جیسے ہی میری نظر اخبار پر پڑی تو میرے ہاتھوں کے طوطے اڑگئے بہت بڑا حادثہ یعنی میرا میٹرک کارزلٹ اور میں۸۵۰ میں سے صرف ۲۷۰ نمبر حاصل کرسکا یوں تومیرے نمبر کچھ اتنے کم نہیں تھے لیکن میرے ذہن میں اباجی کا'' مبارک قبول ہو''گھوم رہا تھا کہ اگر اس بار تمہارے ۵۱۰ سے کم نمبر آئے تو وہ حشر کرونگاکہ رہتی دنیا تک تمہارا تذکرہ کیا جائے گا۔

یوں تو مجھے شہرت کرانے کا بہت شوق تھا لیکن ڈرتھا اس بات کا کہ اباجی مجھے دوبارہ نہ امتحان دلوادیں یوں میں دوسری بارامتحان دے رہا تھا پچھلی بار توپھربھی نمبر ۳۲۰ آگئے تھے اب توکم بخت اور بھی کم آگئے نجانے کیا دشمنی تھی ان نمبروں کی؟؟

ہمارے پڑوس میں ایک شخص رہتے تھے جو مالی طور پر درمیانے طبقے سے تعلق رکھتے تھے ان کے گھر میں ان کے ساتھ ان کے والد صاحب بھی رہا کرتے تھے جو بڑی عمر کے تھے وقت گزرنے کے ساتھ یہ شخص امیر ہوگیا چنانچہ اپنے لئے ایک جدید طرز کا مکان بنوایا۔ اس شخص کی بیوی اپنے سسر سے موافقت نہیں رکھتی تھی۔وہ ان کوا پنے اوپر بوجھ سمجھتی تھی جب انہوں نے اپنے گھر میں قالین بچھائے اور اسے ہر نئی خوبصورت چیزوں سےمزین کرلیا تو بیوی نے اپنے شوہر سے کہا اگر آپ اپنے والد کو چھت والے کمر ےمیں لے جائیں تو ہم ان کا کھاناوہیں پہنچا دیں گے اب وہ بوڑھے ہو گئے ہیں اور انہیں کچھ پتہ نہیں چلتا

معمول کے مطابق آج پھر وہ چاند اور اس کی دور دور تک پھیلی چاندنی کو بڑے غور سے دیکھ رہا تھا اسے چانداور اس کی چاندنی سے حد سے زیادہ محبت تھی کیونکہ بچپن سے ہی اس کے دل میں ایک خواہش نے ڈیرا ڈالا ہواتھا کہ اے کاش میں چاند ہوتاتو میں ستاروں سےباتیں کرتا چاندنی سے لوگوں کے دلوں کو روشن کرتا مگر پھر وہ یہ سوچ کر اداس ہوجاتاکہ چاند تو آسمانوں پر ہوتاہے اور میں زمین پر ہوں پھر میں چاند کیسے بن سکتاہو؟ مگر پھر اس کے معصوم دل سے آواز آئی کہ خدا کے در سے مایوس نہیں ہوتے پھر وہ یہ سوچ کر سوجاتاکہ انشاء اللہ اک روز وہ چاند ضرور بنے گا۔

جب وہ اپنے معصوم جذبات کو دوستوں اور گھر والوں کے سامنے رکھتا تو دوست اس کا مذاق اڑاتے کہ بھلا انسان بھی کبھی چاند ہوتا ہے انسان تو صرف انسان ہوتا ہے

ہالی وڈ میں ایک فلم انڈی تھری بنائی گئی جس پر ایک خطیر رقم صرف ہوئی جس کا اندازہ اس بات سے لگایا جاسکتا ہے کہ اس کا ایک دس منٹ کا سین جس میں ایک اداکارکو ایک ٹینک پر سوا ر دکھایا گیا ہے تقریبا دوہفتوں میں مکمل ہوا جبکہ اس منظر کو فلما نے پر دو لاکھ ڈالر روزانہ کا خرچ آیا ہے یعنی کل خرچ ۲۸ لاکھ ڈالر۔

اس فلم کی عکس بندی تین براعظموں کے چھ ممالک اور امریکہ کی چھ ریاستوں میں ہوئی اس فلم کے لئے تقریبا چھ ہزار چوہے اور ایک ہزار مشینی روبوٹس استعمال کئے گئے ہیں دوسرے اداکاروں میں ایک ہزار سانپ ایک عدد شیر پانچ مگر مچھ دو کچھوے جن کا وزن تین سو پونڈ ہے پچپن گھوڑے اور پانچ اونٹ شامل ہیں جبکہ ا س فلم میں دو ہزار ایکٹرز نے کام کیا ہے

ایک روز ایک صاحب جو شاہ جی کے ملنے والوں میں سےتھے اور کچھ لوگوں کی زیادتیوں کا شکوہ کرنے لگے شاہ جی نے کہا کہ میاں اسلام نے اس ضمن میں ایک دستور دیا ہے جو بہت ہی حقیقت پسندانہ ہے کہ اگر کوئی زیادتی کرے تو جوابا تمہیں حق ہے کہ اس کے برابر بدلہ لو، لیکن اگر معاف کردو تو اس کا اجر اللہ دیتا ہے اور اگر زیادتی کا جواب حسن سلوک سے دو تو دشمنی کو اللہ پاک اپنے کرم سے دوستی میں بدل دیتے ہیں لیکن ایسا صرف صاحب نصیب ہی کرتے ہیں بدلہ لینے کی ہمت وطاقت ہو پھر در گزر سے کام لیا جائے تو صاحب ہمت ہونے کی علامت ہے