تصوف اور علمائے امت

تصوف؛ اسلام کی روح ہے اس کے ذریعے انسان پکا مومن اور دین اسلام کا عملی مسلمان بنتا ہے۔ اس کی اہمیت کا اندازہ اس آیت مبارکہ سے لگایا جا سکتا ہے :

ترجمہ : اے ایمان والو !اللہ سے ڈرو اور سچے لوگوں کے ساتھ ہو جاؤ۔

یہ حکم اس لیے فرمایا گیا کہ ایمان کی تازگی اور پرہیزگاری تب ہی آتی ہے جب اللہ تبارک وتعالیٰ کی کامل معرفت حاصل ہو جائے اور یہ معرفتِ خداوندی اولیاء کرام کی صحبت کے بغیر بہت مشکل ہے۔ اسی اہمیت کے پیش نظر امت مسلمہ کے جلیل القدر علماء نے صوفیاء کرام رحمہم اللہ کی صحبتوں میں آکر اس گوہر نایاب کو حاصل کیا۔

ذیل میں چند جلیل القدر علماء کے تذکرہ کیا جاتا ہے جو سلطنت علم کے بادشاہ ہونے کے باوجودان گڈری نشنیوں کے غلام بن کرمعرفت اورقرب خداوندی حاصل کرتے رہے۔

مثلاً امام ابن ندیم رحمہ اللہ نے اپنی کتاب ”الفہرست“میں اسماء العباد والزہاد والمتصوفہ عنوان کے تحت درج ذیل جلیل القدر علماء کرام کی فہرست نقل فرمائی ہے۔

امام حسن بصری رحمہ اللہ

امام محمد بن سیرین رحمہ اللہ

امام ھرم بن حیان رحمہ اللہ

امام علقمۃ الاسود رحمہ اللہ

امام ابراہیم نخعی رحمہ اللہ

امام شعبی رحمہ اللہ

امام مالک بن دیناررحمہ اللہ

امام محمد بن واسع رحمہ اللہ

امام عطاء السلمی رحمہ اللہ

امام مالک بن انس رحمہ اللہ

امام سفیان ثوری رحمہ اللہ

امام اوزاعی رحمہ اللہ

امام ثابت بنانی رحمہ اللہ

امام ابراھیم تیمی رحمہ اللہ

امام سلیمان تیمی رحمہ اللہ

امام فرقد السیخی رحمہ اللہ

امام ابن السماک رحمہ اللہ

امام عتبۃ الغلام رحمہ اللہ

امام صالح المری رحمہ اللہ

امام ابراھیم بن ادھم رحمہ اللہ

امام عبدالواحد بن زید رحمہ اللہ

امام ابن المنکدر رحمہ اللہ

امام محمد بن حبیب الفارسی رحمہ اللہ

امام ربیع بن خثیم رحمہ اللہ

امام ابو معاویۃ الاسود رحمہ اللہ

امام ایوب سختیانی رحمہ اللہ

امام یوسف بن اسباط رحمہ اللہ

امام ابو سلیمان دارانی رحمہ اللہ

امام ابن ابی الحواری رحمہ اللہ

امام داؤد طائی رحمہ اللہ

امام فتح موصلی رحمہ اللہ

امام شیبان راعی رحمہ اللہ

امام مطاف بن عمران رحمہ اللہ

امام فضیل بن عیاض رحمہ اللہ

ان میں حضرت امام حسن بصری نے براہ راست حضرت سیدنا علی المرتضیٰ سے بیعت کر کے ان کی صحبت اختیار کر رکھی تھی۔

یہاں تک کہ صوفیاء کرام کے تین سلسلے:قادریہ ،چشتیہ اور سہروردیہ کی بنیاد تواتر کے ساتھ انہی پر پہنچتی ہے۔

امام اعظم ابو حنیفہ رحمہ اللہ……… نے بھی باوجود اپنی تبحر علمی کے حضرت امام جعفر صادق کی دو سال صحبت اٹھائی۔

امام صاحب رحمہ اللہ ہی کا فرمان ہے کہ لولا السنتان لھلک النعمان اگر ان کی صحبت کے دوسال میسر نہ ہوتے تو نعمان )ابو حنیفہ (ہلاک ہو جاتا۔

نوٹ: یاد رہے امام جعفر صادق سلسلہ صدیقیہ نقشبندیہ کے ائمہ کرام میں سے ہیں انہی کی وجہ سے سیدنا امام اعظم پر بھی صفات صدیقیت غالب تھی۔

اس کو تصوف کی اصطلاح میں نسبت شیخ کہتے ہیں۔

امام سفیان ثوری رحمہ اللہ ……… جیسا جلیل القدر عالم اس کو تسلیم کرتے ہوئے فرماتے ہیں:

امام مالک رحمہ اللہ ……… تو یوں قائل ہیں :

ترجمہ : جو شخص فقہ حاصل کرے اور تصوف حاصل نہ کرے تو وہ فاسق ہے اور جو تصوف حاصل کرے لیکن فقہ حاصل نہ کرے تو وہ زندیق ہے۔ ہاں جس نے دونوں کو جمع کر لیا تو وہ محقق بنا۔

امام شافعی رحمہ اللہ ……… بھی فرماتے ہیں کہ آدمی کو چاہیے کہ اہل صدق ووفا ) صوفیا کرام ( کی صحبت اختیار کرے۔

خود امام شافعی رحمہ اللہ جیسے جلیل القدر فقیہ امام نے بھی حضرت شیخ شیبان راعی رحمہ اللہ کی صحبت اختیار کر رکھی تھی۔

امام احمد بن حنبل رحمہ اللہ……… بھی مسائل تصوف حضرت بشر حافی سے حل کراتے تھے۔

امام داؤد طائی ……… تلمیذ امام اعظم رحمہ اللہ؛ حضرت شیخ ابن حبیب فارسی کے مرید تھے۔

امام ابو محمد جعفر الخلدی……… شیخ جنید بغدادی کے مرید وتربیت یافتہ تھے۔

امام عمر طرینی المالکی رحمہ اللہ ……… بھی سید الطائفہ کے مرید تھے۔

امام احمد بن عبدالجبار فرماتے ہیں کہ میرے والد امام عبدالجبار حضرت شیخ ابو نصر فتح بن شحرف کی صحبت میں تین سال رہے۔

امام ابن الحسین رازی ………حضرت ذوالنون مصری اور ابو علی روز باری کی صحبت میں بیٹھے تھے۔

امام ابن ابی دنیا……… بھی پکے صوفی تھے۔

امام ابو الحسن علی بن محمد المصری ……… بھی تصوف سے وابستہ تھے۔

امام مسلم کے شاگرد اور نسخہ مسلم کے جامع وکاتب امام ابو اسحاق ابراھیم بن محمد بن سفیان نیشاپوری رحمہ اللہ؛امام ایوب بن حسن الزاہد الفقیہ الحنفی رحمہ اللہ کے مرید تھے۔

امام عبدالغفار ابو الحسین الفارسی………امام ابو احمد محمد بن عیسیٰ الجلودی کے مرید تھے۔ جن کے بارے میں امام حاکم فرماتے ہیں۔

امام حاکم رحمہ اللہ……… خود بھی امام ابو بکر ضبی رحمہ اللہ کے مرید تھے اور ساتھ ساتھ ساتھ شیخ ابو عمرو بن نجید، ابو الحسن بو شفجی، جعفر بن الخلدی ، ابو عثمان مغربی رحمہم اللہ کی بھی صحبتیں اٹھائیں تھی۔

امام عبد الغفار سے نقل ہے کہ امام حاکم کا گھر بیت الصلاح والورع تھا )خانقاہ( تھی۔

امام بیہقی رحمہ اللہ ……… امام احمد بن محمد خلیل الصوفی رحمہ اللہ کی صحبت میں بیٹھتے تھے بلکہ ان سے مسئلہ حیاۃ الانبیاء میں روایت بھی لی ہے۔

امام ابو الفضل مقدسی رحمہ اللہ……… تصوف کے سلسلہ میں سُلَمِیَّہ {نسبت شیخ ابو عبدالرحمٰن السلمی رحمہ اللہ } میں شیخ ابن مت کے مرید تھے۔ ایسے ہی محدث امام ابو بکر حازمی رحمہ ا للہ بھی پکے صوفی اور خلوت نشین بزرگ تھے۔

امام ابن عساکررحمہ اللہ ………امام عبدالغفار فارسی رحمہ اللہ کے مرید تھے۔

شارح مسلم امام نووی رحمہ اللہ……… شیخ ابو اسحاق رحمہ اللہ کے صحبت یافتہ تھے۔

امام ابن عبدالبر مالکی رحمہ اللہ………امام یحیٰ بن مجاہد فزاری رحمہ اللہ کی صحبت یافتہ اور مرید تھے وہ خود بھی فقیہ تھے لیکن ان پر تصوف کا غلبہ تھا۔

امام ابن قدامہ المقدسی رحمہ اللہ ……… حضرت شیخ عبدالقادر جیلانی رحمہ اللہ کے مرید تھے ان کی وفات بعد امام ابن جوزی رحمہ اللہ کے صحبت میں آ گئے۔

امام کمال الدین دمیری رحمہ اللہ ……… بھی پکے صوفی تھے امام مقریزی مالکی رحمہ اللہ ان ہی کے مرید تھے۔

خطیب بغدادی رحمہ اللہ……… نے تصوف کی دو کتابیں بھی تالیف کی ہیں۔آپ کی خواہش تھی کہ اللہ جل جلا لہ حضرت بشر حافی رحمہ اللہ کے جوار رحمت میں تدفین عطا فرمائیں ، چنانچہ ایساہی ہوا۔

علامہ ابن تیمیہ رحمہ اللہ ……… بھی تصوف کے قائل تھے بلکہ بذات خود سلسلہ قادریہ سے منسلک تھے اور شیخ عبدالقادر جیلانی رحمہ اللہ سے بہت متاثر تھے۔

آپ صوفیاء میں شیخ احمد رفاعی کے بھی بڑے مداح تھے۔

بلکہ آپ کی تدفین بھی مقابر صوفیہ ہوئی۔

سید سند شریف جرجانی رحمہ اللہ……… خواجہ بہاؤ الدین نقشبندی رحمہ اللہ کے خلیفہ ، خواجہ علاؤ الدین عطار البخاری رحمہ اللہ کے مرید تھے۔

علامہ ذھبی رحمہ اللہ……… شیخ ضیاء الدین عیسیٰ بن عیسیٰ انصاری رحمہ اللہ کے خلیفہ مجاز تھے۔

امام بدرالدین عینی رحمہ اللہ ……… باوجود ایک عظیم مفسر ، محدث ،فقیہ ، اصولی ، ناقد، مناظر، ماہر لغت، قاری ،امام الجرح والتعدیل ہونے کے ساتھ ساتھ پکے صوفی بھی تھے ، بلکہ آپ کوبعض علماء نے طبقات صوفیاء حنفیہ میں شمار کیا ہے۔

امام جلال الدین سیوطی رحمہ اللہ ……… بھی پکے صوفی تھے آپ خانقاہ بیریسیہ میں معتکف ہو کر خلوت نشین ہو گئے تھے۔

علامہ ابن حجر مکی رحمہ اللہ……… بھی پکے صوفی تھے۔

محدث وقت ملا علی قاری رحمہ اللہ……… بھی صوفی تھے۔

مجدد الف ثانی رحمہ اللہ کےہمعصر عظیم محدث شیخ عبد الحق محدث دھلوی رحمہ اللہ بھی صوفی تھے،آپ شیخ عبد القادر جیلانی رحمہ اللہ سے بہت متاثر تھے۔

شاہ ولی اللہ رحمہ اللہ……… اور ان کےفرزند سارے کے سارے پکے صوفی تھے ان کاتصوف سے وابستہ ہونا ان کی کتابوں سے ظاہر ہے۔

قاضی ثناء اللہ پانی پتی رحمہ اللہ……… بھی شیخ مرزا مظہر جانِ جاناں رحمہ اللہ کے مرید تھے۔

علامہ محمود آلوسی رحمہ اللہ……… بھی مجددیہ سلسلہ سے منسلک تھے۔

علامہ ا بن عابدین شامی رحمہ اللہ……… شیخ خالد نقشبندی رحمہ اللہ کے مرید تھے اورتصوف سے منسلک تھے۔

علامہ عبدالغنی نابلسی حنفی رحمہ اللہ ………بھی پکے صوفی تھے سلسلہ قادریہ میں آپ شیخ عبدالرزاق کیلانی رحمہ اللہ اور سلسلہ نقشبندی میں شیخ بلخی رحمہ اللہ کے مریدتھے آپ نے تصوف پر تین کتابیں لکھی ہیں،آپ پر سلسلہ قادریہ بہت غالب تھا

امام زاہد الکوثری رحمہ اللہ………؛ شیخ ضیاء الدین کمشخوانی رحمہ اللہ کے مرید خاص تھے۔

اور علماء دیوبندسب کے سب اہل تصوف ہیں ، تصوف کو ماننے والے ہیں بلکہ اس کے داعی بھی ہیں۔