پہلا سبق

ترجمہ: چنانچہ آپ جب قرآن پڑھنے لگیں تو شیطان مردود سے اللہ کی پناہ مانگ لیا کریں۔

اس حکم پرعمل کرتے ہوئے تلاوت قرآن شروع کرتے وقت ”أَعُوْذُ بِاللہِ مِنَ الشَّیْطٰنِ الرَّجِیْمِ“ پڑھنا چاہیے۔

ترجمہ: حضرت ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم قرأت سے پہلے ”أَعُوْذُ بِاللہِ مِنَ الشَّیْطٰنِ الرَّجِیْمِ“ پڑھتے تھے۔

کوئی بھی چیز خودبخود وجود میں نہیں آتی بلکہ وہ کسی بنانے والے کی محتاج ہوتی ہے۔ اس لیے اس بات پر ایمان لانا ضروری ہے کہ یہ کائنات بھی خود بخود وجود میں نہیں آئی بلکہ اس کو بنانے والی بھی کوئی ذات موجود ہے اوروہ اللہ تعالیٰ کی ذات ہے۔

”نجاست“ ناپاکی اور گندگی کو کہتے ہیں۔

اس کی دو قسمیں ہیں:

1: نجاست حقیقیہ 2: نجاست حکمیہ

وہ نجاست جو نظر آنے والی ہو۔ جیسے شراب اور پاخانہ وغیرہ۔

وہ نجاست جونہ نظر آنے والی ہو۔ جیسے بے وضو ہونے کی حالت۔

اس کی دو قسمیں ہیں:

1: نجاست غلیظہ 2: نجاست خفیفہ

یہ وہ نجاست ہے جس کی ناپاکی زیادہ سخت ہو اور اس کی بہت تھوڑی مقدار معاف ہو۔مثلاًشراب، انسان کا پیشاب، پاخانہ، خون، منی نجس ہیں، مرغی اور مرغابی اوربطخ کی بیٹ بھی نجس ہے اور حرام جانوروں کا پیشاب بھی نجس ہے۔

حکم: نجاست غلیظہ بدن یا کپڑوں پر لگ جائے تو دیکھا جائے اگر ایک درہم )تقریبا ایک انچ قطر (کے برابر یا اس سے کم ہے تو معاف ہے۔ اگر ایک درہم سے زیادہ ہے تو معاف نہیں۔

یہ وہ نجاست ہے جس کی ناپاکی قدرے کم ہو اور اس کی زیادہ مقدار معاف ہو۔ مثلاًتمام حرام پرندوں کی بیٹ اورتمام حلال جانوروں کا پیشاب نجاست خفیفہ ہے۔

حکم: نجاست خفیفہ کپڑے یا بدن کے چوتھائی حصے کے برابر یا اس سے زیادہ لگی ہو تو معاف نہیں، اگر چوتھائی حصے سے کم ہو تو معاف ہے۔

نجاست حقیقیہ کو زائل کرنے کی دو شرطیں ہیں:

1: بدن یا لباس پرجہاں نجاست لگی ہو، اس جگہ سے نجاست اتار لیں۔

2: جہاں سے نجاست اتاری ہے اس جگہ کو اچھی طرح دھولیں۔

اشیاء چونکہ مختلف طرح کی ہوتی ہیں اس لیے اگر نجس ہو جائیں تو انہیں دھونے کے طریقے بھی مختلف ہیں۔ چنانچہ جو چیزیں نجاست چوس لیتی ہیں جیسے کپڑے وغیرہ تو ان کو دھونے میں دو کام کرنے ضروری ہیں:

1: نجاست کو اتار کر تین بار دھونا۔

2: ہر بار نچوڑنا۔

جو چیزیں نچوڑنے سے نہ نچڑیں جیسے قالین اور مٹی کے برتن وغیرہ تو ان کو پاک کرنے کا طریقہ یہ ہے کہ ان کو اچھی طرح تین بار دھوئیں اورجو چیزیں نجاست کو نہیں چوستیں ان کو مٹی وغیرہ سے رگڑ کر صاف کیا جا سکتا ہے۔مثلاً جوتا، چمڑا وغیرہ۔

ترجمہ: اے اللہ! میں تیرا ہی نام لے کر سوتی اور اٹھتی ہوں۔