خلاصۂِ کتاب

سوال: 1857ء کی جنگ آزادی کے بعد اسلام کے تحفظ کے لیےکون سا راستہ اختیار کیا گیا؟

جواب: دینی مدارس و جامعات بنائے گئے۔

سوال: زیادہ مشہور مدارس کون سے ہیں صرف دو کے نام بتائیں؟

جواب: دارالعلوم دیوبند اور مظاہر العلوم سہارنپور

سوال: پاکستان کا ابتدائی تصورسب سے پہلے کس عالم دین نے پیش کیا؟

جواب: جون 1928ء میں حکیم الامت مولانا اشرف علی تھانوی رحمۃ اللہ علیہ۔

سوال: عوام الناس میں اس تصور کو سب سے پہلے کس نے اجاگر کیا۔

جواب: 29دسمبر الٰہ آباد میں علامہ محمد اقبال مرحوم نے ۔

سوال: تحریک آزادی پاکستان میں کون سانعرہ لگایا گیا؟

جواب: پاکستان کا مطلب کیا؟ لا الہ الا اللہ

سوال: قائد اعظم پاکستان کو کیسا دیکھنا چاہتے تھے؟

جواب: ایک ایسی اسلامی ریاست جہاں قرآن و سنت کا نظام عملاً نافذ ہو۔

سوال: قائد اعظم نے اپنا جنازہ پڑھانے کی وصیت میں کیا کہا؟

جواب: میرا جنازہ علامہ شبیر احمد عثمانی پڑھائیں۔

سوال: قائد اعظم کے جنازے پر کس عالم دین نے تقریر کی اور کیا کہا؟

جواب: علامہ شبیر احمد عثمانی نے ۔ قائد اعظم کی خدمات کو سراہا اور پاکستان کے مقصد آزادی پر قائد اعظم کے نظریات سے لوگوں کو آگاہ کیا۔

سوال: قائد اعظم کو وطن واپسی کے لیے کس نے خطوط لکھے ؟

جواب: علامہ محمد اقبال مرحوم

سوال: کیا علامہ اقبال مرحوم علماء سے نفرت کرتے تھے؟

جواب: نہیں !بالکل نہیں۔ بلکہ ان سے بے پناہ دلی عقیدت رکھتے تھے۔

سوال: کیا علامہ اقبال کے نظریات لبرل قسم کے تھے ؟

جواب: نہیں بلکہ وہ خالص اسلامی افکار کے حامل تھے۔

سوال: قرارداد پاکستان کب پیش کی گئی؟

جواب: 23 مارچ 1940 ء کو اقبال پارک لاہور میں جس میں دوقومی نظریہ پر اتفاق رائے کیا گیا۔

سوال: قرارداد پاکستان کے موقع پر قائد اعظم نے صدارتی خطاب میں کیا کہا؟

جواب: ہندوؤں اور مسلمانوں کا تعلق دو مختلف فلسفوں، سماجی رسوم اور ادبی روایات سے ہے۔ ان کا تعلق دو مختلف تہذیبوں سے ہے جو بنیادی طور پر متصادم نظریات و تصورات پر مبنی ہیں۔

سوال: پاکستان کے ہمسایہ ممالک میں کون سا ملک بین الاقوامی اصولوں کی خلاف ورزی کرتے ہوئے اسے نقصان پہنچانے کی کوششیں کر رہا ہے ۔

جواب: ہندوستان

سوال: پاکستان اور بھارت کے مابین آبی معاہدہ کب ہوا ،کتنے دفعات پر مشتمل تھا؟

جواب: 19ستمبر 1960ءکو سندھ طاس معاہدہ ہوا ، جوکہ 11دفعات پر مشتمل تھا۔

سوال: اس معاہدہ کی خلاف ورزی کون سا ملک کر رہا ہے ۔

جواب: بھارت

سوال: پاکستان کو چلانے والے ادارے کون سے ہیں ؟

جواب: پارلیمنٹ ، سینٹ ، مقننہ ، عدلیہ اور قانون نافذ کرنے والے ادارے۔

سوال: پاکستان کو بچانے والے ادارے کون سے ہیں؟

جواب: افواج پاکستان اور حساس خفیہ ادارے ۔ جیسے ISI وغیرہ

سوال: کس عالم دین نے مسلم لیگ کو قومی و سیاسی استقلال کے لیے سفینہ نجات قرار دیا؟

جواب: علامہ شبیر احمد عثمانی

سوال: قیام پاکستان کے وقت سرحد اور سلہٹ )بنگال( ریفرنڈم میں کون سے دو علماء نے پاکستان میں شمولیت کے لیے پر وہاں کے لوگوں میں سیاسی شعور پیدا کیا؟

جواب: سرحد میں علامہ شبیر احمد عثمانی اور سلہٹ میں علامہ ظفر احمد عثمانی ۔

سوال: پاکستان کب معرض وجود میں آیا؟

جواب: 27 رمضان المبارک 14 اگست 1947ء

سوال: پاکستان میں اسلامی آئین سازی کے لیے کون سی جماعت بنائی گئی؟

جواب: مجلس العلماء

سوال: دستوریہ پاکستان کے پہلے صدر کا نام کیا ہے ؟

جواب: قائد اعظم محمد علی جناح

سوال: قرارداد مقاصد کب اور کس نے پیش کی؟

جواب: 7 مارچ 1949ء کو وزیر اعظم لیاقت علی خان نے پیش کی۔

سوال: قرارداد مقاصد کب منظور کی گئی؟

جواب: 12 مارچ 1949ء کو مجلس دستور ساز پاکستان نے وزیر اعظم پاکستان کی پیش کردہ تجویز قرارداد مقاصد منظور کی۔

سوال: تعلیمات اسلامی بورڈ کس کی تجویز پر عمل میں لایا گیا؟

جواب: علامہ شبیر احمد عثمانی

سوال: اسلامی آئینی بل کے بارے میجر اسکندر مرزا کے اشکالات کس عالم دین نے ختم کیے ؟

جواب: قاری محمد طیب قاسمی

سوال: اسلامی آئینی بل پر میجر اسکندر مرزا نے کس تاریخ کو دستخظ کیے؟

جواب: 2مارچ 1956ء

سوال: اس موقع پر سب سے پہلے قوم کو کس عالم دین نے خوشخبری سنائی؟

جواب: ریڈیو پاکستان پر مفتی اعظم پاکستان مفتی محمد شفیع دیوبندی نے

سوال: ریاستی استحکام میں امن کی حیثیت کس درجہ کی ہے ؟

جواب: بنیادی

سوال: یوم دفاع پاکستان کس دن کو قرار دیا جاتا ہے ؟

جواب: 6 ستمبر 1965ء

سوال: یوم تکبیر کس دن کو قرار دیا جاتا ہے ؟

جواب: 28 مئی 1998ء کو جب پاکستان ایٹمی طاقت بنا۔

سوال: 7 ستمبر 1974ء کو پاکستان کی پارلیمنٹ اور سینٹ نے کون سا تاریخی کارنامہ سرانجام دیا؟

جواب: قادیانیوں کو غیر مسلم قرار دیا ۔

سوال : آزاد کشمیر اسمبلی میں قادیانیوں کو کب کافر قرار دیا گیا؟

جواب: 6 فروری 2018ء کو آزاد کشمیر اسمبلی اور کونسل نے مشترکہ طور پر قادیانیوں کو کافر قرار دیا ۔

سوال: یوم آزادی کے موقع پر کیا کرنا چاہیے؟

جواب: اللہ کا شکر ادا کرنا چاہیے اور اپنے مکانات ، دفاتر اور اداروں پر سبز ہلالی پرچم لہرا کر پاکستان کے سالمیت و استحکام کے لیے دعاگو رہنا چاہیے ۔