معمارِ حرم اور معلم کتاب و حکمت

پھر قرآن نے طرز عجیب اختیار فرمایا، وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ دونوں کے درمیان تین لفظوں کا فاصلہ لا کے اس کی طرف اشارہ ہے کہ اصل دیواریں تو حضرت ابرہیم علیہ السلام نے کھڑی کی ہیں حضرت اسماعیل علیہ السلام ان معاون ہیں۔حضرت ابراہیم اور حضرت اسماعیل کعبہ کی دیواریں کھڑی کررہے ہیں اور کعبہ کی تعمیر جاری ہے۔

فرمایا عام آدمی حج کرتا ہے تو طواف خانہ کعبہ کا کرتا ہے اور جب اللہ والا حج کرتا ہے تو طواف خانہ کعبہ کا نہیں خانہ کعبہ کے رب کا کرتاہے۔ تو ایک آدمی جاتا ہے خانہ کعبہ کے لیے دوسرا خانہ کعبہ کےلیے نہیں خانہ کعبہ کے رب اللہ کے لیے جاتا ہے۔ تو اس کا حج اور ہوتا ہے اور عام آدمی کا حج اور ہوتا ہے۔ جب آدمی تیاری کر کے جائے تو پھر حج کرنے کا لطف اور ہوتا ہے۔

حضرت عارف باللہ حکیم محمد اختر صاحب دامت برکاتہم ہمارے شیخ ہیں، حضرت کے شیخ ہیں شاہ عبدالغنی پھولپوری اور ان کے شیخ تھے حکیم الامت مولانا اشرف علی تھانوی رحمہ اللہ، شاہ عبدالغنی پھولپوری رحمہ اللہ کی حضرت حکیم صاحب دامت برکاتہم نے خدمت بہت فرمائی بہت خدمت کی پھولپور رہتے تھے حضرت کے کپڑے جوانی میں دھوتے تھے بوڑھے شیخ کے کپڑے جوانی میں خود دھوتے تھے ،بہت اپنے شیخ کی خدمت کی۔

اور جب حضرت وہاں سے کراچی تشریف لے آئے حضرت حکیم صاحب دامت برکاتہم لنگی پہنتے اور اوپر بنیان لیتے اور اپنے شیخ کے لیے مرکب معجون کوٹ رہے ہیں۔ کبھی خمیرہ بنا رہے ہیں کبھی شربت بنا رہے ہیں ہر وقت شیخ کی خدمت میں لگے رہتے۔ حب حضرت حکیم صاحب دامت برکاتہم نے معارف مثنوی لکھی مثنوی کی شرح جب یہ معارف مثنوی لکھی ہے تو مولانا یوسف بنوری شہید رحمہ اللہ کی خدمت میں بھیج دی تقریظ کے لیے تو مولانا بنوری فرماتے ہیں معارف مثنوی دیکھی تو مجھے پتہ چلا کہ حکیم اختر مولوی ہے۔ میں سمجھتا تھا عبدالغنی پھولپوری کا نوکر ہے۔

خادم نہیں، نہیں سمجھے؟ خادم تو بڑا مہذب لفظ ہے کہ میں خادم بات کر رہا ہوں اس کا مطلب ہوتا ہے کہ میں اچھا خاصا بندہ ہوں یہ عام بندہ نہیں ہے خادم تو بڑاپروٹوکول کا لفظ ہے۔ یہ نہیں کہا کہ خادم، کیافرماتے ہیں معارف مثنوی دیکھی تو مجھے پتہ چلا کہ حکیم اختر مولوی ہے ورنہ میں سمجھتا تھا کہ مولانا عبدالغنی پھولپوری کا نوکر ہے۔ حضرت جی دوائیاں کوٹ رہے ہیں شربت بنا رہے ہیں اور سب لوگ کہتے تھے اور حکیم صاحب خود فرماتے ہیں۔ میں نے سنا ہے فرماتے ہوئے کہ جب حضرت ہمارے زندہ ہوتے تھے تو مجھے مولوی کہتے تھے باباجب یہ عبدالغنی پھولپوری مر جائے گا تجھے روٹی بھی کوئی نہیں دے گا تو ہر وقت چٹنیاں کوٹ رہا ہے اور اپنے پیر کے لیے رگڑے کھا رہا ہے تجھے چٹنی کے ساتھ بھی کوئی روٹی نہیں دے گا۔ حضرت فرماتے ہیں میرے شیخ چلے گئے ہیں۔ اب خدا نے پوری دنیا کو مسخر فرما دیا ہے۔ یہ بات کسی بندے کو سمجھ نہیں آتی شیخ کی خدمت سے کیا ملتا ہے۔ یہ نہیں بندہ کو سمجھ آتا ہے عام بندہ سمجھتا ہے کہ علم سے ملتا ہے مطالعہ سے ملتا ہے عبادات سے ملتا ہے، نہ نہ جوخدا نے شیخ کی خدمت میں فیض رکھا ہے اس کا بندہ تصور بھی نہیں کرسکتا۔

اور یہ بات یاد رکھنا شیخ کا فیض بندے کو اس وقت نہیں ملتا ہے جب انسان کبیرہ گناہ شروع کردیتا ہے۔ جب آدمی کبیرہ گناہ شروع کرتا ہے تو کبیرہ گناہ کرنے کی وجہ سے آدمی شیخ کے فیض سے محروم ہوجاتا ہے۔ میں نے جب حضرت حکیم صاحب دامت برکاتہم کی بیعت کی وہاں جامعہ اشرف المدارس میں، یہ نیا نہیں پرانا اس وقت بالکل نئی مسجد بنی تھی۔ جامعہ اشرف المدارس وہاں بنا تھا۔ تو حضرت وہاں مجھے بیعت کے لیے گئے خانقاہ کے آگے وہاں جب ایک جگہ پر بیٹھے تو ادھر سے ہوا کا رخ تھا اور آگے دیوار تھی ہوا نہیں آ رہی تھی۔

فرمایا چلو وہاں سے اٹھ کے چھت پر چلے گئے اب چھت پر تو ہوا آرہی تھی۔ حضرت حکیم صاحب نے عجیب بات ارشاد فرمائی فرمانےلگے دیکھو ہوا آرہی تھی لیکن دیوار نے رکاوٹ پیدا کردی تھی اور ہوا نہیں آئی ہم چھت پر گئے دیوار کی رکاوٹ ختم ہوگئی ہوا پھر شروع ہو گئی فرمایا اسی طرح جب آدمی کبیرہ گناہ کرتا ہے وہ کبیرہ گناہ شیخ کے فیض کے راستے میں رکاوٹ بن جاتا ہے۔ لوگ سمجھتے ہیں شیخ نکما ہے شیخ نہیں نکما ہوتا تیرے گناہ کبیرہ شیخ کے فیض کے رستے میں رکاوٹ بنے ہوتے ہیں۔ کرتوت بھی کرتا ہے تو پھر شیخ کو بتاتا بھی نہیں ہے۔ میں بتاؤ ں گا تو شیخ کیا سمجھیں گے میں بتاؤں گا توبرا محسوس کریں گے کیا سمجھیں گے اتنا بڑا آدمی ہو کے یہ فلاں کرتوت کرتا ہے۔ یہ بہت بڑی لعنت ہے اپنے شیخ کو نہ بتانا شیخ عالم الغیب تو نہیں ہے نہ عالم الغیب تو اللہ کی ذات کی علاوہ کوئی نہیں آپ اپنا کوئی عیب بتائیں گے تو شیخ اصلاح کرے گا ناں۔ اور جب تک عیب نہیں بتائیں گے شیخ اصلاح کیسے کرے گا؟

میں اللہ کی قسم کھا کے کہتا ہوں جو بندہ اپنے شیخ کو عیوب بتاتا ہے شیخ اس کے عیب سن کے پریشان نہیں ہوتا بلکہ خوش ہوتا ہے ماشاء اللہ اس کو فکر پیدا ہو گئی ہے۔ میں درجہ اولیٰ، ثانیہ، ثالثہ تین سال تک حضرت مولانا رشید احمد لدھیانوی رحمہ اللہ سے میرا اصلاحی تعلق تھا عام بندہ سمجھتاہے کہ یہ ان کا مرید ہے۔ جامعہ بنوریہ میں پڑھتا تھا، میں مرید نہیں تھا صرف اصلاحی تعلق تھا اور خط وکتابت اور بیان ہوتے تھے۔ میں حضرت کو جب خط لکھتا اس میں اپنا عیب لکھتا تو عجیب بات ہے، حضرت رحمہ اللہ بڑے خوش ہوتے فرماتے ماشاءاللہ ماشاءاللہ شکر ہے توفیق ہوئی ہے اپنا عیب بتانے کی۔ شکر ہے گناہ کی طرف توجہ ہوئی ہے میں فلاں گناہ کرتا ہوں۔

ہمارے اندر بہت بڑا المیہ ہے کہ ہم بیعت کرتے ہیں۔ دس سال گزر جاتے ہیں اور شیخ کو اپنے عیوب نہیں بتاتے پھر اصلاح نہیں ہوتی۔ بھائی اصلاح تو تب ہوگی جب شیخ کو اپنا عیب بتائیں گے، اپنا گناہ بتاؤ کہ مجھے بد نظری کا مرض ہے مجھے گانے سننے کا مرض ہے مجھے فلمیں دیکھنے کا شوق ہے، میں حرام کھاتا ہوں میری ملازمت ٹھیک نہیں ہے میں سود کھاتا ہوں، رشوت کھاتا ہوں فلاں گناہ کرتا ہوں، گناہ بتائیں گے تو اس کے بعد شیخ بتائے گا ناں کہ اس گناہ سے آپ کی جان کیسے چھوٹے گی شیخ نسخہ بھی بتائے گا اور اللہ سے مانگے گا بھی۔

میں بار بار ایک بات سنایا کرتا ہوں ہمارے شیخ حضرت حکیم صاحب دامت برکاتہم فرماتے ہیں جس طرح ماں کو پتہ چل جائے کہ میرے بیٹے کی شلوار میں پاخانہ نکلاہے تو ماں بیٹے سے نفرت نہیں کرتی پاخانہ صاف کرتی ہے۔ شیخ کو پتہ چلے میرا فلاں مرید گناہ میں غرق ہے وہ مرید سے نفرت نہیں کرتا اپنے مرید کے گناہ کو صاف کرتا ہے۔ لیکن پتہ چلے گا تو پھر ہے نہ۔ ہم ماں پر اعتماد کرتے ہیں کہ ماں کو میری گندگی کا پتہ چلے ماں نفرت نہیں کرے گی میری شلوار کو دھو دے گی۔ اور شیخ پر اتنا بھی اعتماد نہیں ہے کہ اس کو گناہ کا پتہ چلے گا تو مجھ سے نفرت کرے گا۔ یعنی ماں جتنا بھی اس پر اعتماد کرنے کے لیے تیار نہیں ہیں تو بتائیں پھر اصلاح کیسے ہوگی؟

خیر میں گزارش کر رہا تھا اللہ پاک ہمیں بات سمجھنے کی توفیق عطافرمائے تو مولانا جلال الدیں رومی رحمہ اللہ نے جو بات فرمائی ہے اور عجیب بات ہے کہ مولانا رومی خود فرماتے ہیں:

فرمایا شمس تبریز کا غلام بنا ہوں تو لوگوں نے مولانا رومی کہا جب تک شمس تبریز کا غلام نہیں بنا تو مولوی روم تومولوی بھی نہیں تھے۔ میری گزارش سمجھ آرہی ہے؟ اللہ ہمیں بات سمجھنے کی توفیق عطا فرمائے۔ میں خیر کہہ رہا تھا کہ وہاں حج پر لوگ جاتے ہیں لیکن بغیر اصلاح کے جاتے ہیں۔ میری بات کا بر ا محسوس نہ فرمانا میں نے خانہ کعبہ میں ان مناظر کو دیکھا ہے سال میں کم از کم دو مرتبہ اللہ ہمیں اپنےفضل سے جانے کی توفیق عطا فرماتے ہیں۔ ہم جیسے نالائقوں اور فقیروں کو سال میں دو مرتبہ خانہ کعبہ اور نبی کے روضے کی حاضری ملے بتاؤ اور خدا سے کیا چاہیے؟ اور یہ سارے کا سارا عقیدے اور مسئلہ کی محنت کی برکت ہے ورنہ ہمیں کون پوچھتا تھا؟ ہمیں کوئی بھی نہ پوچھتا۔ بس آپ تھوڑی سی محنت کریں اللہ پاک بہت بہت عطا فرماتے ہیں۔

میں صرف جو بات سمجھا رہا ہوں یا میں جو بات کہہ رہا ہوں مناظر اپنی آنکھوں سے دیکھے ہیں آپ یقین فرمائیں کیونکہ شیخ سے تعلق نہیں ہے، تزکیہ نہیں ہے، خانقاہوں سے جوڑ نہیں ہے، گناہوں سے توبہ کی توفیق نہیں ملی تو پھر وہاں صفا اور مروہ کےدرمیان سعی کے دوران موبائل میں تصویریں بن رہی ہیں نامحرم عورتوں کی۔ بتاؤ بیت اللہ میں کھڑے ہیں اور اپنی بیوی کی تصویر بنا رہے ہیں بیت اللہ میں کھڑے ہیں اور گروپ فوٹو بن رہے ہیں۔

کعبہ کے سامنے کھڑے ہو کے وہاں جاکے بھی انسان گناہوں کے اندر مبتلا ہے۔ بتاؤ یہ حج اور عمرہ انسان کو کیا فائدہ دے گا؟ اللہ ہمیں بات سمجھنے کی توفیق عطا فرمائے۔ میری بات سمجھ آرہی ہے؟ میں کہہ رہا تھا ابراہیم اور اسماعیل علیہم السلام نے اللہ سے دعا مانگی ہے، دعا کب مانگی؟ جب بیت اللہ کی دیواریں کھڑی کر رہے تھے او ر ساتھ اللہ سے دعا بھی مانگ رہے تھے۔ اس سےیہ بات سمجھ آئی جب کہ اللہ کوئی دینی کام کرنے کی توفیق عطا فرمائے تو اس وقت ساتھ اللہ سے قبولیت کےلیے دعائیں بھی کرنی چاہییں۔ اللہ ہم نے کعبہ بنا دیا ہے اب تجھ سے دعا مانگتے ہیں ایک یہاں کا ایسا بندہ پیدافرما دے جو اس کعبہ کی آبادی کا سبب بن جائے پھر اللہ نے کس کو پیدا فرمایا؟ اسماعیل علیہ السلام کی نسل میں حضرت محمد مصطفیٰ صلی اللہ علیہ وسلم کو پیدا فرمایا۔ اب دیکھو پوری دنیا کا دل دھڑکتاہے کعبہ کے ساتھ۔

اور کعبہ یاد رکھنا اس کمرے کا نام نہیں ہے اچھی طرح بات سمجھنا ہمارا قبلہ کعبہ اس کمرے کا نام نہیں ہے علامہ شامی نے فتاویٰ شامیہ میں لکھا ہے اگر بطور ولی کی کرامت کے کعبہ مکہ سے چلے اور ولی کے پاس پہنچ جائے، کرامت میں ایسا ہوتا ہے کہ نہیں یا نہیں ہوتا؟ اگر خانہ کعبہ کسی ولی کی کرامت کے طور پر مکہ سے چلے اور ولی کے پاس پہنچ جائے فرمایا ہمارا کعبہ پھر بھی تبدیل نہیں ہوگا کیونکہ ہمارا کعبہ وہ کمرہ نہیں ہے ہمارا کعبہ وہ جگہ ہے جہاں پر کمرہ تعمیر ہوا ہے۔ اس جگہ سے لے کر بیت معمور تک یہ سارے کا سارا کعبہ ہے۔ اور بیت معمور کا روزانہ ستر ہزار فرشتے طواف کرتے ہیں۔ اور جو ایک مرتبہ طواف کرے گا قیامت تک دوبارہ اس فرشتہ کی باری نہیں آئے گی۔ ستر ہزار فرشتے بتاؤ میرے اور آپ کے طواف کی اللہ کو کیا ضرورت ہے؟ اللہ ہمیں بات سمجھنے کی توفیق عطا فرمائے۔

تو ہم خانہ کعبہ کی عبادت نہیں کرتے بلکہ کعبہ کے خدا کی عبادت کرتے ہیں اور کعبہ صرف اس کمرہ کا نام نہیں ہے کعبہ اس مقام کا نام ہے یہ کمرہ وہاں پہ بطور نشانی کے رکھا ہے۔ ایک ہندو نے ایک مولانا صاحب سے سوال کیا ہندو نے کہا مولوی صاحب یہ عجیب بات ہے کہ جب ہم ہندو لوگ ایک چھوٹے سے پتھر کی پوجا کریں تو تم کہتے ہو مشرک ہو اور تم اتنا بڑا پتھر کا کمرہ پوجتے ہو اور تم کو کوئی مشرک نہیں کہتا ہم بھی پتھر کو پوجتے ہیں تم بھی پتھر کو پوجتے ہو تو دونوں مشرک ہوئے ہم میں تم میں فرق کیا ہے؟ مولانا عبدالغنی پھولپوری کا اپنا واقعہ ہے یا کسی کا نقل کیا، فرمایا مولانا نے برجستہ جواب دیا:

جاناناں کہتے ہیں محبوب کو جس پر آدمی مرتا ہو یعنی ہم نے بت خانہ سمجھ کر سجدہ نہیں کیا ہم نے محبوب کا در سمجھ کے سجدہ کیا ہے۔ بعض لوگ شاعری میں ایسا جواب دیتے ہیں کہ اس کی مثل نہیں ملتی۔ شاہ محمد احمد رحمہ اللہ پرتاب گڑھی حکیم الامت مولانا تھانوی رحمہ اللہ کے خلفاء میں سے تھے بہت بڑے عالم بھی تھے شاعر بھی تھے۔ غالب کا ایک شعر ان کو پہنچا:

اب مولانا نے جواب دیا، جواب سنیں :

کیوں؟ غالب کا عشق مرنے والی بدبودار لاشوں سے تھا اور مولانا احمد صاحب کا عشق ان بد بودار لاشوں کے خالق سے تھا۔ ظاہر ہے جو مخلوق پہ مرے گا نکما ہوگا جو خالق پہ مرے گا وہ کام کا ہے۔ عشق اور محبت کا رخ بدلنا ہے اللہ ہم سب کی محبت کا قبلہ درست فرمادے۔ خدا کی قسم آدمی کو خدا سے محبت ہو جائے جینے کا مزہ آجائے۔ یہ بات آپ کو کیسے سمجھاؤں جینے کا مزہ آتا ہے جینے کا۔

توجہ رکھیں میں نے کئی بار کہا موبائل کی گھنٹی بجے تو غصہ نہ ہوا کرو کوئی بھی آدمی جان بوجھ کے ایسا نہیں کرتا کہ موبائل کی ٹون کھلی رکھے بھول جاتا ہے۔ تو بھولنے والے کو تھوڑا ڈانٹا کرتے ہیں؟ ایک آدمی نماز پڑھ رہا ہے بھول گیا موبائل کھلا رہ گیا اب اتنی اس کے موبائل کی کھپ نہیں ہوتی جتنی نماز کے بعد نمازی ڈالتے ہیں۔ بھائی موبائل میں تو عقل نہیں تھی وہ بول پڑا اور تم تو عقل مند تھے تم تو مسجد کا سکون برباد نہ کرو خاموش ہوجاؤ۔

ہماری مثال اس آدمی کی طرح ہے جو نماز پڑھ رہا تھا اور ایک نے آ کر پوچھا کون سی رکعت ہے نماز پڑھنے والا کہتا ہے اوئے نماز میں نہیں بولتے۔ جی ہاں! دوسرا کہتا ہے تیری نماز ٹوٹ گئی ہے، تیسرا کہتا ہے نہیں تیری بھی ٹوٹ گئی ہے۔ اور ٹوٹ سب کی گئی ہے۔ یہی حال ہے ہمارا۔ موبائل تو بے عقل ہے اس کو پتہ نہیں ہے تو جو ڈانٹ رہا ہے شور مچا رہا ہے تو کیا مسجد کے تقدس کا خیال کر رہا ہے ؟سبحان اللہ!

نبی پاک صلی اللہ علیہ وسلم مسجد نبوی میں آئے ایک دیہاتی کھڑے ہو کے پیشاب کر رہا تھا تو صحابہ دوڑے اس کو ڈانٹنے کےلیے تو آپ نے فرمایا : نہ نہ، مت روکو، چھوڑدو اس کو۔ اس کے بعد بلا کے حضور پاک صلی اللہ علیہ وسلم نے فرمایا یہ مسجدیں ہیں عبادت کے لیے پیشاب کےلیے نہیں ہیں۔ اب اس میں محدثین نے لمبا کلام کیا ہے کہ حضورپاک پاک صلی اللہ علیہ وسلم نے روکا کیوں نہیں تھا، بہت ساری وجہیں بیان کی ہیں۔ ایک وجہ یہ بھی ہے اگر اس کو ڈانٹتے تو وہ دوڑتا تو مسجد زیادہ گندی ہوتی تو حضور پاک صلی اللہ علیہ وسلم نے چھوٹا گناہ کرنے دیا تاکہ زیادہ مسجد ناپاک نہ ہو۔ میں اس لیے سمجھاتا ہوں کہ چھوٹی چھوٹی باتوں پر ایک دوسرے کو خراب نہ کیا کرو اللہ ہمیں سمجھنے کی توفیق عطا فرمائے۔

خیر میں بات عرض کر رہا تھا کہ ابراہیم اور اسماعیل علیہما السلام نے دعا مانگی اللہ نے ان کی نسل میں سے نبی دیے جن کا نام محمد مصطفیٰ صلی اللہ علیہ وسلم ہے۔ اور پھر ان حضرات نے دعا بھی مانگی ہے اور کعبہ کی بنیادوں پر کعبہ کھڑا بھی کیا۔ تو میں سمجھا یہ رہاتھا کہ آپ کعبہ پر جائیں اللہ سب کو لے جائے لیکن جانے سے پہلے دل کا تزکیہ ضروری ہے۔ خدا کی قسم دل کو صاف نہیں کرو گے جاتے وقت جہاز میں ائیر ہوسٹس کو دیکھو گے۔ میں جھوٹ نہیں بولتا میں نے ایسے گروپوں کے ساتھ عمرہ کیا یہ ہمارا چیمبر آف کامرس لاہور کا وفد تھا پہلے یمن گئے پھر جدہ مکہ مکرمہ اور مدینہ منورہ گئے عمرہ کر کے جب واپس آئے تو زم زم ٹاور ہے سب سے قیمتی ہوٹل وہاں ہے زم زم ٹاور، عمرہ سے واپس آئے اور آتے ہی ٹی وی آن کیا انڈین فلم دیکھ رہے ہیں کہاں؟ مکہ مکرمہ میں اور آئے کدھر سے؟ حرم سے کیوں دل کا تزکیہ نہیں تھا تو حج اور عمرہ برباد کر کے رکھ دیا۔ اس لیے وہاں جانا چاہیے لیکن پہلے تزکیہ بہت ضروری ہے۔ خیر حضرت ابراہیم علیہ السلام نے اللہ سے جو دعامانگی ہے میں اس پر بات کررہا ہوں۔

ہمارا حضرت ابراہیم علیہ السلام اور رسول اللہ صلی اللہ علیہ وسلم سے چونکہ بہت گہرا تعلق ہے یہاں ایک چھوٹا سا نکتہ ذہن میں رکھیں ہمارا دونوں سے گہرا تعلق ہے۔ ہم ابراہیم علیہ السلام کی ملت ہیں اور محمد صلی اللہ علیہ وسلم کی امت ہیں۔ امت اور ملت میں کیافرق ہے؟ اصولوں کے اشتراک سے ملت بنتی ہے اور اصول وفروع کے اشتراک سےامت بنتی ہے۔ جن کے اصول ایک ہوں انہیں ملت کہتے ہیں اور جن کے اصول و فروع ایک ہوں انہیں امت کہتے ہیں۔

تو اصول میں ہم ابراہیم علیہ السلام کے ساتھ ہیں، لیکن فروع اور پوری شریعت میں ان کے پابند نہیں رسول اللہ صلی اللہ علیہ وسلم کے پابند ہیں۔ توملت ابراہیم کی ہے اور امت ہم حضور صلی اللہ علیہ وسلم کی ہیں۔ اس لیے جو سنتیں اور ان کے طریقے چل رہے تھے نبی پاک صلی اللہ علیہ وسلم نے اکثر ان کو باقی رکھا ناخن تراشنے، بغل کے بال صاف کرنے کاطریقہ، مسواک کرنا یہ ابراہیم علیہ السلام کے طریقے ہیں۔ یہ طریقے جو ابراہیم علیہ السلام نے دیے تھے ان میں سے ایک طریقہ قربانی کا بھی ہے۔ قربانی کا سلسلہ خدا نے ان سے شروع کروایا ہے۔

حضرت ابراہیم اور حضرت اسماعیل علیہما السلام نے اللہ سے جو دعا ئیں مانگیں ہیں ان میں سے ایک دعا کا تذکرہ کرنا ہے اور تھوڑی سی بات عرض کرنی ہے۔دعاکیا مانگی؟