیں تو یہ بتائیں کہ حضور صلی اللہ علیہ وسلم ابوطالب کو جنت میں لے جائیں گے یا نہیں؟ اگر لے جائیں گے تو فاضل بریلوی نے ”شرح المطالب فی مبحث ایمان ابی طالب“ کیوں لکھی جس کا خلاصہ یہ ہے کہ وہ کافر ہے اور کافر جہنم میں ہی جائےگا۔ اگر نہیں لے جائیں گے تو پھر اختیار کلی کا انکار ہوا۔

مختار کل کا عقیدہ بریلوی حضرات نے شیعوں سے لیا ہے۔

 شاہ عبدالعزیز محدث دہلوی رحمہ اللہ نے لکھا ہے:

آگے لکھتے ہیں:

”امام جعفر صادق سے روایت کلینی نے نقل کی ہے: فما فوضہ اللہ تعالیٰ الی رسولہ صلی اللہ علیہ و سلم فقد فوضہ الینا“

 مولانا کرم الدین دبیر لکھتے ہیں:

یہ مسلم امر ہے کہ موت وحیات خدا کے اختیار میں ہے کسی انسان کو اس کا اختیار نہیں دیا گیا لیکن یہ شیعہ کا اعتقاد ہے کہ ائمہ اہل بیت کو موت و حیات پر کلی اختیار تھا۔

 شیخ عبدالقادر جیلانی رحمہ اللہ نے شیعہ کے فرقہ مفوضہ کا عقیدہ یوں لکھا ہے :

جو مفوضہ ہیں وہ کہتے ہیں کہ اللہ تعالیٰ نے تدبیر خلق کا مسئلہ آئمہ کے سپرد کر دیا ہے۔

اس عقیدہ کے قائل ہونے سے بہت ساری نصوص کا انکار ہوتا ہے۔

 مولوی محمدصادق نقشبندی صاحب لکھتے ہیں[جب آپ صلی اللہ علیہ و سلم نے مسجد نبوی کی طرف کھلنے والے سارے دروازے سوائے حضرت علی رضی اللہ عنہ کے دروازے کے بند کروا دیے تو]:

سیدنا حمزہ رضی اللہ عنہ حضور حضرت رسالت ماب صلی اللہ علیہ وسلم میں حاضر ہوئے اور ان کی آنکھوں میں آنسو تھے اور یہ کہتے تھے کہ یا رسول اللہ صلی اللہ علیہ وسلم آپ نے اپنے چچا کو باہر پھینکا اور چچا کے بیٹے کو اندر بلایا تو آپ نے فرمایا چچا میں مامور ہوں مجھے اس امر کا اختیار نہیں۔

 نقی علی خان کہتے ہیں:

آپ نے چاہاکہ ابوطالب کی بخشش کے واسطے دعا کروں، حکم آیا : پیغمبر اور مسلمانوں کے لائق نہیں کہ مشرکوں کے لیے اگرچہ وہ ان کے رشتہ دار ہوں استغفار کریں۔ اے عزیز وہ حاکم ہے محکوم نہیں غالب ہے مغلوب نہیں مالک ہے تابعدار نہیں اگر تیری دعا قبول نہ فرماوے تجھے ناخوشی اور غصے یا شکایت اور شکوے کی مجال کب ہے جب خاصوں کے ساتھ یہ معاملہ ہے کہ جب چاہتے ہیں عطا کر تے ہیں جب چاہتے ہیں منع فرما دیتے ہیں تو تو کس شمار میں ہے کہ اپنی بات پر اصرار کرتا ہے۔

 مفتی احمد یار نعیمی لکھتے ہیں :

آپ علیہ السلام نے فرمایا میں پہاڑ کو سونا بنانے یا خلق اشیاء پر قدر ت نہیں رکھتا۔

 مفتی احمد یار نعیمی ایک آیت “ کہ اگر عذاب میرے اختیار میں ہوتا تو کب کا تمہارا قصہ چکا دیا گیا ہوتا) کی تفسیر میں لکھتے ہیں:

وہ عذاب جس میں تم جلدی کر رہے ہو میرے قبضے واختیار میں ہوتا تو اب تک میرا تمہار فیصلہ ہو چکا ہوتا۔

 مفتی مظہر اللہ شاہ اس آیت کی تفسیر میں لکھتے ہیں:

تم کو عذاب الٰہی سے ڈرایا جاتا ہے تو ڈھیٹ بن کر اس عذاب کی جلدی کرتے ہو وہ عذاب میرے اختیار میں نہیں وہ اللہ تعالیٰ کےاختیار میں ہے۔

 علامہ سعیدی صاحب اس کی تفسیر میں یوں لکھتے ہیں:

مجھے اس عذاب کے نازل کرنے یا اس کو مقدم اور موخر کرنے پر قدرت نہیں ہے اور اگر بالفرض یہ معاملہ میرے اختیار میں ہوتا تو تو میں تمہارے مطالبہ عذاب کو لا چکا ہوتا۔

 ابو الحسنا ت قادری لکھتے ہیں:

آدم علیہ السلام نے فرمایا حکم الٰہی کے خلاف نہ ہوگا مجھے ترمیم کا کوئی اختیار نہیں۔

 مولوی نعیم الدین مرادآبادی صاحب (سورت یونس آیت نمبر15 کے حاشیہ نمبر35 میں) لکھتے ہیں:

میں اس (قرآن) میں تغیر تبدل کمی بیشی نہیں کر سکتا۔

 نبی کریم صلی اللہ علیہ وسلم فرماتے ہیں میں نے ان (والدہ ) کے لیے استغفار کی اجازت چاہی تو مجھے نہ دی گئی۔

 سعیدی صاحب لکھتے ہیں:

حضور صلی اللہ علیہ وسلم پر کلام الٰہی کا نزول یا پتھر کا حضرت موسیٰ علیہ السلام کے کپڑے لے کر بھاگنا یہ معجزات ہیں لیکن ان اظہار میں حضور صلی اللہ علیہ وسلم یا حضرت موسیٰ علیہ السلام کے اختیار کا دخل نہ تھا۔

دوسری جگہ لکھتے ہیں:

امور غیر عادیہ میں انبیاء اور اولیاء پر وحی والہام کی کیفیت کا عروض ان کے اختیار میں نہیں ہوتا۔

ان سب حوالہ جات سے معلوم ہوگیا کہ مختار کل کا عقیدہ غلط ہے۔

اس دعویٰ سے سرکار طیبہ صلی اللہ علیہ وسلم کی دعاوں کا انکار لازم آتا ہے، مثلاً:

1: اے علی! میں نے اللہ عزوجل سے تین بار سوال کیا کہ تجھے تقدیم دے، اللہ تعالی ٰ نے نہ مانا مگر ابوبکر کا مقدم رکھنا۔

2: میں نے اپنے رب سے تین سوال کیے، ان میں صرف دو تو قبول فرمائے گئے۔ ایک تو یہ تھا کہ میری امت کوقحط تمام سے ہلاک نہ فرمائے یہ قبول ہوا۔ ایک یہ تھا کہ انہیں غرق سے عذاب نہ فرمائے یہ بھی قبول ہوا۔ تیسرا سوال یہ تھا کہ ان میں باہم جنگ وجدال نہ ہو یہ قبول نہیں ہوا۔ (خزائن العرفان ص 175 حاشیہ سورت انعام آیت نمبر 68)

آپ صلی اللہ علیہ وسلم کے شافع محشر ہونے کا بھی انکار لازم آتا ہے۔

احادیث طیبہ میں ہے کہ آپ شافع محشر ہیں اگر تمام اختیارات کامالک آپ کوٹھہرایا جائے تو پھر شفاعت کی ضرورت ہی نہیں رہتی کیونکہ شفاعت کا معنی ہے گزارش کرنا درخواست کرنا۔ خدا تعالیٰ کے مختار کل ہونے پر سب متفق ہیں وہ کبھی کسی کے سامنے عرض وگزارش نہیں کرتا اگر تم سرکار طیبہ صلی اللہ علیہ وسلم کامختار کل ہونا مانو گے گزارش وعرض سے انکار کرنے کی راہ نکلے گی جس سے صاف شفاعت کے عقیدے کا انکار نکلتا ہے۔

فاضل بریلوی لکھتے ہیں:

یہ محتاجی ہی منشا شفاعت ہے جہاں محتاجی نہ ہو خود اپنے حکم سے جو چا ہے کر دیا جائے۔ شفاعت کی کیا حاجت ہو۔

اگر ”مختار کل“ کامطلب یہ ہے کہ ساری کائنات میں پسندیدہ شخصیت ومنتخب اور چنے ہوئے سرکار طیبہ صلی اللہ علیہ وسلم ہیں تو اس میں کسی مسلمان کو اختلاف نہیں اور اگر ”مختار کل“ کامعنی یہ ہے کہ تمام قسم کے اختیارات خدا نے نبی پاک صلی اللہ علیہ وسلم کو دے دیے ہیں چاہے وہ تکوینی ہوں یا تشریعی ہوں تو یہ بات اسلام سے متصادم ہے اور باقی اس بات میں بھی کسی کو اختلاف نہیں ہے کہ کئی باتوں میں خدا نے نبی پاک صلی اللہ علیہ وسلم کی چاہت وپسند کو پوچھاہے:

1: اگر آپ چاہیں تو ان طائف والوں کو ہلاک کر دیاجائے

2: اگر آپ چاہیں تو ہم ان پہاڑوں کو سونا بنا کر آپ کے ساتھ کر دیں

3: اگر آپ چاہیں تو ہم آپ پر موت طاری نہیں کرتے بلکہ مزید آپ رہنا چاہیں تو دنیا میں تو بھی رہ لیں۔

(وغیرہ الاما شاء اللہ)

اس قسم کی کئی باتیں گنی وشمار کی جا سکتی ہیں مگر اسے مختار کل کا عقیدہ نہیں کہا جائےگا۔

ابو طالب کے اسلام نہ لانے پر آپ کو پریشانی تھی تو یہ آیت نازل ہوئی۔

کافروں نے کہا کہ یہ قرآن بدلیں تو جواب میں یہ کہا گیا۔

نبی پاک صلی اللہ علیہ وسلم کو ابو طالب کے لیے دعائے مغفرت کرنے سے روک دیا گیا۔

آپ صلی اللہ علیہ وسلم نے اپنے اوپر شہد کو حرام کو لیا تو یہ آیت نازل ہوئی۔

آپ علیہ السلام نے بعض لوگوں کے لیے دعائے مغفرت فرمائی تھی تو یہ آیت نازل ہوئی۔

بدر کے قیدیوں کو فدیہ لے کر چھوڑ دیا گیا تو یہ آیت نازل ہوئی۔

غزوہ تبوک کے موقع پر منافقین نے حیلے بہانے بناکر اجاز ت لی تو یہ آیت نازل ہوئی۔

[منافق کا جنازہ پڑھنے پر یوں فرمایا گیا]

حضرت عائشہ رضی اللہ عنہا سے روایت ہے کہ ایک اعرابی آنحضرت صلی اللہ علیہ وسلم کی خدمت میں حاضر ہوا اور اس نے آنحضرت صلی اللہ علیہ وسلم کو ننھے بچوں سے پیار کرتے ہوئے دیکھا تو پوچھنے لگا کہ کیا آپ بچوں سے )ازرہ ِ شفقت( پیار کرتے ہیں ؟ ہم تو ایسا نہیں کرتے ، اس دیہاتی کے اس سوال پر جناب ِرسول اللہ صلی اللہ علیہ وسلم نے ارشاد فرمایا:

یعنی اگر اللہ تعالیٰ نے تیرے دل سے شفقت نکال دی ہے تو کیا میں تیرے لیے اس کا مالک ہوں؟!

حضرت ابو ہریرہ رضی اللہ عنہ سے روایت ہے کہ جب اللہ تعالیٰ کی طرف سے یہ حکم نازل ہوا کہ آپ اپنے قریبی رشتہ داروں کو خدا کے عذاب سے ڈرائیے تو آپ نے اپنے تمام خاندان اور برادری کو جمع کرکے فرمایا: اے خاندان قریش ! اپنے آپ کو جہنم کے عذاب سے (یعنی توحید ورسالت وغیرہ عقائد قبول کر کے) پچا لو میں اللہ تعالیٰ کے عذاب سے تمہیں نہیں بچا سکتا اے خاندان بنو عبد مناف ، اپنی جانوں کو عذاب سے بچا لو میں تمہیں خدا کے عذاب سے نہیں بچاسکتا۔ اے عباس بن عبدالمطلب اور میری پھوپھی صفیہ اپنے بچاو کا انتظام فرما لو میں تمہیں خدا کی گرفت نہیں بچا سکتا۔ آگے ارشاد ہوتا ہے:

اے (میری لختِ جگر)فاطمہ! جس کا میں مالک ہوں (مالی، ضروریاتِ زندگی وغیرہ) وہ مانگ تو میں تجھے دے دوں گا لیکن اللہ تعالیٰ کی گرفت سے میں تجھے نہیں بچا سکتا۔

حضرت عائشہ رضی اللہ عنہا سے روایت ہے کہ جناب رسول اللہ صلی اللہ علیہ وسلم حضرات ازواج مطہرات رضی ا للہ عنہما میں برابر ی کرتےتھے اور یہ فرمایا کرتے تھے:

یعنی اے اللہ جس ظاہری تقسیم کا میں مالک ہوں میں کو اد ا کر چکا اور جس چیز کاتو مالک ہے اور میں مالک نہیں ( یعنی حضرت عائشہ رضی اللہ عنہا کی محبت) تو اس میں میرا مواخذہ نہ کرنا۔

اس روایت کو امام حاکم رحمہ اللہ اور علامہ ذہبی رحمہ اللہ نے صحیح علی شرط مسلم قرار دیا۔

حضرت ابو ہریرہ رضی اللہ عنہ سے روایت ہے جس خلاصہ یہ ہے کہ حضرت محمد رسول اللہ صلی اللہ علیہ وسلم نے حقوق عامۃ المسلمین (مثلاً غنیمت وغیرہ) میں خیانت کرنے سے منع فرمایا اور ارشاد فرمایا کہ جس نے اونٹ ،بکری ، گھوڑے ، کپڑے وغیرہ میں خیانت(چوری) کی تو یہ تمام اشیاء قیامت کے دن اس کی گردن پر ہوں گی اور اپنی اپنی آواز ظاہرکرتی ہوں گی اور ایسا خائن وہاں کہے گا:

اے اللہ کے رسول میری مدد کیجیے اور میں کہوں گا میں تجھے تبلیغ کر چکا تھا۔

آنحضرت صلی اللہ علیہ وسلم کی گیارہ بیبیاں تھیں؛ حضرت خدیجہ ، حضرت زینب ام المساکین، حضرت عائشہ، حضرت جویریہ، حضرت حفصہ ، حضرت ام سلمہ، حضرت زینب بنت حجش ، حضرت ام حبیبہ ، حضرت صفیہ ، حصرت سودہ، حضرت میمونہ رضی اللہ تعالیٰ عنھن۔

اور دو لونڈیاں تھیں؛ ایک حضرت ماریہ قبطیہ جن کے بطن سے حضرت ابراہیم پیدا ہوئے۔

اور دوسری حضرت ریحانہ رضی اللہ تعالیٰ عنہما تھیں۔

حضرت خدیجہ رضی اللہ عنہا اور حضرت زینب ام المساکین رضی اللہ عنہا آپ کی زندگی میں وفات پا گئی تھیں بقیہ ازواج مطہرات رضی اللہ عنھن آپ کے بعد زندہ رہیں ان کے بارے میں آپ کو کافی پریشانی تھی آپ نے فرمایا :

کہ بے شک تمہارا معاملہ مجھے اپنے بعد پریشان کر رہا ہے۔

[۱]: علامہ سبکی لکھتے ہیں:

[۲]: امام غزالی رحمہ اللہ فرماتے ہیں :

معجزہ رسول کا اختیاری فعل نہیں نہ رسول کو اس کے ظاہر کرنے یا نہ کرنے کا اختیار ہے۔

[۳]: شیخ شرف الدین یحییٰ منیری رحمہ اللہ فرماتے ہیں:

انبیاء علیہم السلام اور اور اولیاء سب کا یہ حال ہوا کہ انہوں نے بہت سی چیزیں چاہیں کہ ہو جائیں لیکن نہ ہوئیں اور بہت سے ایسے کام جنہیں انہوں نے چاہا کہ وہ نہیں ہوں وہ ہوگئے۔

[۴]: شیخ عبدالواحد بلگرامی فرماتے ہیں:

نوح علیہ السلام نے سینکڑوں برس تک اپنے بیٹے کے لیے کوشش کی اور اہتمام کلی کیا کہ کسی طرح وہ مسلمان ہوجائے مگر کچھ فائدہ نہ ہوا۔ حضرت ابر اہیم علیہ السلام نے اپنے چچا کے لیے بہتری کی شش کی کہ وہ بت پرستی سے باز رہیں اور مسلمان ہوجائیں مگر کچھ نہ ہوا۔ مصطفیٰ علیہ السلام نے ابو طالب کےلیے کتنی کوشش فرمائی مگر مفید اور سود مند نہ ہوئی۔

[۵]: شیخ عبدالحق محدث دہلوی رحمہ اللہ فرماتے ہیں:

معجزہ اللہ کا فعل ہے نہ کہ رسول کا کیونکہ قانون قدرت کو توڑنا انسانی اختیار سے با ہر ہے۔

[۶]: شیخ عبدالقدوس گنگوہی رحمہ اللہ فرماتے ہیں:

یہ عالم قضا وقدر ہے جو انبیاء اور اولیاء کے لیے کمر شکن ہے بہت دفعہ جو مانگتے ہیں نہیں پاتے۔

[۷]: قاضی ثناء اللہ پانی پتی رحمہ اللہ لکھتے ہیں :

اولیاء کرام معدوم کو موجود کرنے یا موجود کومعدوم کرنے کی قدرت نہیں رکھتے اس لیے پیدا کر نے، معدوم کرنے، رزق دینے ، اولاد، دینے، بلا دور کرنے اور مرض سے شفا دینے وغیرہ کی نسبت ان سے مدد طلب کرنا کفر ہے۔

[۸]: علامہ سبکی رحمہ اللہ لکھتے ہیں:

[۹]: شاہ عبدالعزیز محدث دہلوی رحمہ اللہ لکھتے ہیں :

[۱۰]: قاضی سجاد حسین رحمہ اللہ نے”شفاء السقام “ کا ترجمہ ” زیارت خیرالانام صلی اللہ علیہ وسلم “ کے نام سے لکھا۔ یہ ترجمہ انہوں نے شاہ ابو الحسن زید فاروقی صاحب کےحکم پر لکھا۔ اس کا مقدمہ شاہ ابو الحسن زید فاروقی صاحب نے لکھا۔ چنانچہ وہ مقدمہ میں لکھتے ہیں:

” عاجز(فاروقی صاحب) قاضی صاحب کے پاس گیا اور ان سے کہا ”بحول اللہ وقوتہ“ آپ اس کام کو سر انجام دیں اور پھر ترجمہ اس عاجز کے حوالہ کریں تاکہ یہ مبارک رسالہ ذخراً للآخرۃ حضرت ابو الخیر اکادمی سے یہ عاجز طبع کرائے اور یہ بھی آپ سے کہا کہ آپ اس مبارک ترجمہ کا نام اصل نام کا نصفِ آخر ”زیادہ خیر الانام“ رکھیں۔

موصوف آگے لکھتے ہیں:

چونکہ فریقِ مخالف کے ہاں یہ مسلم بزرگ ہیں اس لیے ہم نے ان کی بات کی ہے۔ اب مقصد کی طرف آئیے۔

اس رسالہ میں ہے: بیہقی کے دلائل النبوۃ میں مذکور ہے کہ عثمان بن ابی وقاص نےکہا: میں نے آنحضور صلی اللہ علیہ وسلم سے قرآن کے معاملہ میں یعنی قوت حافظہ کی کمزوری کی شکایت کی۔ آنحضور صلی اللہ علیہ وسلم نے فرمایا: یہ اس شیطان کا اثر ہے جس کو ” خنزب“ کہتے ہیں، اے عثمان میرے قریب آ۔ میں قریب ہوا تو آنحضور صلی اللہ علیہ وسلم نے اپنا دست مبارک میر ے سینہ پر رکھ دیا جس کی ٹھندک میں نے کمر تک محسوس کی پھر فرمایا اے شیطان عثمان کے سینہ سے نکل جا الخ

یہ واقعہ نقل کر نے کے بعد لکھتے ہیں:

اب یہ آنحضور صلی اللہ علیہ وسلم سے صورۃً طلب ہے ورنہ دراصل آنحضور صلی اللہ علیہ وسلم کی حیثیت سفارشی کی ہے اب اس کو خواہ توسل کہو یا تشفع کہو یا تجوہ یا توجہ سب کے یہی معنی ہیں۔

ایک بات قابل تشریح ہے کہ آج کل اہل بدعت حضرات کا یہی کہنا ہے کہ ڈپو تو حکومت سے لیتے ہیں اور باقی لوگ ڈپو سے لیتے ہیں اسی طرح انبیاء اور اولیاء خدا سے لیتے ہیں اورہم ان سے لیتے ہیں ،جیسے کوئی براہ راست حکومت سے لےتو حکومت ناراض ہوتی ہے کہ ہمارے ڈپو سے لو ہم سے کیوں لیتے ہو اسی طرح خدا سے مانگنے کی بجائے اولیاء سے مانگو ورنہ خدا ناراض ہوگا۔

اس بات کی تفصیل کے لیے ”پیر نصیر الدین وہابی ہے؟“ اور”توحید اورشرک“ از مفتی امین صاحب اور ”توحید اور شرک“ از مولوی محمد راشد آپ ملاحظہ فرما سکتے ہیں۔ یہ کس درجہ غلو اور اندھا پن ہے۔

علامہ سبکی رحمہ اللہ کے فرمان کامطلب یہ ہے کہ ظاہری وسیلہ جناب کریم صلی اللہ علیہ وسلم بنے ہیں اور نکالنے والا خود اللہ جل مجدہ تھا یعنی آپ نے فرمایا :شیطان نکل جا ،بطور سبب کے فرمایا خدا کے ہی حکم سے فرمایا تو نکالنے والا خدا کے علاوہ کسی اور کو نہ سمجھنا چاہیے۔

یہ آیت سورۃ اعراف کی ہے جو مکہ مکرمہ میں نازل ہوئی ہے۔

اگراس آیت کا مطلب یہ ہوتا کہ آنحضرت صلی اللہ علیہ وسلم کو حلال اور حرام کرنے کا اختیار اس آیت سے مل چکا ہےتو آپ ہی فیصلہ کریں کہ سورۃ تحریم جو مدینہ طیبہ میں نازل ہوئی اس میں اس کے خلاف کیوں ارشاد ہوتا ہے کہ :

اگر آنحضرت صلی اللہ علیہ وسلم کے مکہ مکرمہ میں حلال اور حرام کرنے کا حق دیا جا چکا ہوتا اور اس آیت سے اس کاثبوت ہوتا جیسا کہ فریق مخالف کا زعم باطل ہے تو محال ہے کہ مدینہ میں یہ حکم نازل ہوتا کہ آپ نے وہ چیزیں کیوں حرام کر دیں جو اللہ تعالیٰ نے آپ کے لیے حلال کی ہیں؟! قرآن کریم میں تو قطعاً تعارض اور تخالف کا احتمال ہی نہیں۔ حافظ ابن کثیر رحمہ اللہ بہت سی مختلف احادیث کا حوالہ دے کر لکھتے ہیں:

باقی آیت میں تحلیل اور تحریم کی جو نسبت آنحضرت صلی اللہ علیہ وسلم کی طرف کی گئی ہے توا س کا صحیح محمل یہی ہے کہ آپ نے ان اشیاء کی حلت اور اور حرمت کو بیان کیا ہے۔ روایت آتی ہے کہ ایک مرتبہ حضرت علی رضی اللہ عنہ نے ابو جہل کی لڑکی حضرت جویریہ رضی اللہ عنہ سے نکاح کرنے کا ارادہ کیا ، آنحضرت صلی اللہ علیہ وسلم کو جب اطلاع ہوئی تو آپ نے ایک بلیغ خطبہ ارشاد فرمایا جس میں یہ الفاظ بھی قابل غور ہیں :

جب آنحضرت صلی اللہ علیہ وسلم نے تھوم (لہسن )کھا کر مسجد میں آنے سے منع فرمایا تو لوگوں کو یہ وہم ہوا کہ شاید تھوم حرام ہوچکا ہے۔ آپ کو جب یہ خبر پہنچی تو آپ نے ارشاد فرمایا:

دوسری روایت میں ہے: أيها الناس إنه والله ما لي أن أحرم ما أحل الله ولكني أكره ريحه.

اس آیت سے تو صرف اتنا ہی ثابت ہے کہ اللہ تعالیٰ جو فیصلہ کر لے اور اس کا رسول برحق صلی اللہ علیہ وسلم اس فیصلہ کو بیان اور ظاہر کرتے ہیں تواس معاملہ میں کسی مومن اور مومنہ کو لب کشائی کا حق نہیں پہنچتا۔

صحیح البخاری (ج2ص620) میں روایت ہے: ”فاغناکم اللہ بی“ کہ اللہ نے تمہیں میری وجہ سے مالدار کر دیا یعنی آپ صلی اللہ علیہ و سلم کے وجود مبارک کی برکت اور مال غنیمت و صدقات کے تقسیم ہونے کا آپ صلی اللہ علیہ وسلم ایک ذریعہ ہیں اس لیے آپ کی طرف نسبت کی گئی یعنی یہ نسبت ظاہری ہے۔ باقی آیت میں منافقوں کے متعلق بتایا گیا کہ ان کومال غنیمت جو خدا نے دیا بذریعہ رسول پاک صلی اللہ علیہ وسلم دیا ہے۔ اس کا بھی ان منافقین نےحیا نہ کیا اور اسلام کے خلاف محاذ بنا لیا۔

یہ آیت اپنے مدلول پر خود ظاہر ہے کہ صدقات اور غنیمت کے مال کی تقسیم پر دنیا پر ست اور خود غرض منافقین نے اعتراض کیا تھا، اگر ان کو حصہ مل جاتا تو اعتراض نہ کرتے کہ جناب رسول اللہ صلی اللہ علیہ وسلم ہم کو کیوں نہیں دیتے۔ تو اللہ تعالیٰ ان کی تردید فرماتا ہے کہ اگر وہ منافق اس پر راضی ہوجاتے جو اللہ تعالیٰ نے حقیقۃً اور جناب رسول اللہ صلی اللہ علیہ وسلم نے غنیمت اور صدقات کی تقسیم پر ان کو دیا تھا تویہ ان کے لیے بہتر ہوتا کہ اللہ تعالیٰ اور اس کے رسول کے فرمانبردار ہوجاتے اور اگر اس وقت ان کو پورا حصہ نہ مل سکا تھا تو یہ کہہ کر تسلی کر لیتے کہ آئندہ بھی اللہ تعالیٰ سے توقع اور امید ہے کہ کسی غنیمت کے موقع پر ہمیں بہت کچھ دے گا جس کو جناب رسول اللہ صلی اللہ علیہ وسلم تقسیم فرمائیں گے اور ہم کو بھی دیں گے۔ الغرض اس آیت میں صدقات (وغیرھا) کی تصریح موجود ہے اس سے یہ ثابت کرنا کہ دنیا کی ہر چیز جناب رسول اللہ صلی اللہ علیہ وسلم دیتے ہیں یا یہ دینا مافوق الاسباب طریق پر تھا( جومتنازع فیہ ہے) بالکل غلط ہے۔

اگر اس آیت کے دوسرے ٹکڑے سے جناب رسول اللہ صلی اللہ علیہ وسلم کا خدا ہونا ثابت ہوتا ہے تو اول حصہ سے حضرات صحابہ کرام رضی اللہ عنہ کا خدا ہونا بھی ثابت ہوگا کیونکہ ارشاد ہوتا ہے کہ تم نے دشمنوں کو قتل نہیں کیا بلکہ خدا نے قتل کیا ہے اور ظاہر ہے کہ جنگ بدر وغِیرہ میں کافروں کو حضرت حمزہ رضی اللہ عنہ ، حضرت علی ، حضرت عمر رضی اللہ عنہم وغیرہ صحابہ کرام رضی اللہ عنہم اجمعین ہی نے قتل کیا تھا لہذا وہ سارے خدا ہوئے؟بتاؤ اب فرق کیا رہا؟

انسان کے کام چونکہ عالم اسباب میں ایک خاص قوت اور طاقت سے ظاہر ہوتے ہیں اگر انسان کی طاقت سے زیادہ کام جو عام طور پر اسباب میں انسان سے نہیں ہوا کرتا تو ایسے کام میں اللہ تعالی ٰ کے فعل کا خاص دخل ہوتا ہے۔ چونکہ جنگ بدر میں آنحضرت صلی اللہ علیہ وسلم کا کام یہ تھا کہ ایک مٹھی بھر کر دشمنوں کی طرف پھینک دیں اس خاک کو مٹھی کو نزدیک اور سامنے اور پیچھے دائیں بائیں غرض ہر آدمی کی آنکھ میں ڈالنا محض اللہ کی قدرت سے تھا۔ جس طرح تین سو تیرہ کی تعداد میں بے سرو سامان صحابہ کا ہزار مسلح کافروں پر غالب آجانا انسان کی طاقت سے باہر ہے مگر خدا کے لیے کوئی مشکل نہیں۔

حدیث شریف میں ہے:

یہ حدیث مسند احمد ( ج2ص313،475،482،508)میں متعدد الفاظ کے ساتھ مروی ہے کسی میں”اذا امرتکم بامر فاتمروا“ آتا ہے کسی میں ”فاتبعوا“ اور کسی میں ”فدعوہ“ اور کسی میں ”ذروہ“ وغیرہ کے الفاظ ہیں ان عام روایات میں اور امر ونہی کو ایک دوسرے کے مقابل میں بیان کیا گیا ہے اور پھر میں ایتمار اور اتباع کا حکم دیاگیا ہے اور استطاعت کی قید لگائی ہے۔ الغرض احادیث وآیت سے واضح ہے کہ دینے اور منع کرنے سے امور شرعی مراد ہیں نہ کہ تکوینی جیسا کہ فریق مخالف نے سمجھا ہے۔

پہلی بات تو یہ ہے کہ یہ خبر واحد ہے جو کہ عقائد قطعیہ میں نہیں چلتی۔

علامہ طیبی رحمہ اللہ نے شرح مشکوٰۃ میں لکھا ہے آپ پر من جانب اللہ جو کچھ نازل ہوتا تھا اس کو آپ وحی الٰہی کے مطابق لوگوں میں تقسیم کرتے ہیں۔ اور یہ بات بھی ذہن میں رہے اس میں غنائم بھی داخل ہیں۔

شرح جامع الصغیر میں علامہ عبدالروف مناوی لکھتے ہیں :

یعنی علم میں بانٹتا ہوں اور فہم خدا جس کو چاہتاہے دیتا ہے۔

اگر یہ مراد لیا جائے کہ کہ سب کچھ ہی حضور دیتے ہیں اور بانٹتے ہیں تو پھر سنیے:

 حضرت خولہ بنت حکیم نے آنحضرت صلی اللہ علیہ وسلم سے عرض کی اگر طائف فتح ہو تو آپ مجھ کو فلاں عورت کا زیور دے دیجیئے گا۔ آنحضرت صلی اللہ علیہ وسلم نے فرمایا اگر خدا تعالیٰ اس کی اجازت نہ دے تو پھر میں کیا کر سکتا ہوں۔

 مشکوٰۃ شریف (ص 225) میں روایت موجود ہے اللہ نے تمہارے درمیان اسی طرح خود اخلاق تقسیم کر دئیے ہیں جس طرح کہ اس نے تمہارے درمیان رزق تقسیم کر دئیے ہیں اور اللہ دنیا اس کو بھی دیتا ہے جس سے محبت کرتا ہے اور اس کو بھی دیتا ہے جس سے محبت نہیں کرتا۔

 ایک روایت میں ہے جس دن اللہ تعالیٰ نے آسمانوں اور زمینوں کو پیدا کیا اسی دن اس نے رحمت اور شفقت کے 100 حصے متعین کیے ان سو حصوں میں اللہ تعالیٰ نے ایک حصہ رحمت کا تمام مخلوق میں خود تقسیم فرمایا۔

 خداتعالیٰ خود فرماتے ہیں:

ترجمہ: ہم ہی نے مخلوق کے درمیان دنیا کی زندگی میں معیشت تقسیم کی ہے۔

فضالہ بن عبید رحمہ اللہ فرماتے ہیں کہ آپ صلی اللہ علیہ وسلم نے فرمایا : پانچوں نمازوں کی حفاظت کرنا۔ میں نے کہا: حضرت میں تو دنیا کے کام کاج میں مبتلا رہتا ہوں، شاید مجھ سے پانچ نمازوں کی حفاظ نہ ہو سکے۔ آپ نے فرمایا ،پھر صبح اور عصر کی نماز کی پوری پابندی کرنا۔

پہلی بات…… یہ ہے کہ یہ خبر واحد ہے جو کہ عقیدہ قطعیہ کے لیے مفید نہیں۔

دوسری بات …… یہ ہے کہ اس کی سند میں ایک راوی داود بن ابی ہند ہیں ان کے بارے میں حافظ ابن حجر عسقلانی رحمہ اللہ لکھتے ہیں کہ ان کی حدیث کی سند میں اختلاف ہے۔

امام احمد رحمہ اللہ فرماتے ہیں:

” وہ کثیر الاضطراب اور کثیر الخلاف تھا یعنی دیگر روایات کی مخالفت کرتا تھا اسانید اور متون دونوں میں۔ “

تیسری بات …… یہ ہےکہ چونکہ یہ زیادہ موکد ہیں اس لیے ان کی تاکید فرمانا مقصود ہے۔

چوتھی بات…… یہ ہے کہ نمازوں پر پابندی اور اہتمام تو خود قرآن پاک میں موجود ہے کہ نمازوں کی حفاظت کرو خاص کر درمیانی نماز کی۔

مقصود یہ تھا کہ جب یہ مشکل نمازیں پڑھے گا تو آسان بدرجہ اولیٰ پڑھے گا اس لیے موکد اور خاص اہتمام والی نمازوں کا ذکر کیا۔

جناب رسول اللہ صلی اللہ علیہ وسلم کی خدمت میں ایک شخص حاضر ہوکر اس شرط پر مسلمان ہوا کہ میں صرف دو نمازیں پڑھوں گا۔ حضور صلی اللہ علیہ وسلم نے اس کو قبول فرمالیا تھا، فریق مخالف کہتے ہیں کہ اس سے معلوم ہوا کہ آپ مختارِ کل تھے۔ یہ حدیث مسند احمد ج5 ص25 ص 363 اور طبقات ابن سعد ج7 ص 56 قسم اول میں مذکور ہے۔

جس روایت میں راوی ہے یہ کہے کہ ”عن رجل من الصحابہ“ یا ”عمن سمع رسول اللہ صلی اللہ علیہ وسلم“ (یا عن رجل منھم) تو ایسی سند اور حدیث قابل احتجاج نہیں تاوقتیکہ وہ راوی اس کانام نہ بتلائے اور جب تک کہ اس کا صحابی ہونا معلوم نہ ہوجائے اس کی بات توجہ اور التفات کے قابل نہیں ہے۔ کئی محدثین نے ”عن رجل من الصحابہ “ کی سند پر کلام کیا ہے اور سند کو مجہول کہا ہے۔

اس روایت کا حال بھی یہی ہے۔ ایسی حدیث سے عقیدہ ثابت کرنا محل غور ہے باقی اس کامفہوم یہ ہے کہ وہ اسلام لے آئیں پھر نماز بھی پوری ہوجائےگی۔ جیسے کہ بعض لوگ اسلام اس شرط پر لائے کہ ہم زکوٰہ نہیں دیں اور جہاد نہ کریں گے تو آپ نے فرمایا یہ جب مسلمان ہوگئےتو زکوٰۃ بھی دیں گے اور جہاد بھی کریں گے۔

بعض لوگ مسلمان ہوئے اس شرط پر کہ ہم عشاء کی نماز نہیں پڑھیں گے کیونکہ اس وقت دودھ نکالتے ہیں تو آپ علیہ السلام نے فرمایا ان شاء اللہ تم دودھ بھی نکالو گے اور عشاء کی نماز بھی پڑھو گے۔

بعض حضرات وہ حدیث پیش کیا کرتے ہیں جس میں حضرت ابراہیم علیہ السلام کی طرف تحریم مکہ کی اور رسول اللہ صلی اللہ علیہ وسلم کی طرف تحریم مدینہ کی نسبت آئی ہے ”ان ابراہیم حرم مکۃ“ کہ حضرت ابراہیم علیہ السلام نے مکہ کو حرم کر دیا ”وانی حرمت المدینۃ“ اور میں نے مدینہ کو حرم بنادیا ہے۔

صحیح البخاری (ج1ص247) اورصحیح مسلم (ج1ص437 )میں حدیث موجود ہے کہ آپ علیہ السلام نے فرمایا:

اسی طرح صحیح البخاری ( ج1ص251) اور صحیح مسلم (ج1ص442) میں حدیث ہے :

باقی شیخ دھلوی رحمہ اللہ لکھتے ہیں:

صحاح ستہ میں آتا ہے کہ جب آنحضرت صلی اللہ علیہ وسلم نے حرم مکہ کے درختوں اور کانٹوں کی نسبت فرمایا کہ ان کو کاٹنا حرام ہے تو حضرت عباس رضی اللہ عنہ نے ”اذخر“ ( ایک قسم کی گھاس ہے) کو مستثنیٰ قرار دینے کی درخواست چنانچہ آپ نے اس کو مستثنیٰ کر دیا۔ مخالفین کا کہنا ہے اگر جناب رسول اللہ صلی اللہ علیہ وسلم مختار مطلق نہ تھے تو آپ نے اذخر کو کیوں مستثنیٰ کیا؟ اس سے معلوم ہواکہ آپ مختار کل تھے۔

 قرآن پاک میں ہے:

یعنی آپ خدا سے وحی پاک احکام بیان فرماتے ہیں۔

 سنن دارمی شریف ( ص 77) اور فتح الباری (ج3 ص228 ) میں منقول ہے کہ جبرائیل امین جس طرح قرآن پاک لاتے تھے اسی طرح احکام بھی لاتے تھے۔

 مشکوٰۃ شریف ( ص 26) میں بھی اسی طرح کی ایک روایت موجود ہے۔

رہی فریق مخالف کی پیش کردہ روایت تو اس کی تشریح میں امام نووی رحمہ اللہ لکھتے ہیں :

باقی وحی کا اتنی جلدی آنا یہ کوئی خدا کی قدرت سے بعید نہیں۔ اور یہی جواب ان احادیث کا بھی ہے کہ

(1): ایک صحابی نے پوچھا کہ کیا ہرسال حج فرض ہے آپ نے فرمایا کہ میں ہاں کہہ دیتا تو ہر سال فرض ہوجاتا۔

(2): کہ حضرت ابو بردہ رضی اللہ عنہ کے لیے چھ مہینے کی بکری کی قربانی جائز قراردی۔

(3): کہ حضرت خزیمہ ثابت انصاری کی گواہی کو دو مردوں کے قائم مقام ٹھہرایا۔

علامہ سعیدی لکھتے ہیں: یہ محال نہیں کہ نبی پاک صلی اللہ علیہ وسلم سے جس وقت سوال کیا گیا تھا کسی اور مقام پر اسی وقت پلک جھپکنے میں آپ پر وحی نازل ہوگئی ہو۔

ایک روایت آتی ہے جس کامضمون یہ ہے کہ نوحہ (بین کرنا) سب کے لیے حرام تھا لیکن آنحضرت صلی اللہ علیہ وسلم نے حضرت ام عطیہ رضی اللہ عنہا کے لیے ایک جگہ نوحہ کرنے کی اجازت دی۔ اس روایت کی شرح میں فریق مخالف امام نووی رحمہ اللہ کا یہ قول بھی نقل کیا کرتا ہے : ”وللشارع ان یخص من العمومات ما شاء اوکما قال“ کہ شارع کو حق پہنچتا ہے کہ عمومات میں سے جو چاہے خاص کرے۔

پہلی بات۔۔۔ ابن حجر عسقلانی رحمہ اللہ، علامہ زرقانی ، علامہ عینی رحمہ اللہ نے اس حدیث کی تشریح میں لکھاہے کہ نوحہ پہلے مباح تھا پھر مکروہ تنزیہی ہوا اسی اثناء میں حضرت ام عطیہ رضی اللہ عنہا کو اجازت ملی پھر نوحہ بالکل حرام ہوگیا۔

دوسری بات۔۔۔ یہ ہے کہ آپ نے وحی پاکر لوگوں کا احکام سناتےتھے۔

تیسری بات۔۔۔ یہ ہے کہ امام نووی رحمہ اللہ کے قول”شارع“ سے مراد خدا کی ذات ہے حقیقی طور پر شارع تو خدا ہی ہے ، ہاں مجازی طور پر آپ کو شارع کہنا جائز اور صحیح ہے مگر یہاں مراد خدا کی ذات ہے۔

صحاح ستہ وغیرہ میں ایک روایت آتی ہے جس کامضمون یہ ہے کہ رمضان المبارک میں ایک صحابی نے اپنی بیوی سے دن کے وقت جماع کر لیا تھا اس نے آنحضرت صلی اللہ علیہ وسلم سے پوچھا کہ میں اب کیا کروں؟ آپ فرماما کہ غلام آزاد کرو وہ کہنے لگا کہ میرے پاس نہ غلام نہ غلام خریدنے کی رقم۔ آپ نے صلی ا للہ علیہ وسلم نے فرمایا: تو ساٹھ مسکینوں کو کھانا کھلا دو۔ اس نے کہا: مجھے اس کی بھی استطاعت نہیں ، آپ صلی اللہ علیہ وسلم نے فرمایا : اچھا بیٹھو۔ اتنے میں ایک شخص (ایک صاع ساڑھے تین سیر کا ہوتا ہے) کھجوریں لایا آپ صلی اللہ علیہ وسلم نے فرمایا:یہ کھجوریں لے لو اور ان کو صدقہ کردو۔ وہ صحابی بولا کہ مدینہ بھر میں مجھ سے زیادہ کوئی محتاج نہیں ، تب آپ نے فرمایا کہ اپنے گھر کے لوگوں کو کھلا دو تمہارا کفارہ ادا ہوگیا۔

فریق مخالف نے اس روایت کو پیش کر کے یہ نتیجہ نکالا ہے کہ جناب رسول اللہ صلی اللہ علیہ وسلم نے اس شخص سے کفارہ ساقط کر دیا تھا تو آپ مختار کل ہوئے۔

یہ حدیث بخاری (ج1 ص259)، مسلم (ج1 ص355)، ابو داؤد (ج1 ص333)، ترمذی (ج1 ص90)، ابن ماجہ (ص121)، موطا مالک (ص90)، طحاوی (ج1 ص325)، مسند احمد (ج2 ص208)، السنن الکبریٰ (ج4 ص237)، مشکوٰۃ (ص176) وغیرہ میں موجود ہے لیکن کسی بھی حدیث میں یہ جملہ نہیں کہ ”جا تیرا کفارہ ادا ہوگیا“۔ امام زہری رحمہ اللہ سے تو یہ جملہ منقول ہے کہ ”جا تیرا کفارہ ادا ہوگیا “ لیکن محدثین اس کو حدیث کا لفظ نہیں مانتے۔

 علامہ دقیق العید رحمہ اللہ لکھتے ہیں:

اس کو اس آدمی کی خصوصیت ماننا ضعیف قول ہے۔

 ملا علی قاری رحمہ اللہ نے بھی ضعیف کہا ہے۔

 امام نووی بھی اسے ضعیف کہتے ہیں۔

 ابن حجر عسقلانی رحمہ اللہ نے زھری کی اس زیادت کو ضعیف قرارد دیا ہے۔

اس روایت کا مفہوم یہ ہے کہ اس کو اس بات کی گنجائش دی گئی کہ جب اس کو وسعت ہوگی تو ادا کر دے گا۔ (لمعات حاشیہ بخاری ج1ص260)

فریق مخالف یہ واقعہ بیان کرتا ہے کہ حضرت قتادہ رضی اللہ عنہ کی آنکھ غزوہ احد میں باہر نکل گئی تھی۔ حضرت قتادہ رضی اللہ عنہ آنحضرت صلی اللہ علیہ وسلم کی خدمت میں حاضر ہوئے اور کہنے لگے ، حضرت میری بیوی نوجوان ہے اور مجھے اس سے محبت ہے ممکن ہے کہ میری آنکھ کو اس حالت میں دیکھ کر وہ نفرت کرنے لگ جائے۔ آپ صلی اللہ علیہ وسلم نے اس کی آنکھ کا ڈھیلا اٹھا کر اپنی جگہ رکھا اور آنکھ صحیح ہوگئی حضرت قتادہ رضی اللہ عنہ فرماتے ہیں کہ میری وہ آنکھ پھر کبھی دکھنے نہیں پائی۔

فریق مخالف اس روایت کو پیش کر کے اس پر حاشیہ چڑھایا کرتا ہے کہ دیکھو خدا کی دی ہوئی آنکھ تو دکھ اٹھایا کرتی تھی ، لیکن حضرت محمد رسول اللہ صلی اللہ علیہ وسلم کی دی ہوئی آنکھ بہتر اور خوبصورت تھی اور کبھی نہ دکھتی تھی۔

اگر غور کیا جائے تو بات سمجھ میں آجاتی ہے آپ علیہ السلام نے فرمایا :

اگر تو چاہے تو میں لوٹا دوں یعنی اس کو اپنی جگہ پر رکھ دوں اور اللہ سے دعا کروں کہ وہ صحیح کر دے۔ حضرت قتادہ نے کہا میری یہی آرزو ہے تو آپ نے یوں کہہ کر دعا دی: اے اللہ! اس کی آنکھ کو جمال اور روشنی عطا فرما۔ تو اللہ نے دعا منظور فرمائی اور حضرت قتادہ کی آنکھ درست ہوگئی۔

اسی طرح حضرت رافع کی آنکھ کا مسئلہ تھا وہ کہتے ہیں:

صحیح البخاری اور صحیح مسلم میں روایت آتی ہے جناب رسول اللہ صلی اللہ علیہ وسلم نے فرمایا :

یعنی مجھے زمین کے خزانوں کی چابیاں عطا کی گئی ہیں۔

فریق مخالف اس روایت سے یہ ثابت کیا کرتا ہے کہ اللہ تعالیٰ نے زمین کے تمام خزانے جناب رسول اللہ صلی اللہ علیہ وسلم کو عطا فرما دئیے ہیں اور آپ ان لوگوں میں تقسیم کرتے ہیں۔

اولاً: قرآن تو کہتا ہے:

تو آپ علیہ السلام کیسے فرماسکتے ہیں کہ مجھے خزانے دیئے گئے۔

ثانیاً: امام نووی رحمہ اللہ اس کی شرح میں لکھتے ہیں:

اس کا مطلب یہ ہے آپ کی امت خزائن کی مالک بنے گی اور ایسا ہوا بھی۔

علامہ عزیزی فرماتے ہیں:

بلکہ مستدرک حاکم میں (ج4ص449) ہے اللہ نے مجھے دونوں خزانے دئیے ہیں سرخ اور سفید( ان سے قیصر وکسریٰ کی حکومتیں مراد ہیں) اور میری امت وہاں تک پہنچے گی جہاں تک مجھے مشاہدہ کرایا گیا ہے۔

مخالفین نے یہ واقعہ بھی پیش کیا ہے کہ سونے کی انگوٹھی مردوں میں سے کسی کے لیے جائز نہیں لیکن آنحضرت صلی اللہ علیہ وسلم نے حضرت برآء بن عازب کے لیے سونے کی انگوٹھی کو جائز قرار دیا۔ اس لیے آپ صلی اللہ علیہ وسلم مختارِ کل ہوئے۔

اس کی سند صحیح نہیں۔ علامہ حازمی رحمہ اللہ لکھتے ہیں:

یعنی اس کی سند قابل اعتبار نہیں