سوئے حرم

خالقِ کائنات نے انسا ن پر جو عبادات لاز م فرمائی ہیں ان میں سے ’’حج ‘‘ ایک پر لطف عبادت ہے۔ یہا ں عا بد اپنے معبود کے اس گھر کی طرف رخت ِسفر باندھتا ہے جس کے لئے خود محبوب خدا صلی اللہ علیہ وسلم نے رخت سفر باندھا ہے۔ جیسے محب اپنے محبوب کے اشارے پر دیوانہ وار احکام کی بجا آوری کیلئے اپنے آرا م وسکو ن کو قر بان کر دیتا ہے یہی حال اس بیت اللہ کے زا ئر کا ہو تا ہے۔

دو چادریں پہن کر محبوب کی رضا کے حصول کیلئے بیت اللہ کی طرف رواں دواں ہو تا ہے، اپنے محبوب خا لق ومالک کا نام لینا اس کا مشغلہ بن جاتا ہے ،عاشقا نہ انداز میں’’ لبیک اللھم لبیک‘‘ کی صدا ئیں بلند کرتا ہے، اٹھتے بیٹھتے نشیب وفراز غرض ہر مقام پر اس تلبیہ کی صدا ئیں لگا کر اپنے عشق ومحبت کا اظہار کر تا ہے، مسجد حرا م میں پہنچ کر جب نگاہ کعبۃ اللہ کی عمارت پر ڈا لتا ہے تو بے اختیار آ نکھو ں سے آنسو چھلک پڑتے ہیں،تلبیہ ختم کرکے نگاہ اسی مرکزِ تجلیات پر مرکوز کر لیتا ہے ،تلاش محبوب میں دیارِ محبوب کے چکر پر چکر لگا نا اس کا کا م بن جا تا ہے۔

کبھی حجر اسود کو بوسہ دے رہا ہو تا ہے تو کبھی صفا مرویٰ کے در میا ن حکمِ محبوب سے سعی کرتا دکھائی دیتا ہے۔ مزدلفہ ومنیٰ میں ارکا ن کی ادا ئیگی میں مشغول رہتا ہے۔ سر کشی اور نا فر مانی پر ابھا رنے والے شیطان کو کنکریاں مار کر اس بات کا اظہا ر کرتا ہے کہ خا لقِ کائنات کے احکامات کی تعمیل سے رو کنے والے لعین کی سزا یہی ہے۔

ٍ میدا ن عر فات میں منا جات کا عالم وصالِ محبوب سے کچھ کم نہیں ہوتا۔ اپنی رازونیاز کی باتیں کرتا اور اپنے دلی احوال کو با ری تعا لیٰ کے سامنے پیش رکھتا ہے گو یا زبانِ حال سے کہہ رہا ہوتا ہے:

ترجمہ: میرے پاس تیرے دروازے کو کھٹکھٹا نے کے علا وہ کو ئی اور حیلہ نہیں اگر اس در سے بھی لوٹا دیاگیا تو کو ن سا دروازہ ہے جس کو کھٹکھٹاؤں ؟

اس سفر میں مدینہ طیبہ کی زیارت کا شرف بھی حاصل ہو تا ہے، روضہ رسول علی صا حبہا الصلوۃ و السلام کی زیارت کی نیت سے سفر کر کے عشقِ رسول کا عجب اظہار ہو تا ہے۔ وہا ں پہنچ کر درود وسلام کا تحفہ پیش کر نا اور آنحضرت صلی اللہ علیہ وسلم کی خد مت میں شفا عت کی در خواست پیش کر نا اس کا محبوب ترین مشغلہ بن جاتا ہے۔اپنے محبوب رسول جنا ب محمد رسول اللہ صلی اللہ علیہ وسلم کی قبر مبارک کی زیا رت کر کے بموجبِ حدیث شفاعت کا مستحق بن جا تا ہے۔

رو ضہ رسول صلی اللہ علیہ وسلم کی زیارت کر نے والا شخص یہ بخو بی جا ن لیتا ہے کہ چند عا قبت نا اندیش لو گ جو حیات الانبیاء علیہم الصلوٰۃ والسلام کے عقیدے کو کفر وشرک سے تعبیر کرتے ہیں ان کے قول کی کیا وقعت ہے؟اگر انبیاء علیہم السلا م کو قبر میں حیاۃو سماع حاصل نہیں تو عرب وعجم کے مسلمان کیوں یہا ں درود وسلام کا ہدیہ پیش کرتے ہیں ؟ اگر سعودی حکومت والے بھی اسی باطل عقیدے کے قائل ہو تے کہ انبیاء علیہم السلا م کو قبر میں حیاۃو سماع حاصل نہیں تو روضہ رسول صلی اللہ علیہ وسلم پر یہ اشعار نہ جا نے کب کے ختم کر دئیے جا تے۔

ترجمہ: اے وہ بہترین ذات جوٹیلے میں مدفون ہے جس کی پاکیزگی سے یہ ٹیلے اور صحرا بھی پاکیزہ ہو گئے، میری جان اس قبر پر فدا ہو جس میں آپ صلی اللہ علیہ وسلم رہائش پذیر ہیں (اس لئے کہ) اس میں عفت ، سخاوت اور کرم نوازی ہے۔

سعودی حکو مت سے ریال در آمد کرنے والے کا ش ان سے ان کا عقیدہ بھی لے لیتے۔ سعودی حکومت والوں کا اس با رے میں جو نظریہ ہے ان کے علماء و فقہاء کی ان تصریحات سے معلوم ہو جاتا ہے:

1: امام احمد بن حنبل رحمۃاللہ علیہ:

آپ نے اپنی مشہور زمانہ کتاب مسند احمد بن حنبل میں یہ حدیث مبارک ذکر فرمائی ہے۔

ترجمہ: حضرت انس رضی اللہ عنہ فرماتے ہیں رسول اللہ صلی اللہ علیہ وسلم نے فرمایا معراج کی رات میرا گزر حضرت موسیٰ علیہ السلام پر ہوا، میں نے دیکھا کہ آپ علیہ السلام اپنی قبر میں کھڑے نماز پڑھ رہے ہیں۔

2: علا مہ ابن تیمیہ فرماتے ہیں:

تر جمہ: لیکن رو ضہ رسول میں دا خل ہو نے والا آپ کی ذات گرا می پر سلا م بھیجے کیو نکہ حضور علیہ ا لصلوٰۃ والسلام نے فر مایا ہے جو آ دمی مجھ پر سلا م کرے تو اللہ تعالیٰ میری رو ح کو وا پس لو ٹا تے ہیں یہا ں تک کہ میں اس کے سلا م کا جواب دیتا ہو ں اور یہ سلام کر نا اس آدمی کیلئے مشروع ہے جو حجرہ اقدس میں داخل ہو۔

3: علامہ ابن قیم الجوزیہ رقمطراز ہیں:

تر جمہ: جب یہ حیاۃ شہدا ء پا ئی جا تی ہے تو ابنیا ء علیہم السلام میں تو بدرجہ اولیٰ پا ئی جا ئے گی۔ مزید یہ کہ نبی صلی اللہ علیہ وسلم سے یہ حد یث ثا بت ہے کہ زمین انبیاء علیہم السلام کے جسموں کو نہیں کھا تی اور آپ صلی اللہ علیہ وسلم نے یہ ارشاد بھی فرمایا ہے کہ کوئی بھی مسلما ن آپ صلی اللہ علیہ وسلم (کی قبر) پر سلام کر تا ہے تو اللہ تعا لیٰ حضور صلی اللہ علیہ وسلم کی روح لو ٹا دیتے ہیں اور نبی علیہ السلام اس کا جواب دیتے ہیں اس کے علا وہ بھی کئی احا دیث اس با رے میں مروی ہیں۔

4۔ شیخ عبداللہ بن محمد بن عبدالوہاب فرماتے ہیں،

ترجمہ: ہمارا اعتقاد یہی ہے کہ حضور صلی اللہ علیہ وسلم کا مرتبہ تمام مخلوقات سے علی الاطلاق اعلیٰ ہے اور یہ کہ آپ صلی اللہ علیہ وسلم اپنی قبر مبارک میں دائمی طور پر زندہ ہیں اور آپ صلی اللہ علیہ وسلم کی یہ حیات شہداء کی حیات سے جو قرآن پاک میں منصوص ہے بہت بالا ہے کیونکہ آپ صلی اللہ علیہ وسلم ان سے بلا ریب افضل ہیں۔اور آپ روضہ ء اطہر میں سلام عرض کرنے والوں کے سلام کوخود سنتے ہیں۔

4: شیخ محمد بن عبد الوہاب وسیلہ اور حضور صلی اللہ علیہ وسلم کی قبر مبا رک کی زیارت کر نے کے جواز کے قائل ہیں۔

لہذا حر مین کے مبا رک سفر میں جہا ں انورات بیت اللہ سمیٹ کے آ ئیں وہا ں خناس کے وساوس سے بھی ضرور بچیں۔

والسلام