قسط- 31 علم دین کے طالب علم

اللہ تعالیٰ کے ہاں دینی علوم اور علماء دین کا بلند مقام و مرتبہ اور قدر و منزلت ہے ۔ قرآن کریم کی متعدد آیات مبارکہ میں علم اور اہل علم کی فضیلت ومنقبت ، مدح و ستائش، بلندی درجات اور خوبیوں کا تذکرہ موجود ہے یہی وجہ ہے کہ اللہ تعالیٰ نے اپنی آخری رسول حضرت محمد صلی اللہ علیہ وسلم کو بطور معلم بنا کر مبعوث فرمایا آپ صلی اللہ علیہ وسلم خود ارشاد فرماتے ہیں کہ انما بعثت معلماً مجھے علم کا نور تقسیم کرنے والا بنا کر بھیجا گیا ہے ۔ آپ صلی اللہ علیہ وسلم نے مختلف اوقات میں علم دین ، طلباء دین اور علماء دین ک ے فضائل و مناقب ذکر فرمائے ہیں چند ایک پیش خدمت ہیں ۔

ترجمہ: حضرت معاویہ بن ابو سفیان رضی اللہ عنہما فرماتے ہیں کہ میں نے رسول اللہ صلی اللہ علیہ وسلم نےسنا: اللہ تعالیٰ جس کے بارے اچھائی اور بھلائی کا ارادہ فرماتے ہیں اسے دین کی سمجھ بوجھ) تفقہ( نصیب فرماتے ہیں ۔

ترجمہ: حضرت ابو الدرداء رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو یہ فرماتے ہوئے سنا: جو شخص علم حاصل کرنے والے راستے پر چلتا ہے اللہ تعالیٰ اس کے لیے جنت کا راستہ آسان فرما دیتے ہیں اور فرشتے اس طالب علم کے لیے اپنے پر بچھاتے ہیں ، اور عالم کے لیے آسمانی و زمینی مخلوقات اللہ سے مغفرت مانگتی ہیں یہاں تک کہ پانی میں رہنے والی مچھلیاں اس کے لیے استغفار کرتی ہیں ۔

ترجمہ: حضرت انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: زمین پر بسنے والے علماء ایسے ہیں جیسے آسمان پر چمکنے والے ستارے لوگ خشکی و بحری راستوں میں )ان ستاروں(سے رہنمائی لیتے ہیں ۔جب یہ ستارے )علماء(غروب ہو جائیں گے)یعنی ختم ہو جائیں گے ( تو ہدایت مٹ جائے گی ۔

ترجمہ: حضرت ابو امامہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: قیامت کے دن عالم اور عابد)عبادت گزار ، کثرت سے عبادت کرنے والا ۔ یہاں مراد وہ شخص ہے جو محض عبادت گزار ہو عالم دین نہ ہو ( کو کھڑا کیا جائے گا۔ عابد کو کہا جائے گا کہ جنت میں داخل ہو جاؤ اور عالم سے کہا جائے گا آپ ٹھہریئے اور لوگوں کی شفاعت کریں ۔ یعنی گناہ گاروں کی سفارش کریں)اللہ آپ کی سفارش کی بدولت ان اہل ایمان کی مغفرت فرما کر جنت میں داخل فرمائیں گے جنہوں نے اپنی بداعمالیوں کی وجہ سے اپنے اوپر جہنم واجب کر لی ہو گی (

ترجمہ: حضرت ابو موسیٰ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: قیامت کے دن جب لوگوں کو )قبروں سے (اٹھایا جائے گا تو اللہ تعالیٰ علماء کرام کو لوگوں میں سے الگ کر لیں گے ،پھر فرمائیں گے : اے علماء کی جماعت !میں نے تمہیں اپنا علم اس لیے نہیں دیا تھا کہ تمہیں عذاب دوں ، جاؤ میں نے تمہاری مغفرت کر دی ۔

ترجمہ: حضرت صفوان بن عسال المرادی رضی اللہ عنہ فرماتے ہیں کہ میں نبی کریم صلی اللہ علیہ وسلم کے پاس حاضر ہوا آپ مسجد میں تکیہ سے ٹیک لگائے بیٹھے تھے۔ میں نے جا کر عرض کی : یا رسول اللہ !میں اس لیے حاضر ہوا ہوں کہ علم حاصل کروں۔ آپ صلی اللہ علیہ وسلم نے فرمایا: مَرْحَباًبِطَالِبِ الْعِلْمِ۔ علم حاصل کرنے والے لیے خوشخبری ہے )اس کے بعد آپ صلی اللہ علیہ وسلم نے فرمایا(بے شک علم حاصل کرنے والے کو فرشتے اپنے پروں سے ڈھانپ لیتے ہیں ۔

ترجمہ: حضرت عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: جنت کی چراگاہ سے گزرو تو خوب اپنی پیاس بجھایا کرو۔ صحابہ کرام رضی اللہ عنہم نے عرض کی : یا رسول اللہ !جنت کی چراگاہ سے کیا مراد ہے ؟ آپ صلی اللہ علیہ وسلم نے جواب دیا: علم کی درسگاہیں۔

دینی مدارس کا نیا تعلیمی سال شوال المکر م سے شروع ہو چکا ہے ، کوشش کریں کہ اپنے بچوں کو دینی مدارس میں پڑھائیں ، انہیں قرآن ، حدیث ، فقہ اسلامی ، علم، عمل ، اخلاص ، شعور ، تہذیب و تمدن ،اخلاق حسنہ ، سماجی و معاشرتی عزت ، شائستگی، متانت اور آداب کی دولت سے آشنا کریں ، ان سے دنیا میں اپنی آنکھیں ٹھنڈی کریں اور آخرت میں ان کی بدولت شفاعت اور عزت کے مستحق بنیں۔ بچے ہمارا قومی سرمایہ ہیں ، اپنے سرمایے کو ضائع ہونے بچائیں اور اس سرمایے کا منافع صرف دنیا میں نہیں بلکہ دنیا و آخرت دونوں میں حاصل کرنے کے لیے انہیں دینی مدارس میں داخل کرائیں ۔

الحمد للہ !آپ کے اپنے ادارے مرکز اھل السنۃ والجماعۃ 87 جنوبی سرگودھا میں شعبہ حفظ و ناظرہ قرآن کریم، شعبہ کتب )درس نظامی( شعبہ تخصص فی التحقیق والدعوۃ برائے فارغ التحصیل علماء کرام داخلے جاری ہیں ، عصری تعلیم اور جدید فنون کا بھی معقول اور عمدہ انتظام ہے ۔ اسی طرح بچیوں کے لیے مرکز اصلاح النساء 87 جنوبی میں تمام شعبہ جات میں داخلے جاری ہیں ۔

اللہ تعالیٰ ہمیں اور ہماری اولادوں کو اپنے دین کی خدمت کے لیے قبول فرمائے اور اس خدمت کو بھی اپنی بارگاہ میں قبول فرمائے ۔