سیدناجابر بن عبد اللہ رضی اللہ عنہم

ابوعبد اللہ جابر بن عبد اللہ بن عمرو الانصاری

آپ کا شمار ان انصار صحابہ میں ہوتا ہے جنہوں نے بیعت عقبہ میں شرکت کی۔ آپ کو یہ سعادت حاصل ہے کہ خود بھی صحابی ہیں اور ان کے والد بھی صحابی ہیں، رسول اکرم صلی اللہ علیہ وسلم نے ان کے لئے ایک رات پچیس مرتبہ دعا فرمائی تھی۔ نیز آپ کا شمار ان خوش نصیب صحابہ میں ہوتا ہے جو محدث بھی تھے اور فقیہ بھی یعنی الفاظ پیغمبرکے محافظ بھی تھے اور مراد پیغمبر بھی سمجھتے تھے۔

امام ذہبی رحمہ اللہ نے آپ کا تذکرہ کرتے ہوئے کئی نمایاں اوصاف ذکر فرمائے ہیں ۔

یعنی آپ وقت کے امام وفقیہ اور اپنے دور میں مدینہ منورہ کے مفتی تھے آپ نے علم کا بہت بڑا حصہ رسول اکرم صلی اللہ علیہ وسلم اور کبار صحابہ رضی اللہ عنہم سے حاصل کیا جس کی بدولت آپ کمال درجہ قوت اجتہاد کے مالک تھے۔آیات قرآنیہ سے مسائل کا استنباط ،نصوص متعارضہ میں فرمان پیغمبر کے معنیٰ کی تعیین وغیرہ جیسی خصوصیات کے حامل تھے۔

مجتہد نہ تو خود قرآن کی مخالفت کرتا ہے نہ ہی کسی اور کی طرف سے کی جانے والی مخالفت کو برداشت کرتا ہے بسا اوقات ایک کام بظاہر آیت کے خلاف ہوتا ہے مگر حقیقت میں وہ شریعت کے مطابق ہوتا ہے جس کو ہر بندہ نہیں سمجھ سکتا مثلاًانسان کی موت کب اور کہاں آئے گی؟ اس کا علم صرف اللہ کوہے، لیکن اگر خدا کا کوئی ولی اپنی موت کے متعلق پہلے بتادے تو اس کو قرآن کے خلاف نہیں کہیں گے بلکہ یہ ولی کی کرامت ہوگی۔ اس کی مثال صحابہ کرام رضی اللہ عنہم میں بھی ملتی ہے۔ حضرت جابر اپنے والد کی شہادت کے متعلق فرماتے ہیں۔

کہ غزوہ احد کے موقع پر میرے والد نے مجھے اپنے پاس بلایا اور فرمایا اس جنگ میں صحابہ میں سے سب سے پہلے مجھے شہید کیا جائے گااس کے بعد والد محترم نے کچھ وصیت کی اور جنگ میں شریک ہوگئے جب جنگ ہوئی تو سب سے پہلے شہید میرے والد محترم تھے۔

اب اس کو قرآن کے خلاف نہیں کہیں گے اگر قرآن کے خلاف ہوتا تو حضرت جابر اس پر خاموشی اختیا ر نہ فرماتے۔

ہمارے ملک میں کچھ لوگوں کا نظریہ ہے کہ مقتدی اگر امام کے پیچھے فاتحہ نہ پڑھے تو اس کی نماز نہیں ہوتی۔ یہ فرقہ بطور دلیل صحیح بخاری کی یہ حدیث پیش کرتاہے:لا صلوۃ لمن یقراء بفاتحۃ الکتاب۔ کہ جو بھی سورت فاتحہ نہ پڑھے اس کی نماز نہیں ہوتی۔ جبکہ صحابی رسول حضرت جابر بن عبد اللہ اس حدیث کا معنیٰ بیان کرتے ہوئے فرماتے ہیں کہ یہ حکم منفرد کو ہے نہ کہ مقتدی کو۔ امام ترمذی رحمہ اللہ کے الفاظ ہیں۔

ترجمہ: حضرت جابر بن عبد اللہ فرماتے ہیں: [یہ حدیث] اکیلے آدمی کے لیے ہے۔

یعنی اگر آدمی امام کی اقتداء میں نماز ادا کرہاہو تو قرات کرنی کی ضرورت نہیں بلکہ امام کی قرات ہی کافی ہے یہی نظریہ حضرت جابر کا تھا چنانچہ آپ رضی اللہ عنہ ایک حدیث نقل کرتے ہیں :

ترجمہ: جو شخص امام کے پیچھے ہو تو امام کی قرات اس( مقتدی) کی قرات ہوگی۔

حضرت جابر کے علاوہ کئی اور حضرات نے بھی حدیث: لا صلوۃ لمن یقراء بفاتحۃ الکتاب کو منفرد کے متعلق قرار دیا ہے۔ مثلاً

سید نا ابن عمر رضی اللہ عنہ نے بھی فر ما یا کہ یہ حکم اکیلے آد می کیلئے ہے۔

امام سفیا ن بن عیینہ جو اس حد یث کے راوی ہیں ،فر ماتے ہیں: لمن یصلی وحدہ [اس حدیث کا حکم اکیلے آدمی کے لیے ہے]

امام احمد بن حنبل فرماتے ہیںاذا کا ن وحدہ [اس حدیث کا حکم اکیلے آدمی کیلیے ہے]

امام ابن عبد البر فر ماتے ہیں ۔

ترجمہ:حضرت عبادہ رضی اللہ عنہ کی روایت کردہ حدیث خاص ہے اور اس کا حکم اس شخص کے لیے ہے جو اکیلا نماز پڑھ رہا ہو یا پھر امام ہو۔

ترجمہ: حضرت جابر بن عبداللہ رضی اللہ عنہ فرماتے ہیں:نبی صلی اللہ علیہ و سلم رمضان میں ایک رات تشریف لائے اورلوگوں کوچار(فرض)بیس رکعت(تراویح) اورتین وترپڑھائے۔

74یا78ہجری کو حدیث وفقہ کا یہ حسین امتزاج دار فانی سے دار البقاء کی طرف منتقل ہوگیا وفات کے وقت عمر مبارک 94سال تھی اور آپ تقریباًمدینہ منورہ میں سب سے آخر میں فوت ہونے والے صحابی ہیں۔