تاریخ کے اتاہ سمندر میں جہاں ہر طرف تاریکی ہے ظلمت ہے وحشت بربریت اور خوف کی لہریں گاہ بگاہ اٹھتی نظر آتی ہیں ،ابن آدم کا سفینہ حیات شیطنت کے طوفان بلاخیز میں ہچکولے کھاتا دکھائی دیتا ہےانسان اپنے ہی ابنائے جنس کی زیادتیوں کا شکار ہے۔ کہیں فرعونیت اپنی رعایا کے جنازوں پر اپنےتخت شاہی کے پائے نصب کر رہی ہے توکہیں نمرودیت انسان کی سب سے بڑی امانت توحید کی آواز کو دبانے کے لئے آگ کا دریا جاری کرتی ہے۔ کہیں نوح ؑ کی نبوت فافسق وفاجر عوام کی نگاہ تمسخر کا نشانہ بنتی ہے تو کہیں اجالوں کے دشمن ابن مریم ؑ کے لئے تختہ دارکا نسخہ تجویز کرتے ہیں۔ صفحہ دہر پر ان سیاہ کاریوں کے ساتھ ساتھ انقلابات عالم کی جزوی تاریخیں بھی ملتی ہیں جو مختلف

حضرت عبداللہ بن مسعود رضی اللہ عنہ اُن خوش قسمت لوگوں میں سے ہیں جن کا شمار السابقون الاولون میں ہوتاہے اور ان کو یہ سعادت بھی حاصل ہے کہ آپ اُن چھ لوگوں میں سے ایک ہیں جو آپ صلی اللہ علیہ وسلم کے دارارقم میں داخل ہونے سے پہلے ایمان لاچکے تھے ، یہ سعادت بھی انہی کو حاصل ہے کہ آپ کاشمار عبادلہ اربعہ میں سے ہیں جن کا قرآن کریم اور حدیث رسول کی خدمات کے حوالے سے ایک خاص مقام ہے یہ وہ جلیل القدر صحابی رضی اللہ عنہ وہ ہیں جن کو افقہ الصحابہ کے نام سے تاریخ اسلام کے اندر رہتی دنیا تک یاد رکھا جائے گا،علم وفضل کی گہرائی اور فقہ پر دسترس کا یہ عالم تھا کہ اگر نبی اکرم صلی اللہ علیہ وسلم کے دور کے فقہی صحابہ کرام رضوان اللہ علیہم اجمعین کی ایک مختصر فہرست بھی بنائی جائے تو حضرت عبداللہ بن مسعود رضی اللہ عنہ کو کسی بھی صورت میں فراموش نہیں کیا جا سکتا۔

حضرت عبداللہ بن مسعود رضی اللہ عنہ فرماتے ہیں:

قسطوں پر خریدوفروخت کا مطلب ہوتا ہے کہ سامان پر قبضہ تو فوراً ہوجائے لیکن سامان کی پوری یا بعض قیمت کی ادائیگی چند متعین قسطوں پر کی جائے، جن کی ادائیگی کا وقت اور رقم طے کرلی جائے۔صحیح بخاری (۲۰۶۸) اور صحیح مسلم (۱۶۰۳) کی حدیث میں ہے کہ حضرت عائشہ رضی اللہ عنہا فرماتی ہیں کہ حضور اکرم ﷺ نے ایک یہودی سے اپنی زرہ رہن میں رکھ کر جو (Barley) ادھار خریدے۔یہ حدیث دلالت کررہی ہے کہ قیمت کی ادائیگی کو مؤخر کرکے یعنی ادھار خرید وفروخت کرنا جائز ہے۔ قسطوں پر کوئی سامان خرید نے کے لئے بھی قیمت کی ادائیگی مؤخر کی جاتی ہے، جس میں یہ طے کیا جاتا ہے کہ مستقبل میں قیمت کی ادائیگی کس طرح ادا کی جائے گی۔

شریعتِ غَرَّاء میں اَحادیثِ رسول اللہ صلی اللہ علیہ وسلم کو مصدر ثانی کی اساسی حیثیت حاصل ہے،جس میں نقب زنی سے حفاظت کا انتظام عہد رسالت کی ابتداء ہی سے کر دیا گیا تھا،اور یہ صیانت و حفاظت آپ صلی اللہ علیہ وسلم کے اس فرمان کا نتیجہ تھی:

ترجمہ:’’جس نے مجھ پر جھوٹ بولا، وہ اپنا ٹھکانہ جہنم میں بنا لے‘‘۔

جاں نثار صحابہ رضی اللہ عنہم آپ صلّی اﷲ علیہ وسلّم کے اس ارشاد سے ہر دَم خوفزدہ رہتے تھے،اور آپ صلّی اﷲ علیہ وسلّم کا یہ دستور، ہمہ وقت اُن کی نگاہوں کے سامنے رہتا تھا،صحابہ رضوان اللہ علیہم اجمعین کی اسی کیفیت کوعلامہ جلال الدین سیوطی رحمہ اللہ نے اِن لفظوں میں بیان کیا ہے :

ہندوستان میں جدید مسائل کے شرعی حل کیلئے سرگرم معروف ادارہ اسلامک فقہ اکیڈمی (انڈیا )کاپچیسواں انٹرنیشنل فقہی سمینار5 تا 7فروری 2016ء بمقام بدر پور آسام میں منعقدکیاگیا۔اس عالمی سمینار میں دارالعلوم دیوبند کے محدث وفقہ اکیڈمی کے صدر مولانا نعمت اللہ اعظمی، دارالعلوم ندوہ لکھنو کے مہتمم ڈاکٹر سعیدالرحمن اعظمی،فقہ اکیڈمی کے جنرل سکریٹری مولاناخالدسیف اللہ رحمانی،مفتی عبیداللہ اسعدی (باندہ)، مولانا عتیق احمد بستوی(لکھنؤ)، امیرشریعت کرناٹک مفتی اشرف علی باقوی،مدرسہ صولتیہ مکہ مکرمہ کے مہتمم مولانا حشیم ،دارالعلوم زاہدان (ایران) کے مولانا محمد قاسم ،جمعیت علماء (ساؤتھ افریقہ) کے مولانا اشرف دوکرات ، جمعیت علماء ہند کے مولانا رحمت اللہ کشمیری،امیرشریعت آسام مولانا طیب الرحمن،جامعہ علوم القرآن جمبوسرکے ناظم مفتی احمد دیولا،مسلم یونیورسٹی علی گڑھ کے ڈاکٹر زاہد علی خان، مفتی ثناء الہدی قاسمی امارت شرعیہ بہار اور مولانا بدرالدین اجمل قاسمی (ایم پی)سمیت دنیا بھر کے تین سوسے زائد اسلامی اسکالرس ومفتیان کرام شریک ہوئے۔

آزادی کی حقیقی روح دراصل نبی آخر الزمان حضرت محمد مصطفیٰ صلی اللہ علیہ وسلم کی غلامی کا نام ہے۔ اسی غلامی میں سب کچھ ملتا ہے ، یہانتک کہ محبت الہیہ بھی اسے گلے لگا لیتی ہے۔ جس کی بدولت دنیا و آخرت دونوں سنور جاتی ہیں۔

جب تک محمد صلی اللہ علیہ وسلم کی غلامی کا تمغہ ہمارے سینے پر سجا رہے گا اس وقت تک تہذیبوں کے طوفان ہمارا کچھ نہیں بگاڑ سکتے۔ خدا نہ کرے اگر مسلم قوم نے لیلائے غلامی محمد کے رخ حسین تر سے رخ پھیر لیا تو محبت الہی؛ قہر الہی کا روپ دھار لے گی۔ اور پھر دنیا وآخرت کی فوز و فلاح کو خس و خاشاک کی طرح بہا کر لے جائے گی۔

غلامی محمد کا تذکرہ جب بھی زبان و قلم سے کیا جائے گا تو اولیاء اللہ ، علمائے ربانین ، مشائخ طریقت اور فرزندان اسلام کی گرانقدر خدمات کو ضرور ذکر کیا جائے گا۔ جن ناخداؤں نے ہر دور میں غیر اسلامی افکار و نظریات اور تہذیبوں کی منہ زور لہروں سے ناؤ اسلام کو تحفظ بخشا۔ بالخصوص پچھلی صدی عیسوی میں جب باطل افکار ، غلط نظریات اور فرسودہ اور غیر اخلاقی تہذیبوں کے بھنور میں ناؤ اسلام ہچکولے لے رہی تھی قریب تھا

مرکز اہل السنۃ والجماعۃ سرگودھا میں معزز مہمانان گرامی کی آمد اور متکلم اسلام مولانا محمد الیاس گھمن حفظہ اللہ کےاندرون و بیرون ممالک کے مختلف مسلکی اسفار

اہم مذہبی ، سیاسی اور سماجی شخصیات سے خصوصی ملاقاتیں

3 مارچ بروز جمعرات ماہانہ تین روزہ تحقیق المسائل کورس منعقد ہوا۔ جس میں مختلف شعبہ ہائے زندگی سے تعلق رکھنے والے افراد شریک ہوئے۔

3مارچ بروز جمعرات کو مرکز اہل السنت والجماعت میں ماہانہ اصلاحی و خانقاہی اجتماع ہوا۔ جس میں متکلم اسلام مولانا محمد الیاس گھمن نے بیان کیا بعد ازاں مجلس ذکر بھی کرائی اور چاروں سلاسل میں کثیر افراد کو بیعت بھی فرمایا۔

6 مارچ بروز اتوار مرکز اہل السنت والجماعت میں سالانہ عوامی اجتماع ہوا جس میں ملک بھر سے عوام و خواص نے بھر پور شرکت کی۔

6 مارچ اتوارصبح 9 بجے مرکز اہل السنت والجماعت میں ساتواں سالانہ اجتماع ہوا۔ اس موقع بطور خاص مولانا محمد الیاس گھمن، خواجہ عزیز احمدمرکزی رہنما عالمی مجلس تحفظ ختم نبوت ، مولانا محمد اکرم طوفانی ، مولاناارشد الحسینی اٹک، مفتی اویس عزیز اسلام آباد، مولانا محمد زکریا ٹیکسلا ،مولانا حبیب الرحمٰن کہروڑپکا، جلالی برادران ،عبدالرافع راکع اور امین برادران ودیگر نےسامعین سے اظہار خیال کیا۔

اجتماع سے خطاب کرتے ہوئے علماء نے کہا کہ اسلام ایسا دین ہے جس میں ہر دور کے مسائل کا حل موجود ہے۔ دنیا کے کونے کونے میں اسلام کے نظام امن کو عام کرنے کی ضرورت ہے۔ آج بعض لوگ بدقسمتی سے دینی احکام سے ناواقفیت کی بنا پر ماڈرن اسلام کا نعرہ لگاکر در حقیقت اسلام کی اساسیات کو کمزورکرنے مصروف ہیں اورفرنگی تہذیب وتمدن، مغربی کلچراورآزاد خیالی کی راہ ہموارکر رہے ہیں۔ ایسے حالات میں علماء کرام کو اپنی ذمہ داریاں پوری کرتے ہوئے بھر پور محنت کرنا ہوگی تاکہ غیر مسلم اقوام کو اسلام کی طرف لایا جائے اور مسلم قوم کا ایمان بچایا جائے۔

نماز جمعہ کا قیام شعائر اسلام میں سے ہے تاکہ اس کے ذریعے غیر مسلموں کے سامنے اسلام اور مسلمانوں کی شان وشوکت کا مظاہرہ ہو، اسی وجہ سے شریعت نے اس کو ایسے انداز سے قائم کرنے کا حکم دیا ہے کہ وہ عام نمازوں سے زیادہ شان وشوکت سے ادا کیا جائے تاکہ زیادہ سے زیادہ اسلام کی شان وشوکت کا مظاہرہ ہو اور اسی وجہ سے نماز جمعہ یا تو شہر اور فِناء شہر میں جائز ہے یا بڑے دیہاتوں اور قصبوں میں۔

فِناء شہر سے مراد وہ جگہ ہے جو شہر کے لوگوں کی ضروریات کے لیے بنائی گئی ہو وہ بھی شہر کا حصہ ہی ہوتی ہے۔ نماز جمعہ کا اصل محل تو شہر ہے چونکہ فِناء شہر اور بڑے دیہاتوں اور قصبوں میں بھی شہر کے اثرات پائے جاتے ہیں ،اس لیے فناء شہر اور بڑے دیہات میں بھی نماز جمعہ جائز ہے۔ چھوٹے دیہات جنگل اور صحراء میں چونکہ شہر کے اثرات نہیں پائے جاتے اس لیے ان میں نماز جمعہ قائم کرنا جائز نہیں ہے بلکہ ان لوگوں پر ظہر کی نماز فرض ہے اگر یہ لوگ جمعہ پڑھنا چاہیں گے تو ان کو جمعہ کی ادائیگی کے لیے شہروں یا بڑے دیہاتوں میں آنا پڑے گا۔

ایک ساتھی کے سوال کے جواب میں بندہ نے بتایا کہ حضرت عیسیٰ علیہ السلام کا نزول نمازِ فجر کے وقت ہو گا، اس سے اگلے دن اسی ساتھی کا فون آیا کہ بہشتی زیور میں تو لکھا ہوا ہے کہ نزولِ عیسیٰ عصر کے وقت ہو گا۔ اس پر بندہ کشمکش میں پڑ گیا کہ یہ کیا ہو گیا، اسی وقت بندہ نے کہا کہ اگر ایسا ہی ہے تو پھر یہی ٹھیک ہو گا، مجھے غلطی لگی ہو گی۔ پھر جب بہشتی زیور اٹھا کر دیکھا تو وہاں واقعتا یہی مذکور تھا ، تشویش اس بات پر تھی کہ میرے ذہن میں نمازِ فجر کے وقت کی تعیین کس بناء پر بیٹھی ہوئی ہے؟!

اسی جستجو میں مزید تلاش کی تو مفتی نظام الدین شامزئی صاحب رحمہ اللہ کی کتاب ’’عقیدہ ظہورِ مہدی‘‘ میں بھی یہی بات ملی، ان دونوں کتابوں میں حوالہ حضرت شاہ رفیع الدین صاحب رحمہ اللہ کے ایک رسالہ ’’قیامت نامہ‘‘ کا دیا گیا تھا، حضرت شاہ صاحب رحمہ اللہ کا وہ رسالہ تلاش کر کے اس میں بھی دیکھا تو وہاں علامہ برزنجی ؒ کی کتاب ’’الاشاعۃ‘‘کا حوالہ موجود تھا۔

اس پر مزید تحقیق کی تو راجح اور اصح قول نمازِ فجر کے وقت ہی حضرت عیسیٰ علیہ السلام کا نزول ہونا سامنے آیا،