ناحق قتل سے اجتناب

اللہ تعالیٰ نے اپنے خاص بندوں کی ساتویں صفت یہ ذکر فرمائی ہے :

ترجمہ: ”اور وہ ایسی جان کو ناحق قتل نہیں کرتے جسے اللہ نے حرمت بخشی ہے “

اللہ تعالیٰ کے نیک بندوں کے اوصاف میں ایک وصف ”ناحق قتل سے اجتناب “ ہے۔ اللہ والے خود پرامن ہوتے ہیں اور معاشرے کو بھی پرامن بنانے میں اپنا کردار ادا کرتےرہتے ہیں۔ وہ ہر ایسے کام سے دور رہتے ہیں جس کی وجہ سے معاشرے میں فساد اور بگاڑ پیدا ہوتا ہو۔

ناحق قتل انہی گھناؤنے کاموں میں سے ایک ہے جس کی وجہ سے معاشرہ تباہ ہو تا ہے۔ اس لیے ناحق قتل کو گناہ کبیرہ قرار دیا گیا ہے قرآن کریم نے واضح لفظوں میں یہ اعلان کیا ہے: مَنْ قَتَلَ نَفْسًۢا بِغَیْرِ نَفْسٍ اَوْ فَسَادٍ فِی الْاَرْضِ فَکَاَنَّمَا قَتَلَ النَّاسَ جَمِیْعًا.

ترجمہ: جو کوئی کسی کو قتل کرے، جبکہ یہ قتل نہ کسی اور جان کا بدلہ لینے کے لیے ہو اور نہ کسی کے زمین میں فساد پھیلانے کی وجہ سے ہو، تو یہ ایسا ہے جیسے اس نے تمام انسانوں کو قتل کردیا۔

ترجمہ: حضرت عبد اﷲ بن صامت رضی اللہ عنہ سے روایت ہے کہ انہوں نے رسول اللہ صلی اللہ علیہ وسلم کو یہ بات ارشادفرماتے ہوئے سنا : جس شخص نے کسی مومن کو (ناحق) قتل کیا پھر اس قتل پر خوش بھی ہوا تو اﷲ تعالیٰ اس کی نفل اور فرض عبادت قبول نہیں فرمائیں گے۔

ترجمہ: حضرت عبد اللہ بن عمرو رضی اﷲ عنہما سے روایت ہے کہ نبی کریم صلی اللہ علیہ وسلم نے فرمایا: کسی مسلمان کے )ناحق (قتل ہونے سے پوری دنیا کا تباہ ہوجانا اللہ تعالیٰ کے ہاں معمولی حیثیت رکھتا ہے۔

ترجمہ: حضرت براء بن عازب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:اللہ تعالیٰ کے ہاں کسی شخص کے ناحق قتل ہونے سے پوری کائنات کا ختم ہو جانا معمولی حیثیت رکھتا ہے۔

ترجمہ: حضرت عبداللہ بن مسعود رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: قیامت کے دن لوگوں کےمابین سب سے پہلے خون خرابے )قتل و قتال( کا فیصلہ سنایا جائے گا۔

ترجمہ: حضرت ابو الحکم البجلی رحمہ اللہ کہتے ہیں کہ میں نے حضرت ابو سعید خدری اور حضرت ابوہریرہ رضی اﷲ عنہما سے سنا وہ دونوں رسول اللہ صلی اللہ علیہ وسلم کا یہ ارشاد نقل فرما تے تھے کہ اگر تمام آسمان والے اور زمین والے کسی ایک مومن کے قتل میں شریک ہو جائیں تو اللہ تعالیٰ ان سب کو ضرور جہنم میں ڈالیں گے۔

قیامت کے دن حقوق العباد میں سب سے پہلےقتل کا حساب ہوگا اور اگر کسی کو ناحق قتل کرنے میں تمام آسمان و زمین والے مل کر شریک ہوجائیں تو اللہ تعالیٰ ان کو جہنم میں ڈالیں گے۔