محبت مصطفی …یا …خواہش پرستی

اللہ تعالیٰ نے انسانیت کو کروڑہا نعمتوں سے نوازا کر فرمایاوان تعدوانعمۃ اللہ لا تحصوھا اگر تم اللہ تعالی کی نعمتوں کا شمار کرنا بھی چاہو تو تم شمار نہیں کرسکتے۔ لیکن ان تمام نعمتوں کو عطا فرمانے کے بعد کہیں بھی اللہ تعالی نے احسان نہیں جتلایا سوائے ایک نعمت کے۔ جہاں اللہ تعالی نے بطور انعام و احسان کے فرمایا:لقد من اللہ علی المومنین اذ بعث فیھم رسولا من انفسہم۔ اللہ تعالی نے جو انعامات کی رجم جھم بارش برسائی ہے ان میں سب سے بڑاانعام ایمان ہے اور ایمان ہمیں ملاہے احمد مجتبی محمد مصطفی صلی اللہ علیہ وسلم کے صدقے اور ان کے وسیلے سے بلکہ بجا طور پر کہا جاسکتا ہے کہ انسان کو ہرنعمت ملی ہے زندگی کے بعد اور زندگی موقوف ہے رسول اللہ صلی اللہ علیہ وسلم کے وجودمسعود پر۔اس لیے یہ ایک حقیقت ہے کہ اگر مقصود کائنات کو وجود مبارک عطانہ کیا جاتاتو یہ ہر چیز بے رنگ ہوتی ؛ ملائکہ کی عظمت، انسانیت کو شعور، افلاک کو بلندی، زمین کو وسعت، پہاڑوں کو تصلب، دریائوں کو روانی، موجوں کو طوفانی، پرند وں کو چہک، پھولوں کو مہک، مرغزاروں میں کھل کھلاتا ہواحسن۔ الغرض عالم رنگ وبو کی ہر شے آپ کے صدقے سے ملی۔

حصول نعمت کے بعدمرحلہ آتا ہے شکر کی ادائیگی کا۔شکر کی ادائیگی بھی حکم خداوندی ہے چنانچہ ارشاد فرمایا واشکروا لی ولا تکفرونمیری نعمت کاشکر ادا کرو اور نا شکری نہ کرو۔

لیکن………

نعمت کاشکرادا کیسے کیا جائے؟؟

اس میں پھر دوطریقے رائج ہیں ایک ہے اتباع سنت والا اور ایک ہے خواہش والا لیکن جو اللہ تعالی اور اس کے رسول صلی اللہ علیہ وسلم کو پسند ہے وہ اتباع سنت والا طریقہ ہے یعنی اپنے عمل سے اپنے کردار سے اس نعمت بے بہا کا شکر ادا کیا جائے اور انسان ساری زندگی اس پیغمر کی ارشاد فرمودہ تعلیمات کے مطابق بسر کرے اس طرح نعمت کا شکر ادا کیا جانا چاہیے

لیکن بد قسمتی ……

یہ ہے کہ آج اتباع سنت والے طریقے سے منہ موڑا جارہا ہے اور خواہش پرستی کے منہ زور ریلے میں مسلم قوم بہتی چلی جا رہی ہے اور بہت کم ایسے افراد ہیں جو اصل طریقہ شکر کی طرف توجہ کرتے ہوں۔

ماہ ربیع الاول یقیناخوشی کا مہینہ ہے اور ہر مسلمان کا دل اس ماہ میں شاد شاد ہوتا ہے لیکن اس میں چند ایسے کام بھی رواج پارہے ہیں جن کو ثواب سمجھ کر کیا جاتا ہے حالانکہ شریعت اسلامیہ کی رو سے وہ امور بدعت کے زمرے میں آتے ہیں جن سے مکمل اجتناب کرنا چاہیے ہاں اس ماہ میں صرف حضور صلی اللہ علیہ وسلم کی شان بیان کی جائے ان کے اسوہ کے مطابق اپنی عملی زندگی گزاری جائے تو اس کا کون منکر ہوسکتا ہے لیکن خوشی کی آڑ میں شریعت کی حدود کو کراس کرنا اور اولیاء اللہ کے تقدس کو پامال کرنا اورجلوس نکال کر جھنڈیاں لہرانا وغیرہ آپ ہی بتائیے کون سی انصاف کی بات ہے؟؟؟

اس ضمن میں جناب غلام رسول سعیدی بریلوی لکھتے ہیں:

’’ کہ ہم دیکھتے ہیں کہ بعض شہروں میں عید میلاد النبی صلی اللہ علیہ وسلم کے جلوس کے تقدس کو بالکل پامال کر دیا گیا۔جلوس راستوں سے گزرتاہے اور مکانوں کی کھڑکیوں او ربالکونیوں سے نوجوان لڑکیاں اور عورتیں شرکائے جلوس پر پھول وغیرہ پھینکتی ہیں۔ اوباش نوجوان فحش حرکتیں کرتے ہیں جلوس میں مختلف گاڑیوں پرفلمی گانوں کی ریکارڈنگ ہوتی ہے اور نوجوان لڑکے فلمی گانوں کی دھنوں پر ناچتے ہیں اور نماز کے اوقات میں جلوس چلتارہتاہے اس قسم کے جلوس چلتا رہتا ہے اس قسم کے جلوس؛ میلاد النبی صلی اللہ علیہ وسلم کے تقدس پر بدنما داغ ہیں ان کی اگر اصلاح نہ ہوسکے توفوراًبند کر دینا چاہیے کیونکہ امرمستحسن کے نام پر ان محرمات کے ارتکاب کی شریعت میں کوئی اصل نہیں۔ ‘‘

پہاڑیوں کا آنکھوں دیکھاحال:۔