عباد الرحمٰن

اللہ تعالیٰ کی ایک صفت ”رحمٰن“ہے، جس کا معنیٰ ہے بہت زیادہ مہربانی کرنے والا۔ اور عبد کا معنی ہوتا ہے:

جو اپنے رب کے ہر فیصلے اور کام پر راضی ہویعنی اس کی مخلوق میں وہ بندے جو اس کی بندگی کرنے والے ہیں انہیں ”عبادالرحمٰن“ کہا جاتا ہے۔ بندگی، اطاعت اور تسلیم و رضا کا معیار یہ ہے کہ ان کے دل ہر طرح کے گناہوں کی آلائشوں سے پاک ہوں، نیکی کے کاموں کی طرف رغبت رکھنے والے ہوں اور بری عادات و اخلاق سے دور رہنے والے ہوں۔

رسول اکرم صلی اللہ علیہ وسلم کفار سے کہتے کہ

ترجمہ: تم رحمٰن کو سجدہ کرو تو وہ جواب میں کہتے کہ رحمٰن کیا ہوتا ہے؟ کیا جس کے بارے تم کہہ دو ہم اسے اپنا مسجود بنا لیں اور وہ اس بات سے بہت زیادہ بدکنے لگتے ہیں۔

کفار کو رحمٰن کے لفظ سے چڑ تھی اس لیے باوجود جاننے کے کہتے تھے رحمٰن کیا ہوتا ہے۔ اللہ تعالیٰ نے ان نافرمان لوگوں کے مقابلے میں اپنے فرمانبرداروں کو اپنی جس نسبت سے منسوب کیا ہے وہ رحمٰن ہے۔ یعنی اگر کفار رحمٰن سے چڑتے ہیں تو کیا ہوا رحمٰن کو ماننے اور رحمٰن کی ماننے والے بندے بھی ہیں جن کے اوصاف آئندہ صفحات میں ذکر کیے گئے ہیں۔