اللہ سے مانگیے

قرآن کریم میں ہے:

ترجمہ: بے شک اللہ ہر کسی کی ہر بات سننے والا اور جاننے والا ہے۔

جس سے دعاء مانگی جا رہی ہو وہ اس کو سن بھی سکتا ہواور جانتا بھی ہو کہ کیا مانگا جا رہا ہے؟اور جو مانگا جا رہا ہے وہ دینا بھی ہے یا نہیں ؟ اس لیےایسی ذات سے دعاء مانگنے کا حکم ہے جو سنتی بھی اور جانتی بھی ہے ۔ سننے کے مفہوم میں بہت زیادہ وسعت ہے ہر کسی کی ہر وقت سنے اور علم کے مفہوم میں بھی بہت وسعت ہے کہ ہر کسی کی ہر زبان کی ہر بات کو جانے بلکہ اس میں بھی مزید وسعت ہے کہ وہ یہ بھی جانتا ہو کہ کسے ، کس وقت ،کیا اور کیسے دینا ہے ؟ اور کسے، کب ،کیا اور کون سی چیز نہیں دینی ؟ مذکورہ بالا آیات قرآنیہ کی روشنی میں یہ بات بخوبی سمجھ میں آتی ہے کہ ہمیں دعاء مانگنے کی ضرورت کیوں ہے ؟ اور یہ کہ دعاء کس سے مانگنی ہے ؟ صرف اللہ تعالیٰ ہی سے دعاء مانگنے کی کون سی وجوہات ہیں ؟

ان شاء اللہ آئندہ چند صفحات میں دعاء سے متعلقہ دیگر اہم امور پر بات ہوگی جس میں دعاء مانگنے کا حکم،کیفیت دعاء ، دعا ء کے درجات، دعاء کے اسباب، قبولیت دعاء کے اوقات،کن کی دعائیں قبول ہوتی ہیں اور کن کی نہیں؟ مختلف مواقع پر مانگی جانے والی مسنون دعائیں، دعا ءمیں کیا مانگ سکتے ہیں اور کیا نہیں؟اسی طرح خود مانگنا اور دوسروں سے دعاءکی درخواست کرنا، وسیلہ کے ساتھ دعاء کرنا اور بغیر وسیلہ کے مانگنا، انفرادی اور اجتماعی دعاء، کن مواقع پر ہاتھ اٹھا کر مانگی ہے کہاں نہیں ؟وغیرہ ۔