عقیدہ 64

ایمان ایک ہی چیز یعنی ”تصدیق قلبی“کا نام ہے۔ اعمال ظاہرہ نفسِ ایمان کا حصہ نہیں بلکہ کمال ایمان کا حصہ ہیں یعنی نیک یا برے اعمال کی وجہ سے نفسِ ایمان کم یا زیادہ نہیں ہوتا البتہ کمال ایمان کم یا زیادہ ہوتا رہتا ہے ۔ اس لیے اگر کوئی مؤمن شخص تقویٰ اختیار کرے، خواہشات نفسانیہ کی مخالفت کرے اور افضل حکم پر عمل پیرا ہو تو ایسا شخص کمال ایمان کا حامل قرار پائے گا۔ اسی طرح اگر کوئی شخص گناہ کرے اور نفسانی خواہشات کی پیروی کرے تو یہ ناقص الایمان کہلائے گا یعنی ایمان کا حامل تو ہے البتہ گناہ گار ہے۔