اڑتیسواں سبق

ترجمہ: تم پر جہادفرض کیا گیا اور وہ تمہیں ناگوار ہے اور یہ ممکن ہے کہ تم کسی چیز کو ناگوار سمجھو حالانکہ وہ تمہارے حق میں بہتر ہو اور یہ بھی ممکن ہے کہ تم کسی چیز کو پسند کرو حالانکہ وہ تمہارے حق میں مضر ہو اور اللہ تعالیٰ ہی جانتا ہے اور تم نہیں جانتے۔

فائدہ: جہاد یعنی قتال فی سبیل اللہ مسلمانوں پر فرض ہے۔ چونکہ یہ فریضہ مشکل ہے اس لیے نفس کو طبعی طور پرگراں اوربھاری معلوم ہوتاہے مگر اللہ نے اس میں خیر ہی خیر رکھی ہے اوراللہ جانتا ہے تم نہیں جانتے کہ کس چیز میں خیر ہے اورکس میں شر۔ جہادفرض ہے اوراس کاانکاراورتوہین کرناکفر ہے۔

ترجمہ : حضرت عبداللہ بن عمروبن عاص رضی اللہ عنہما سے روایت ہے کہ رسول اللہ صلی اللہ علیہ وسلم نے ارشادفرمایا: قرض کے سوا شہید کے ہر گناہ کومعاف کردیا جاتاہے۔

دین اسلام کی سر بلندی کے لیے دشمنانِ اسلام سے مسلح جنگ کرنا اور اس میں خوب جان ومال خرچ کرنا ’’جہاد فی سبیل اللہ‘‘ کہلاتا ہے۔ دین اسلام کی سربلندی،دین کا تحفظ،دین کا نفا ذ، دین کی بقاء، مسلمانوں کی عزت وعظمت، شان وشوکت اورجان ومال کی حفاظت کا واحد ذریعہ’’ جہاد فی سبیل اللہ‘‘ ہے۔

اللہ تعالیٰ ارشاد فرماتے ہیں:

ترجمہ: بے شک اللہ نے ایمان والوں کی جان اور مال کو جنت کے بدلے میں خرید لیا ہے، وہ اللہ کے راستے میں لڑتے ہیں (مجرموں کو)قتل کرتے ہیں اور(خود) قتل ہوجاتے ہیں۔

مزید فرماتے ہیں:

ترجمہ: بے شک اللہ تعالیٰ ان لوگوں سے محبت کرتا ہے جو اللہ تعالیٰ کے راستے میں سیسہ پلائی دیوار بن کر لڑتے ہیں۔

حضور صلی اللہ علیہ وسلم کا ارشادہے:

ترجمہ: جو شخص تھوڑی دیر کے لیے بھی اللہ تعالیٰ کے راستے میں قتال کرتا ہے تو جنت اس کے لیے واجب ہو جاتی ہے۔

حضور صلی اللہ علیہ وسلم نے 27مرتبہ خود جہاد کا سفر کیا اور اللہ کے راستے میں لڑتے ہوئے شہید ہونے کی تمنا فرمائی ہے۔

جہاد کی دو قسمیں ہیں:

1: اقدامی جہاد 2: دفاعی جہاد

کافروں کے ملک میں جا کر کافروں سے لڑنا ”اقدامی جہاد“ کہلاتا ہے۔ اقدامی جہاد میں سب سے پہلے کافروں کو اسلام کی دعوت دی جاتی ہے۔ اگر وہ اسلام قبول نہ کریں تو ان سے جزیہ طلب کیا جاتاہے اور اگر وہ جزیہ دینے سے انکارکردیں تو پھر ان سے قتال کیا جاتا ہے۔ عام حالات میں جہاد اقدامی فرض کفایہ ہے اوراگر امیر المؤمنین نفیر عام( یعنی سب کو نکلنے) کا حکم دے تو اقدامی جہاد بھی فرض عین ہو جاتا ہے۔

اگر کافرمسلمانوں کے ملک پر حملہ کردیں تو ان مسلمانوں کا کافروں کے حملے کو روکنا ”دفاعی جہاد“ کہلاتا ہے۔ اگر وہ مسلمان ان کے روکنے کی طاقت نہ رکھتے ہوں اور اگر طاقت رکھتے ہوں مگر سستی کر تے ہوں تو ہمسایہ ممالک کے مسلمان ان کے حملے کو روکیں۔ جہاد دفاعی فرض عین ہے۔

جہاد کرنے سے پہلے جہاد کی تربیت حاصل کرنا بھی ضروری ہے۔ جہاد کی تربیت حاصل کرنا حضور اکرم صلی اللہ علیہ وسلم کی سنت ہے۔ قرآن مجید میں اللہ تعالیٰ نے ارشاد فرمایاہے:

ترجمہ: اور کافروں کے ساتھ لڑنے کے لیے جتنی قوت حاصل کر سکتے ہو، کرو۔

اللہ تعالیٰ ہم سب کو جہادکی توفیق عطا فرمائے اور لڑتے ہوئے میدان جہاد میں شہادت کی موت عطا فرمائے آمین۔

اللہ تعالیٰ کا ارشاد ہے:

اے ایمان والو!جس وقت تمہیں کہا جائے کہ مجلس میں دوسروں کے لیے کشادگی پیدا کرو تو کشادگی پیدا کر لیا کرو، اللہ تعالیٰ تمہارے لیے وسعت پیدا کر دے گا۔

حضرت انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: جو لوگ اللہ تعالیٰ کے ذکر کے لیے جمع ہوتے ہیں اور ان کا مقصود صرف اور صرف اللہ تعالیٰ کی رضا ہو تو ایک فرشتہ آسمان سے اعلان کرتا ہے کہ تم بخشے بخشائے یہاں سے اٹھو کہ تمہاری برائیاں نیکیوں سے بدل دی گئی ہیں۔

حضرت عبداللہ بن مغفل رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: جو لوگ کسی مجلس میں بیٹھے اور انہوں نے اس میں اللہ تعالیٰ کا ذکر نہ کیا تو یہ مجلس قیامت کے دن ان کے لیے حسرت کا سبب بنے گی۔

1: مجلس میں بیٹھنے سے پہلے تمام اہلِ مجلس کو سلام کرنا۔

2: مجلس میں جہاں جگہ ملے وہاں بیٹھنا، لوگوں کے کندھے پھلانگ کر درمیان میں بیٹھنے کی کوشش نہ کرنا۔

3: کسی کو اس کی جگہ سے اٹھا کر خود نہ بیٹھنا۔

4: دوآدمیوں کے درمیان ان کی اجازت کے بغیر نہ بیٹھنا۔

5: مجلس میں قریب قریب بیٹھنا،متفر ق ہو کر نہ بیٹھنا۔

6: مجلس میں قبلہ رو ہو کر بیٹھنے کی کوشش کرنا۔

7: حلقہ نما مجلس کے درمیان نہ بیٹھنا۔

8: مجلس میں جو گفتگو ہو رہی ہو اس میں حصہ لینا اور تکلفاً سنجید ہ ہو کر نہ بیٹھنا کیونکہ یہ غرور کی علامت ہے۔

9: مجلس میں بہت زور سے نہ ہنسنا بلکہ حتی الا مکان مسکر اہٹ سے کام لینا کیونکہ زیادہ زور سے ہنسنے سے آدمی کا وقار ختم ہو جاتا ہے۔

10: حتی الامکا ن اپنی مجلس کو اللہ تعالیٰ یاآخرت کی یاد سے آراستہ رکھنا۔

11: مجلس میں تین آدمی ہوں تو ایک کو چھوڑ کر دو کا آپس میں سر گوشی نہ کرنا اور نہ کسی ایسی زبان میں بات کرنا جس کو تیسراآدمی سمجھ نہ سکے البتہ اگر تین سے زیادہ ہوں تو کوئی حرج نہیں۔

12: اگر مجلس میں اللہ تعالیٰ کی کوئی نافرمانی ہو رہی ہو تو اہلِ مجلس کو منع کرنا۔

13: مجلس میں نئے آنے والے شخص کے اکرام کے لیے ذرا سا کھسکنا اگر چہ پہلے سے جگہ موجود ہو۔

14: مجلس ایک امانت ہے، لہٰذا مجلس میں جو باتیں سنی جائیں ان کو دوسری جگہ نقل نہ کرنا۔

15: نیک لوگوں کی مجلس میں بیٹھنے کی کوشش کرنا۔

16: ہر مجلس اور بالخصوص دینی مجلس میں اپنا موبائل فون بند رکھنا یا کم از کم خاموش (Silent) رکھنا۔

17: مجلس کے اختتام پر مجلس کی دعا پڑھنا۔

آنحضرت صلی اللہ علیہ وسلم کا میدانِ جہاد جب دشمن سے مقابلہ ہوتا تو آپ یہ دعائیں پڑھتے تھے:

ترجمہ: اے اللہ! تو ہی میرا بازو (قوت) ہے اور تو ہی میرا مددگار ہے، تیری ہی توفیق سے میں برائی سے بچتا ہوں اور تیری ہی مدد سے میں حملہ کرتا ہوں اور تیری ہی مدد سے میں لڑتا ہوں۔

ترجمہ: اے کتاب نازل کرنے والے،بادلوں کو چلانے والے اور لشکروں کو شکست دینے والے اللہ! ان (دشمنوں) کو شکست دے اور ہمیں ان پر غالب فرما!