چوتھا سبق

ترجمہ: (اے اللہ!) ہمیں سیدھے راستے پر چلا، ان لوگوں کے راستے پر جن پر تونے انعام کیا،نہ کہ ان لوگوں کے راستے پر جن پر غضب کیا گیا اور نہ ہی ان کے راستے پر جو گمراہ ہوئے۔

ترجمہ: حضرت وائل بن حجر رضی اللہ عنہ فرماتے ہیں کہ میں نے رسول اللہ صلی اللہ علیہ وسلم کے ساتھ نماز پڑھی۔ جب آپ صلی اللہ علیہ وسلم نے ﴿غَیْرِ الْمَغْضُوْبِ عَلَیْھِمْ وَلَاالضَّآلِّیْنَ﴾ پڑھا تو آپ صلی اللہ علیہ وسلم نے آہستہ آواز سے آمین کہا۔

اللہ تعالیٰ کا کلام سچا اور واقع کے مطابق ہے اور اس کے خلاف عقید ہ رکھنا بلکہ اللہ تعالیٰ کے کلام میں جھوٹ کا وہم رکھنا بھی کفر ہے۔

پانی کی دو قسمیں ہیں:

1: مطلق پانی 2: مقید پانی

یہ وہ پانی ہے کہ جب پانی کا لفظ بولا جائے تو فوراً وہی پانی ذہن میں آئے جیسے کنویں کا پانی وغیرہ۔

یہ وہ پانی ہے کہ جب پانی کا لفظ بولا جائے تو فوراً وہی پانی ذہن میں نہ آئے جیسے عرق گلاب وغیرہ۔ اس قسم کے پانی سے نجاست تو دور کی جاسکتی ہے لیکن وضو و غسل وغیرہ کرنا درست نہیں۔

اس کی چار قسمیں ہیں:

1: آسمان سے برسنے والا پانی

2: زمین سے نکلنے والا پانی

3: سمندر اور دریا کا پانی

4: برف سے پگھلنے والا پانی

حکم کے اعتبار سے مطلق پانی کی پانچ (5)قسمیں ہیں:

یہ وہ پانی ہے جو خود پاک ہو اور دوسروں کو بلاکراہت پاک کرنے والا ہو جیسے بارش، دریا، ندی، نالہ، سمندر، چشمہ، کنویں وغیره کا پانی۔ اس سے وضو اور غسل کرنا اور ہر طرح کی نجاست دور کرنا جائز ہے۔

یہ وہ پانی ہے جو خود پاک ہو مگر پہلی قسم کے پانی کے ہوتے ہوئے اس سے وضو اور غسل کرنا مکروه تنزیہی ہے، اگر وه پانی نہ ہو بلکہ صرف یہی پانی ہو تو اس سے طہارت حاصل کرنا مکروه نہیں۔ جیسے بلی کا جھوٹا پانی یا وه قلیل پانی جس میں آدمی کا تهوک یا ناک کی رینٹ مل گئی ہو۔

یہ وہ پانی ہے جو خود تو پاک ہو لیکن اس سے وضو یا غسل جائز نہیں جیسے مستعمل پانی۔ مستعمل پانی اس پانی کو کہتے ہیں جس سے طہارت حاصل کرنے کی نیت سے وضو یا غسل کیا گیا ہو یا ثواب کی نیت سے بدن پر استعمال کیا گیا ہو (یعنی اس سے وضو پر وضو کیا گیا ہو) لہٰذا اگر کوئی شخص محض وضو سکھانے کے لیے کسی کو وضو کر کے دکھائے تو یہ استعمال شدہ پانی؛ مستعمل نہیں کہلائے گا۔

یہ وہ پانی ہے جو خود تو پاک ہو لیکن اس کا مطہر یا غیر مطہر ہونا یقینی نہ ہو جیسے گدھے یا خچر کا جوٹھا۔اگر اس پانی کے علاوہ کوئی اور پانی موجود نہ ہو تو اسی سے وضو اور غسل کر لیں اور تیمم بھی کر لیں لیکن اگر اس کے علاوہ کوئی اور پانی موجود ہو تو اس سے طہارت حاصل کرنا مکروہ ہے ۔

یہ وہ پانی ہے جس میں کوئی ناپاک چیز شامل ہوجائے جیسے پانی میں شراب گر جائےیا کوئی اور نجاست گر جائے۔ اس پانی سے وضو اور غسل کرنا جائز نہیں اور ناپاک چیزیں بھی اس سے پاک نہیں ہوتیں۔

ترجمہ :اے اللہ! میں تیری بخشش کا سوال کرتی ہوں، تمام تعریفیں اس اللہ کے لیے ہیں جس نے مجھ سے تکلیف کو دور کرکے مجھے عافیت بخشی۔