تیرھواں سبق

ترجمہ: بے شک ہم نے آپ کو کوثر عطا کی ہے۔ لہذا اپنے رب کے لیے نماز پڑھیے اور قربانی کیجیے۔ بلاشبہ آپ کا دشمن ہی بے نام و نشان ہوگا۔

ترجمہ: حضرت رافع بن خدیج رضی اللہ عنہ سے روایت ہے، فرماتے ہیں کہ میں نے رسول اللہ صلی اللہ علیہ وسلم کو یہ فرماتے ہوئے سنا: نماز فجر کو خوب روشنی میں پڑھا کرو کیونکہ اس کا اجر بہت زیادہ ہے۔

ترجمہ: حضرت ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: نماز ظہر کو ٹھنڈا کرکے پڑھو کیونکہ گرمی کی شدت جہنم کے جوش مارنے کی وجہ سے ہے۔

ترجمہ: حضرت انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم گرمی کے موسم میں نماز ٹھنڈے وقت میں پڑھتے تھے اور سردی کے موسم میں جلدی ادا فرماتے تھے۔

ترجمہ: حضرت علی بن شیبان رضی اللہ عنہ فرماتے ہیں کہ ہم رسول اللہ صلی اللہ علیہ وسلم کے پاس مدینہ منورہ میں آئے۔ آپ صلی اللہ علیہ وسلم نمازِعصر کو سورج کے صاف اور چمکدار ہو نے تک مؤخر کیا کرتے تھے۔

کائنات کی تمام مخلوقات میں سب سے اعلیٰ مرتبہ اور مقام حضرات انبیاء علیہم السلام کا ہے اور انبیاء علیہم السلا م میں سے بعض بعض سے افضل ہیں اور حضور اکرم صلی اللہ علیہ وسلم تمام انبیاء سے اعلیٰ و افضل اورتمام انبیا ء علیہم السلام کے سردار ہیں۔

ہر نبی اپنے زمانے میں شریعت ِ مطہرہ کا سب سے بڑا عالم ہوتا ہےاور ہرنبی کو لوازم ِنبوت علوم سارے کے سارے عطا ہوتے ہیں اور حضور اکرم صلی اللہ علیہ وسلم چونکہ اوّلین و آخرین کے نبی ہیں اس لیے حضور اکرم صلی اللہ علیہ وسلم کو اوّلین و آخرین کے اور تمام مخلوقات سے زیادہ علوم عطا کیے گئے۔

صبح صادق سے لے کر طلوع شمس تک ہوتا ہے لیکن نماز پڑھنے کا مستحب وقت وہ ہے جب آسمان پر تھوڑی سی سفیدی ظاہر ہونے لگے۔

جب سورج دوپہر کے بعد ڈھلنا شروع ہو جائے تو اس وقت سے لے کر مثل ثانی (یعنی جب ہر چیز کاسایہ اس کے اصلی سایہ کے علاوہ دوگنا ہوجائے) تک ہوتاہے لیکن اس کا مستحب وقت یہ ہے کہ سردیوں میں نماز جلدی پڑھ لی جائے اورگرمیوں میں ٹھنڈا کرکے یعنی تاخیر سے پڑھی جائے۔

جب ظہر کا وقت ختم ہو جائے تو اس وقت سے لے کر غروبِ آفتاب تک ہوتا ہے لیکن اس کا مستحب وقت یہ ہے کہ اس کو بھی دیر سے پڑھا جائے البتہ اتنی دیر نہ ہو کہ سورج زرد ہونے لگے۔

مغرب کا وقت غروبِ آفتاب سے لے کرآسمان پر سرخی کے باقی رہنے تک ہے۔ البتہ اس وقت میں اگر کوئی آدمی نماز ادا نہ کر سکے تو جب تک آسمان پر سفیدی باقی رہے پڑھ لے لیکن اس کا مستحب وقت یہ ہے کہ مغرب کا وقت ہوتے ہی اسے ادا کر لیا جائے۔

جب آسمان سے سفیدی بالکل ختم ہو جائے تو اس وقت سے عشاء کی نماز کا وقت شروع ہو تا ہے اور صبح صادق تک باقی رہتا ہے البتہ اس کا مستحب وقت یہ ہے کہ پہلے دو گھنٹے چھوڑ کر پڑھی جائے۔

نوٹ: اوقات کے لیے مستند کیلنڈرز سے مدد لی جاسکتی ہے۔

کھانا شروع کرتے وقت یہ دعا پڑھیں:

اگر دعا پڑھنا بھو ل جائیں تو یہ دعا پڑھیں:

ترجمہ: کھانے کے شروع اور آخر میں اللہ تعالیٰ کا نام لیتا ہوں۔