حضرت پاک صلی اللہ علیہ وسلم کا خضاب لگانا

ترجمہ: حضرت ابو ہریرہ رضی اللہ عنہ سے پوچھا گیا کہ حضرت پاک صلی اللہ علیہ وسلم نے خضاب لگایا تھا؟ تو انہوں نے جواب دیا :جی ہاں۔

ترجمہ: حضرت انس رضی اللہ عنہ فرماتے ہیں کہ میں نے حضرت پاک صلی اللہ علیہ وسلم کے بال مبارک کو خضاب کیے ہوئے دیکھا۔

1: حضرت پاک صلی اللہ علیہ وسلم نے خضاب فرمایا یا نہیں؟ اس بارے میں علماء کا اختلاف گذشتہ باب میں ذکر کر دیا گیا ہے، البتہ خضاب لگانے کے بارے میں حنفیہ کی رائے یہ ہے کہ خضاب مستحب ہے البتہ سیاہ خضاب لگانا مکروہ ہے اور شافعیہ کے نزدیک خضاب سنت ہے لیکن سیاہ خضاب لگانا حرام ہے۔

2: ”خضاب“ ہر اس چیز کو کہتے ہیں جس سے بالوں کو رنگا جاتا ہے۔ یہ چیز مہندی، دسمہ، کتم یا کوئی اور جدیدمرکب چیز ہو خضاب ہی کہلاتی ہے۔