2050ء کاتصوراتی پاکستان

User Rating: 5 / 5

Star ActiveStar ActiveStar ActiveStar ActiveStar Active
 

">2050ء کاتصوراتی پاکستان

محمد نعیم اللہ
امریکہ میں ای۔بی۔ایم کے دو ذہین افراد کے درمیان چیت
جوزف : ہیلو مارک۔ کل تم آفس نہیں آئے تھے ؟ خیریت؟
مارک: ہاں یار۔ میں پاکستانی ایمبیسی گیا تھا۔ ویزہ لینے۔
جوزف : واقعی ؟ پھر کیا ہوا ؟ میں نے سنا ہے آج کل انہوں نے بہت سختیاں کردی ہیں
مارک : ہاں۔ لیکن میں نے پھر بھی کسی نہ کسی طرح لے ہی لیا۔
جوزف: بہت اچھے یار۔ مبارک ہو۔ یہ بتاؤ کہ ویزہ پراسیس میں کتنا وقت لگا ؟
مارک : بس کچھ مت پوچھ!تقریباً مہینہ بھر لگ گیا پہلی بار جب میں پاکستان ایمبیسی گیا تھاتو صبح 4:30 پر وہاں پہنچا مجھ سےپہلے 10 لوگ کھڑے تھے لمبی قطار اور ہاں مجھ سے کچھ آگے بل گیٹ بھی اپنا پاسپورٹ اور بینک سٹیٹمنٹ ہاتھ میں لیا لائن میں کھڑا تھا۔
جوزف : اچھا۔ بل گیٹ کو ویزہ مل گیا۔
مارک : نہیں۔ انہوں نے خطرہ ظاہر کیا ہے کہ بل گیٹ پاکستان جانے کے بعد وہاں سلپ ہوجائے گا اور امریکہ واپس نہیں آئے گا۔
جوزف : یار۔ پاکستانی ایمبیسی کو ایسا نہیں کرنا چاہیئے۔ اسلام آباد میں ہماری امریکن ایمبیسی تو پاکستانیوں کو ایک گھنٹے میں ویزہ دے دیتی ہے۔ پھر یہ کیوں ایسا کرتے ہیں ؟
مارک : ارے یار۔ تمہیں تو پتہ ہے پاکستان اس وقت دنیا کی سپر پاور ہے۔ اس کا ویزہ لینا گویا مریخ کا ویزہ لینے کے برابر ہے اور پھر قصور ہمارا امریکیوں کا بھی ہے۔ ہم بھی وہاں وزٹ ویزہ پر جاکر واپس نہیں آتے نا۔
جوزف : اچھا یہ بتاؤ۔ تمہیں ویزہ کیسے مل گیا ؟
مارک : میں نے وہاں کی مشہور فرم ”پھالیہ شوگر ملز لمٹیڈ “سے بزنس وزٹ کا انویٹیشن منگوایا تھا۔ بس اسی بنیاد پر کام بن گیا۔
جوزف : ایک بار پھر مبارک ہو۔ یہ بتاؤ کب جا رہے ہو پاکستان ؟
مارک : جیسے ہی ٹکٹ ملا، دراصل میں نے دنیا کی مشہور ترین اور اعلیٰ کلاس کی ائیر لائن میں ٹکٹ کے لیے درخواست دی ہے،بچپن سے خواب تھا کسی دن پاکستان انٹر نیشنل ایر لائنز PIA میں سفر کر سکوں، ٹکٹ مل گیا تو میرا دیرینہ خواب پورا ہوجائے گا۔
جوزف : پاکستان میں کتنا عرصہ رکو گے ؟
مارک : کتنا عرصہ ؟ کیا مطلب ؟ مجھے کسی پاگل کتے نے کاٹا ہے جو پاکستان چھوڑ کر واپس امریکہ آنے کی سوچوں گا۔ حقیقت یہ ہے کہ میں نے انٹرنیٹ پر چیٹ کے ذریعے پاکستان کے دوسرے بڑے شہر لاہورکےمضافات میں ایک صحت افزا مقام ”کامونکی“ ہے وہاں میری منگیتر ہے اس سے رشتے کی بات چل رہی ہے۔ میں اس سے شادی کرکے گرین پاسپورٹ اپلائی کردوں گا اور وہیں سیٹ ہوجاؤں گا۔
جوزف : یار تم بہت خوش قسمت ہو۔ لیکن تمہارے ماں باپ کا کیا ہوگا؟
مارک : پاکستانی گرین پاسپورٹ مل جانے کے بعد میں ماما-پاپا کو بھی وہیں بلا لوں گا۔
جوزف : کس شہر میں رہنا پسند کرو گے ؟
مارک : میری منگتر نے مجھے کہا ہے کہ پنجاب سٹیٹ صحت و صفائی کے اعلیٰ معیار کی وجہ سے ویسے تو دنیا میں پہلے نمبر پر ہے۔ لیکن ہم کراچی سیٹل ہوں گے۔ وہاں آپرچیونٹیز بہت ہیں۔ پتہ ہے نا ؟ کراچی اس وقت دنیا میں ٹریڈ اور ٹیکنالوجی کے لحاظ سے اول نمبر کا شہر ہے اور وہاں کا 660 منزلہ حبیب بنک پلازہ دیکھنا بھی میری زندگی کی بہت بڑی خواہش ہے۔ سنا ہے اس کی اوپرکی 200 منزلیں بادلوں میں ڈھکی رہتی ہیں۔واؤؤؤ واٹ آ ڈریم یار۔
جوزف : اچھا یہ بتاؤ اپنے ساتھ کتنے ڈالرز لے کر جاؤ گے ؟
مارک : ڈالرز ؟ وہاں کون پوچھتا ہے۔ تمہیں پتہ ہے ایک پاک-روپے کے مقابلے میں آج کل 210 ڈالرز بنتے ہیں۔ یعنی میری اگر وہاں 10 ہزار پاکستانی بھی تنخواہ نکل آئی تو امریکہ میں چند مہینوں میں لاکھوں پتی بن جاؤں گا۔
جوزف : میں نے سنا ہے پاکستان کا لائف سٹینڈرڈ بہت اعلیٰ ہے۔
مارک : ہاں۔ ایسے ہی ہے۔ وہاں پر BMW لکژری کار 25 ہزار پاک روپے میں ، جبکہ مرسٹڈیز 32 ہزار میں مل جاتی ہے۔ لیکن میں تو سوزوکی یا چنگ چی لوں گا۔ خالصتاً پاکستانی میڈ آٹوز ہیں۔ کچھ مہنگی ہیں لیکن بہت اعلیٰ کلاس کی ہیں۔
البتہ کراچی میں فلیٹ بہت مہنگے ہیں اور کوئی بھی بلڈنگ 100 فلور سے کم تو ہے ہی نہیں۔ انسان ہر وقت خود کو فضاؤں میں اڑتا محسوس کرتا ہے۔
جوزف : اچھا یہ بتاؤ کہ وہاں کام کیا کرو گے؟
مارک : میں نے معلومات کی ہیں۔ وہاں پر آئی-ٹی میں بہت سکوپ ہے۔ لیکن تم تو جانتے ہو وہ ہمارے ملک کے تعلیمی معیار کو اپنے برابر نہیں سمجھتے اس لیے مجھے شروع میں وہاں کسی کسان کے ' گدھے' وغیرہ نہلانے پڑیں گے۔ یا پھر ہوسکتا ہے کسی مشہور پارک کے دروازے پر 'جوتے پالش ' کا کھوکھا ہی کھول لوں۔ کچھ نہ ہوا تو ٹیکسی کا لائسنس کرلوں گا۔ امریکہ سے تو پھر بھی کئی گنا بہتر کما لوں گا۔ اورہاں اگر میں وہاں کا گرین پاسپورٹ ہولڈر ہوگیا تو پھر ساری زندگی حکومت مجھے بےروزگاری الاؤنس اور میڈیکل سہولیات فری فراہم کرے گی اور گرین پاسپورٹ کی بنا پر مجھے دنیا کے 80 فیصد ممالک میں بغیر ویزے کے وزٹ کرنے کی سہولت مل جائے گی۔
جوزف : بہت خوب۔ یہ بتاؤ۔ تمہیں ان کی زبان کیسے آئے گی ؟
مارک : اوہ بھائی۔ میں پچھلے 10 سال سے اردو لینگوئج سیکھ رہا ہوں۔ کالج میں آپشنل سبجیکٹ بھی اردو ہی لیا تھا اور ہاں میں نے TOUFL بھی A گریڈ میں پاس کیا ہے۔
جوزف : یہ TOUFL کیا ہے ؟
مارک: Test Of Urdu as a Foreign Language
جوزف : بہت خوش قسمت ہو یار ،کاش میں تمہاری جگہ ہوتا! وہاں پر ٹرین سسٹم بہت اچھا ہے؟
مارک : ہاں! کراچی سے لاہور اور وہاں سے پشاور اور کوئٹہ کے لیے دنیا کی تیز ترین اور آرام دہ ترین ٹرین ”تیز گام“ چلتی ہے۔ اس میں سفر کا بھی اپنا ہی مزہ ہے۔
جوزف : سنا ہے ہمارا صدر اگلے مہینہ امداد لینے پاکستان بھی جائے گا ؟
مارک : ہاں۔ ایسا ہی ہے۔ اور قرضے بھی ری-شیڈول کروانے ہیں۔
جوزف : ہمارا پرائمری سکول کا کلاس فیلو”پیٹر“ وہ بھی تو کہیں پاکستان میں سیٹ ہے؟
مارک : ہاں! وہ کوئٹہ کے قریب وادی” پوستان“ میں سیٹ ہے۔ کھیت سے پوست اکٹھی کرنے کا کام کرتاہے ایک سیزن میں اتنا کما لیتا ہے کہ باقی 6 ماہ بیٹھ کر کھاتا رہتا ہے۔
جوزف : یار میں بھی پاکستانی ویزہ کے لیے اپلائی کرنا چاہتا ہوں مجھے کچھ انسٹرکشن تو دو ؟
مارک : پاکستانی ایمبیسی میں ہمیشہ شلوار قمیض پہن کر جانا وہ لوگ اپنے قومی لباس کو بہت اہمیت دیتے ہیں اور کوشش کرنا کہ ویزہ کی درخواست انگریزی کی بجائے اردو میں پُر کرنا۔ اس سے بھی اچھا تاثر ملے گا۔
اور ایمبیسی میں داخل ہوتے ہی 'السلام علیکم۔ جناب کیا حال ہے ؟' کہنا مت بھولنا۔
اس سے پتہ چلے گا کہ آپ کتنے مہذب ہو۔
جوزف : تھینک یو یار۔
مارک : تھینک یو نہیں شکریہ۔ اب میں پاکستانی ویزہ ہولڈر ہوں۔ مجھے شکریہ کہنے میں فخر ہے۔ خدا حافظ