متفرق مسائل

مفتی صاحب لکھتے ہیں:

اب جو نبی کو بشر کہے وہ نہ خدا ہے نہ پیغمبر تیسرے گروہ ہی میں داخل ہے یعنی کافر۔

جبکہ مفتی صاحب نے کئی مقامات پر نبی علیہ السلام کو یا مطلقاً نبی کو بشر کہا ہے دیکھیے لکھتے ہیں

رسول صرف انسان ہوتے ہیں۔

کفر سے عقل ہی ماری جاتی ہے کیونکہ مشرکین درختوں پتھروں وغیرہ کو خدا مان لیتے تھے مگر انسان کو نبی ماننے میں تامل کرتے تھے۔

انسان اور بشر میں کوئی فرق نہیں ہے تو مفتی صاحب اپنے فتوے کی رو سے کافر ہوئے۔

حجۃ الاسلام قاسم العلوم والخیرات مولانا محمد قاسم نانوتو یؒ نے فرمایا کہ اگر بالفرض حضور علیہ السلام کے بعد نبی آجائے الخ تو اس بات پر رضا خانیت نے آسمان سر پر اٹھالیا جبکہ مفتی صاحب کو دیکھیے وہ لکھتے ہیں

اگر قادیانی نبی ہوتا تو وہ دنیا میں کسی کا شاگر دنہ ہوتا۔

اگر قادیانی نبی ہوتا تو حضرت ابراہیم علیہ السلام کی اولاد میں ہوتا۔

جبکہ ہم کہتے ہیں کہ اگر اولاد ابراہیم میں بھی ہوتا تو نبی نہیں ہوسکتا تھا۔

اگر قادیانی نبی ہوتا تو پٹھانو ں کے خوف سے حج جیسے فریضہ سے محروم نہ رہتا۔

دیکھیے کہ لفظ اگر سے محال کام کو بول دیا جانا ناجائز و حرام ہے تو پھر مفتی صاحب پر کیا فتوی لگے گا؟

مفتی صاحب ایک جگہ لکھتے ہیں:

ناممکن کو نا ممکن پر معلق کرسکتے ہیں۔

تو یہ جملہ اگر بالفرض حضور علیہ السلام کے بعد میں نبی آجائے تو ختم نبوت میں فرق نہیں آئے گا، ناممکنات میں سے ہے پھر حضرت نانوتوی ؒ پر طعن کیوں ؟

مفتی صاحب لکھتے ہیں:

رب نے شیطان کو بھی علم غیب دیا۔

جبکہ امیر دعوت اسلامی مولوی الیاس عطار صاحب لکھتے ہیں

یہ عقیدہ رکھنا کہ جنّ کو علم غیب ہے یہ کفر ہے۔

شیطان بھی تو جن ہے لہٰذا فتویٰ کفر مفتی احمد یار نعیمی صاحب کے سر جالگا۔

مفتی صاحب لکھتے ہیں:

قوالی لہو کے طور پر ہو تو حرام ہے جیسے آج کل کی عام قوالیاں۔

اس لیے بریلویوں کو قوالیاں ترک کردینی چاہئیں یا مفتی صاحب کے دماغ خراب ہونے کا فتوی دیا جائے۔

مفتی صاحب لکھتے ہیں:

جب انسان بے خود ہو جائے تو اس پر شرعی احکام جاری نہیں ہوتے۔

جب اصول بریلوی مفتی نے یہ بتادیا تو پھر حکیم الامت حضرت تھانوی ؒ پر اعتراض بے جا ہے کیونکہ حضرت تھانوی کے مرید نے بے خود ہوکر خواب میں کلمہ پڑھا تھا۔

مفتی صاحب لکھتے ہیں:

ب استعانت کی ہے اور اس سے پہلے فعل پو شیدہ ہے اس کے معنی ہیں، شروع کرتا ہوں میں اللہ کے نام کے مدد سے۔

جبکہ بریلوی جید عالم شیر محمد جمشدی لکھتے ہیں:

بسم اللہ، کے ترجمہ میں جا ہلانہ غلطیا ں: غورفرمائیں کہ مترجمین نے ترجمہ میں اللہ تبارک وتعالی کے نام کی بجائے لفظ شروع سے ترجمہ کا آغاز کیا چنانچہ مترجم کا قول خود اپنی زبان سے غلط ہو گیا کہ اس نے تو اللہ تعالی کے نا م سے شروع ہی نہیں کیا۔

آگے لکھتے ہیں:

مزید غلطی یہ ہے کہ شروع کرتا ہوں یہ ترجمہ مردوں کے لیے ہے اور عورتوں کے لیے یہ ترجمہ درست نہیں۔

اور یہی بات احتشام الحق ملک نے آؤحق تلاش کریں ( مصدقہ شہزاد مجددی صاحب )کے ص41۔42پر بھی لکھی ہے۔

اہل السنت والجماعت دیوبند کا نظریہ ہے کہ خدا تعالی نے جو فرمادیا ہے وہ اپنی مشیت سے وہی کرے گا اگرچہ اسے اپنے کہے کے خلاف کرنے پر بھی قدرت ہے مگر وہی کرے گا جو اس نے فرمادیا۔

مفتی صاحب نے بھی دبے لفظوں میں اسے تسلیم کرلیا ہے، لکھتے ہیں:

اگر خدا تمام دنیا کو دودخ میں بھیج دے توظالم نہیں۔

معلوم ہو اکہ مفتی صاحب کویہ بات تسلیم ہے کہ اگر خدا ایسا کرنا چاہے تو کر سکتاہے اور وہ قدرت بھی رکھتاہے۔

دوسری جگہ لکھتے ہیں:

یہ آیت ظاہر ی معنی سے ان کے بھی خلاف ہے کذب باری میں امتناع بالغیر کے وہ بھی قائل ہیں۔

مفتی صاحب کہتے ہیں کہ اہل دیو بند امتناع بالغیر کے قائل ہیں۔ جبکہ فاضل بریلوی نے تو جھوٹ بول کر یہ لکھ دیا کہ دیو بند والے وقوع کذب کے قائل ہیں جبکہ مفتی صاحب نے فاضل بریلوی کو جھوٹا قراردے کر ان کو مجرم قراردیاہے۔ معلوم ہواکہ فاضل بریلوی کے متعلق اکابر نے جو کذاب کا لفط لکھا ہے وہ درست ہے۔

مفتی صاحب کہتے ہیں:

مسلمان ہو نا کمال نہیں بلکہ مسلمان مرنا کمال ہے۔

مفتی صاحب سے کوئی پو چھے جب مسلمان ہو گا ہی نہیں تو مسلمان مرے گا کیسے؟ اسلام میں آئے بغیر اسلام پر موت چہ معنی دارد؟

بریلویت پر شیطان کے اتنے احسانات ہیں کہ ان کو شرم آتی ہے کہ ان کا بدلہ نہ چکا یا جائے۔ لہذا بریلویوں نے اس کے فضائل ومناقب لکھے تاکہ وہ خوش رہے اورآئندہ کے لیے ان پر انعامات کا سلسلہ جاری رکھے۔ مفتی صاحب آگے بڑھے اور کہنے لگے:

(1) وہ ہرجگہ پر حاظر وناظر ہے۔

(2) رب نے شیطان کو بھی علم غیب دیا۔

(3) وہ بڑا موحد ہے ایسا موحد کہ اس نے خدا کے حکم سے بھی آدم علیہ السلام کو سجدہ تحیت نہ کیا۔

(4) ابلیس پیغمبر کی شکل تونہیں بنا سکتا مگرآواز ان کی آواز سے مشابہ کر دیتا ہے

(5) شیطان نے کہا میں پرانا صوفی عابد عالم فاضل دیو بند ہوں۔

(6) شیطان خود برے کا موں کو اچھا نہیں جا نتا مگر لوگوں کو اچھا کرکے دکھاتا ہے وہ خود مشرک نہیں لوگوں کو مشرک بنا تا ہے۔

(7) رب کے سامنے شیطان نے بھی جھوٹ نہ بولا۔

(8) شیطان اللہ تعالی کا بندہ ہے۔

(9) شیطان کی یہ دعاکچھ ترمیم سے قبول ہوگی۔

(10) شیطان اللہ کی توحید، صفات اور تمام ایمانیا ت کو مانتا ہے۔

(11) ابلیس کو زمین اور پھر آسمان کی بادشاہت اور جنت کے خزانے عطافرمائے۔

(12) اگر شیطان نہ ہو تا تو دین اور دنیا میں کچھ بھی نہ ہوتا۔

(13) اگر شیطان نہ ہوتا تو مسلمان مجاہد، غازی کیسے بنتا۔

(14) وہ فرشتے اور ابلیس جو لاکھوں برس سے تھے انہیں اسی نئی مخلوق (سیدنا آدم علیہ السلام) کو استاد بنایا۔

(15) ابلیس کی نظر تمام جہان پر ہے کہ وہ بیک وقت سب کو دیکھتا ہے اور تمام مسلمانوں کے ارادے بلکہ دل کے خطرات سے خبردار ہے۔

(16) موحد ہو نا کمال نہیں موحد تو ابلیس بھی ہے۔

(17) جنت و دوزخ کا قائل ہے۔

(18) فاضل بریلوی کی کتاب خالص الاعتقاد کے مقدمہ میں ہے، رسو ل اللہ کا علم اور وں سے زائد ہے،ابلیس کا علم معاذاللہ علم اقدس سے ہر گز وسیع ترنہیں۔

یعنی وسیع ہے وسیع تر نہیں العیاذباللہ

(19) فاضل بریلوی کہتے ہیں:

(ایک پری نے جو مشرف بالاسلام ہوئی اس نے کہا  میں نے دیکھا کہ ایک پہاڑ پر ابلیس نماز پڑھ رہا ہے میں نے اس کی یہ نئی بات دیکھ کر کہا کہ تیرا کام تو نماز سے غافل کردینا ہے تو خود کیسے نماز پڑھتا ہے؟ اس نے کہا شاید رب العزت تعالیٰ میری نماز قبول فرمائے اور مجھے بخش دے۔

20 مفتی فیض احمد اویسی صاحب لکھتے ہیں

ابلیس بذات خود آج کل کے کئی انسانوں سے بہتر پوزیشن میں ہے۔ موحد ہے، سب سے بڑے گناہ شرک سے مجتنب۔وہ ملحد اور دہریہ نہیں ہے کیونکہ وہ اللہ تعالیٰ کو رب کہہ کر پکارتا ہے اور اس کی عزت کی قسم کھاتا ہے۔ یہ کہ یوم حشر اور جزا پر یقین رکھتا ہے۔ وہ صرف انسان کا دشمن ہے اور اللہ تعالیٰ کا دشمن نہیں۔

21 اویسی صاحب لکھتے ہیں:

ابلیس کے درس و خطابت کی یہ شان تھی کہ عرش کے نیچے یاقوت کا منبر لگایا جاتا تھا سر پر نور کا پھریرا فضا میں لہراتا تھا۔

22 اویسی صاحب لکھتے ہیں:

دنیوی سلطنت اور وجاہت و سطوت اس کی نظروں میں کچھ نہ تھے وہ صرف اور صرف عبادت الٰہی کا عاشق تھا۔

23 مزید لکھتے ہیں:

بارگاہ حق میں عبادت کو ایسا سجا کر پیش کیا کہ خود خالق کو اس سے ایسا پیار ہوا کہ اسے نہ صرف ساتویں آسمان تک بلا لیا گیا بلکہ بہشت کے چیف افسر حضرت رضوان فرشتے کو استدعا کرنی پڑی کہ ابلیس کے بغیر جنت کی زیب و زینت بے زیب ہے۔

24 مزید لکھتے ہیں:

شیطان زانی نہیں ، چور نہیں ڈاکو نہیں کہ کسی کا مال چھین لیتا ہو اور نہ ہی دوسری غلط کاریوں میں مبتلا ہے بلکہ وہ تو اعمال صالحہ کے لحاظ سے تا حال ویسے پابند ہے جیسے پہلے تھا اور توحید میں رئیس الموحدین ہے۔ یہاں تک کہ اب اس کا نام پوچھنا ہو تو عزازیل عبد اللہ ( یعنی اللہ کا بندہ ) نام بتائے گا۔

آگے لکھتے ہیں:

اللہ کی جملہ صفات کو مانتا ہے اور اس کی عبادت کو حق سمجھتا ہے۔

25 جنت کا خزانچی تھا زمین و دنیا کا بادشاہ تھا۔

26 مولوی احمد رضا بریلوی لکھتا ہے:

وہابیہ گمراہ نہ ہوں گے تو ابلیس بھی گمراہ نہ ہوگا کہ اس کی گمراہی ان سے ہلکی ہے وہ کذب کو اپنے لیے پسند نہیں کرتا۔

مفتی صاحب لکھتے ہیں:

قادیانی چکڑالوی وغیرہ قومی مسلمان ہیں دینی مومن نہیں۔

یہ قادیانیوں سے ہمدردی کیوں ہے؟ بظاہر اس کی وجہ سمجھ نہیں آتی شاید قادیانیت کا ان پر احسان ہو۔ جس کی وجہ سے انہیں مسلمان سمجھتے ہیں ، شاید یہ وجہ ہو کہ مولوی احمدرضا کا استاد مرزا قادیانی کا بھائی تھا۔ باقی اللہ بہتر جانتا ہے۔

مفتی صاحب لکھتے ہیں:

اگر غیر ضروری عبادت ایسے فساد کا ذریعہ بن جائے جو ہم سے مٹ نہ سکے تو اس کو چھوڑ دیا جائے۔

قارئین ذی وقار مفتی صاحب کی اسی بات سے ہی فیصلہ کیا جاسکتا ہے کہ آج کل کے دور میں جھگڑے اور فساد کا ذریعہ کیا ہے۔بریلوی جتنی بدعات پیش کرتے ہیں اہل حق قبول نہیں کرتے کہ اگر ان کو نہ کرنا گناہ ہے تو پہلے بزرگوں کے بارے میں کیا فتوی ہے؟ اس پر لڑائی اور جھگڑا بریلویوں کی طرف سے شروع ہوجاتا ہے۔ اذان کے ساتھ صلوۃ و سلام ہو یا اذان علی القبر ، دعا بعد نماز جنازہ ہو یا میلاد شریف و عرس و قوالی، ان سب مسائل پر بریلوی حضرات کی طرف سے جھگڑے کی فضا گرم رہتی ہے۔کبھی مناظرہ تو کبھی مجادلہ۔

اب تو نوبت یہاں تک جاپہنچی ہے کہ لوگ جنازہ پڑھنے آتے ہیں اوروہاں جھگڑا دعا بعد نماز جنازہ کا ہوتا ہے، پھر قل خوانی کا جھگڑا اور اذان علی القبر پر جھگڑا۔اذان کے ساتھ صلوۃ وسلام پر جھگڑا اور میلاد پر جھگڑوں کی تو یہ حالت ہو چکی ہے کہ بیسوں افراد جان سے ہاتھ دھو بیٹھے بلکہ رضا خانیوں نے مسجد و مدرسہ و قرآن پاک تک کو میلاد کے جلسوں میں شہید کیا ہے اور آگ لگائی ہے۔ لہذا مشورہ مفتی صاحب کا درست ہے کہ ان سب بدعات کو بند کر دیا جائے تاکہ امت سکھ کا سانس لے سکے۔ ہم اس بات میں مفتی صاحب کے ساتھ ہیں۔ لیکن افسوس یہ ہے کہ مفتی صاحب کے قلم نے یہ لکھ دیا اندر سے ان بدعات کو چھوڑنے پر وہ بھی تیار نہ تھے ورنہ ان منکرات کے خلاف بھر پور مہم چلاتے۔

مفتی صاحب لکھتے ہیں:

روساء یہود نے لبید اعصم یہودی سے کہا تو اور تیری لڑکیاں جادوگری میں یکتا ہیں حضور پر جادو کر۔لبید نے حضور کے ایک یہودی غلام سے حضور کی شکستہ کنگھی کے دندانے اور کچھ بال شریف حاصل کرکے اور موم کا ایک پتلا بناکر اس میں گیا رہ سلائیاں چبھوئیں ایک تانت میں گیا رہ گرہیں لگائیں۔ یہ سب کچھ اس پتلے میں رکھ کر بئر رواں میں پا نی کے نیچے ایک پتھر کے نیچے دبا دیا اس کا حضورکے خیال شریف میں یہ اثر ہوا کہ دنیا وی کا موں میں بھول ہو گئی۔ چھ ماہ تک یہ اثر رہا۔

جبکہ بریلوی کرنل انور مدنی لکھتےہیں:

تمام روایا ت سحر متضاد ہیں اور بے ربط ہیں یہ اسرائیلیات میں سے وہ تحریریں ہیں جو یہود اور منافقین نے ایک سازش کے تحت گھڑی تھیں تاکہ اس سے رسول کریم صلی اللہ علیہ وسلم کی شان اقدس کو کم کیا جائے۔

دوسری جگہ لکھتے ہیں:

آپ صلی اللہ علیہ وسلم کو مسحور، جا دو زدہ کہنا کفر ہے۔

مزید لکھتے ہیں:

نبی کو مسحور کہنا کفار و ظالمین کا وطیرہ ہے اگر نبی مسحور ہو جائے تو درج ذیل خرابیاں لازم آئیں گی

(1) منصب نبوت کے جو فرائض ہیں ان میں انقطاع پیدا ہو جائے گا۔

(2) نبی کا مشن فیل ہو جائے گا۔نعوذ باللہ