72)
<div class="mainheading">عقیدہ 30:</div>
<div class="subheading">متن:</div>
<div class="btext">وَإِنَّهٗ خَاتَمُ الْأَنْبِيَآءِ وَإِمَامُ الْأَتْقِيَآءِ وَسَيِّدُ الْمُرْسَلِيْنَ وَحَبِيْبُ رَبِّ الْعٰلَمِيْنَ․</div>
<div class="text">ترجمہ: آپ صلی اللہ علیہ وسلم خاتم الانبیاء ہیں،نیک لوگوں کے امام ہیں، تمام رسولوں کے سردار ہیں اور رب العالمین کے محبوب ہیں۔</div>
<div class="subheading">شرح:</div>
<div class="text">آنحضرت صلی اللہ علیہ وسلم آخری نبی ہیں اور آپ کے بعد کوئی نبی پیدا نہیں ہو گا۔ ختم نبوت ایک اجماعی عقیدہ ہے جس کا منکر دائرہ اسلام سے خارج ہے۔ </div>
<div class="btext">R ﴿مَا كَانَ مُحَمَّدٌ أَبَا أَحَدٍ مِّنْ رِّجَالِكُمْ وَلٰكِنْ رَّسُوْلَ اللهِ وَخَاتَمَ النَّبِيّٖنَ ۭ وَكَانَ اللهُ بِكُلِّ شَيْءٍ عَلِيْمًا﴾. </div>
<div class="reference"> (الاحزاب:40)</div>
<div class="text">ترجمہ: محمد(صلی اللہ علیہ وسلم )تمہارے مردوں میں سے کسی کے باپ نہیں لیکن اللہ کے رسول اور آخری نبی ہیں ا ور اللہ تعالیٰ ہر چیز کو جاننے والے ہیں۔</div>
<div class="text">R حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:</div>
<div class="btext">أُعْطِيْتُ جَوَامِعَ الْكَلِمِ وَنُصِرْتُ بِالرُّعْبِ وَأُحِلَّتْ لِيَ الْغَنَائِمُ وَجُعِلَتْ لِيَ الْأَرْضُ طَهُوْرًا وَمَسْجِدًا وَأُرْسِلْتُ إِلَى الْخَلْقِ كَافَّةً وَخُتِمَ بِيَ النَّبِيُّونَ.</div>
<div class="reference"> (صحیح مسلم: ج1 ص199 كتاب المساجد ومواضع الصلاة)</div>
<div class="text">ترجمہ: مجھے چھ اعزازات دے کر دیگر انبیاء علیہم السلام پر فضیلت دی گئی: (۱) مجھے جوامع الکلم دیے گئے (۲) رعب عطا فرما کے میری مددکی گئی (۳) مال غنیمت کو میرے لیے حلال کیا گیا (۴) پوری زمین کومیرے لیے<div class="inlinearabic">”طَھُوْر“ </div>یعنی پاک کرنے کا ذریعہ بنا دیا گیا (۵) پوری زمین کو میرے لیے سجدہ گاہ بنا دیا گیا اور (۶) مجھے پوری مخلوق کانبی بنادیا گیا۔ ان تمام اعزازات کی وجہ یہ ہے کہ مجھے آخری نبی بنایا گیا ہے ۔</div>
<div class="text">اس تشریح کے مطابق <div class="inlinearabic">”وَخُتِمَ بِيَ النَّبِيُّونَ“ </div>مستقل اعزاز ہےاور اس سے پہلے ذکر کی گئی چھے چیزیں اس اعزاز کی دلیل ہیں۔اس حدیث کی مزید تشریح بندہ کی کتاب ”دروس الحدیث“ میں ملاحظہ کی جا سکتی ہے۔</div>
<div class="text">R ملا علی بن سلطان محمد القاری الھروی الحنفی (ت1014ھ) فرماتے ہیں:</div>
<div class="btext">وَدَعْوَی النُّبُوَّۃِ بَعْدَ نَبِیِّنَا صَلَّی اللہُ تَعَالٰی عَلَیْہِ وَسَلَّمَ کُفْرٌ بِالْاِجْمَاعِ․ </div>
<div class="reference"> (شرح الفقہ الاکبر: ص451)</div>
<div class="text">ترجمہ: ہمارے نبی صلی اللہ علیہ وسلم کے بعد کسی اور شخص کا دعوی نبوت کرنا کفر ہے۔</div>
<div class="text">فائدہ: بانی دار العلوم دیوبند قاسم العلوم والخیرات حضرت مولانا محمد قاسم نانوتوی (ت1297ھ) نے اپنی کتاب <div class="inlinearabic">”تحذیر الناس“ </div>میں آنحضرت صلی اللہ علیہ وسلم کی ختم نبوت کی ایسی جامع اور دلنشیں تشریح فرمائی ہے کہ جس سے آپ صلی اللہ علیہ وسلم کی خاتمیت کامل اور مکمل طور پر ظاہر ہوتی ہے۔ اس مضمون کا خلاصہ یہ ہے:</div>
<div class="text"> خاتمیت ایک جنس ہے جس کی دو انواع ہیں۔ ایک خاتمیت باعتبار زمانہ کے ہے یعنی آپ صلی اللہ علیہ وسلم کی نبوت کا زمانہ تمام انبیاء علیہم السلام کی نبوت کے زمانہ کے بعد ہے اور آپ صلی اللہ علیہ وسلم زمانہ کے اعتبار سے تمام انبیاء علیہم السلام کی نبوت کے خاتم ہیں۔ دوسری نوع خاتمیت باعتبار ذات ہے جس کا مطلب یہ ہے کہ آپ صلی اللہ علیہ و سلم ہی کی نبوت پر تمام انبیاء علیہم السلام کی نبوت ختم اور منتہی ہوئی ہے اور جس طرح آپ صلی اللہ علیہ و سلم زمانہ کے اعتبار سے خاتم النبیین ہیں اسی طرح ذات کے اعتبار سے بھی خاتم النبیین ہیں کیونکہ ہر بالعرض شے بالذات شے پر ختم ہوجاتی ہے، اس سے آگے سلسلہ نہیں چلتا۔ چونکہ آپ صلی اللہ علیہ وسلم کی نبوت بالذات ہےاور باقی تمام انبیاء علیہم السلام کی نبوت بالعرض ہے اس لیے کہ سارے انبیاء علیہم السلام کی نبوت آپ صلی اللہ علیہ وسلم کی نبوت کی وجہ سے ہے اور آپ صلی اللہ علیہ وسلم ہی فردِ اکمل، یکتا، دائرہ رسالت و نبوت کے مرکز اور عقد نبوت کے واسطہ ہیں تو آپ علیہ السلام ذات اور زمانہ دونوں اعتبار سے خاتم النبیین ہوئے۔ آپ صلی اللہ علیہ وسلم کی خاتمیت صرف زمانہ کے اعتبار سے نہیں ہے اس لیے کہ یہ کوئی بڑی فضیلت اور زیادہ اعزاز کی بات نہیں کہ آپ علیہ السلام کا زمانہ تمام انبیاء سابقین علیہم السلام کے زمانہ کے بعد ہے بلکہ کامل سرداری و بلندی مقام اور انتہاء درجہ کی عظمت و فضیلت اسی وقت ثابت ہو گی جب آپ صلی اللہ علیہ و سلم کی خاتمیت ذات اور زمانہ دونوں اعتبار سے ہو ورنہ محض زمانہ کے اعتبار سے خاتم الانبیاء ہونے سے نہ تو آپ صلی اللہ علیہ و سلم کی سیادت و رفعت کمال کو پہنچے گی اور نہ ہی آپ صلی اللہ علیہ و سلم کو جامعیت و فضیلت کلی حاصل ہو گی۔ </div>
<div class="reference"> (المہند علی لمفند: ص71، 72)</div>