دینی مجالس کے آداب

اللہ تعالیٰ کے دین کی مبارک مجالس میں شرکت کرنا علم کے حصول کا سبب، عمل کے جذبے کا باعث، خیروعافیت کا وسیلہ اور ہدایت کا ذریعہ ہوتا ہے،ان مجالس کےفوائد تبھی حاصل ہوتے ہیں جب حقوق و آداب ملحوظ رکھے جائیں۔ چند یہ ہیں :

ترجمہ: حضرت عمر رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو یہ فرماتے ہوئے سنا: تمام اعمال کا دارومدار نیتوں پر ہے ۔

ترجمہ: حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: جو طالب علم ؛ علم حاصل کرنے کے راستے پر چلے تو اللہ تعالیٰ اس کے لیے جنت کا راستہ آسان فرما دیتے ہیں ۔

فائدہ: مجلس میں خاموشی سے آ کر بیٹھ جائیں ،بلند آواز سے سلام و کلام نہ کریں۔ اکتاہٹ کا اظہار بھی نہ کریں ۔ بار بار انگڑائیاں اور جمائیاں نہ لیں۔

وضو کی اپنی تاثیر ہوتی ہے کہ انسان کو سنی ہوئی اکثر باتیں یاد رہتی ہے، عمل کا جذبہ بڑھتا ہے اور سب سے بڑھ کر کہ بندہ شیطانی وساوس کا بہت کم شکار ہوتا ہے۔

کوشش کریں کہ وقت سے کچھ پہلے پہنچیں، پہلے آگے والی صفوں میں ترتیب سے جگہ بنائیں پھر درجہ بدرجہ پیچھے جگہ بناتے جائیں بصورت دیگر کندھے نہ پھلانگیں۔

ترجمہ: حضرت ابو سعید خدری رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: راستوں میں بیٹھنے )اور بلاوجہ کھڑا ہونے(سےبچو۔

ترجمہ: حضرت ابو موسیٰ رضی اللہ عنہ سے روایت ہے رسول اللہ صلی اللہ علیہ وسلم نے فرمایا: نیک اور برے ہم نشین کی مثال کستوری بیچنے والے عطار اور لوہار کی سی ہے۔ مشک بیچنے والے کے پاس سے تم دو اچھائیوں میں سے ایک ضرور ہی پاؤ گے۔ یا مشک ہی خرید لو گے ورنہ کم از کم اس کی خوشبو تو ضرور ہی پا سکو گے۔ باقی رہی لوہار کی بھٹی یا تو وہ تمہارے بدن اور کپڑوں کو جھلسا دے گی ورنہ تم اس کی بدبو تو ضرور ہی پا ؤ گے۔

ترجمہ: حضرت ابو سعید خدری رضی اللہ عنہ سے مروی ہےمیں نے رسول اللہ صلی اللہ علیہ وسلم کوفرماتے ہوئے سنا: بہتر مجلس وہ ہے جس میں زیادہ لوگوں کا بندوبست ہو

ترجمہ: حضرت جابر بن سمرہ رضی اللہ عنہ سے روایت ہے کہ ہم جب نبی کریم صلی اللہ علیہ وسلم کی مجلس میں حاضر ہوتے تو جہاں جگہ ملتی وہیں بیٹھ جاتے۔

ترجمہ: ایمان والو!جب تم سے کہا جائے مجالس میں دوسروں کےلیے گنجائش پیدا کرو تو گنجائش پیدا کر دیا کرو )اس کے بدلے (اللہ تمہارے لیے وسعت پیدا کرے گا ۔

ترجمہ: حضرت مصعب بن شیبہ رضی اللہ عنہ سے رسول اللہ صلی اللہ علیہ وسلم کا یہ فرمان مروی ہے کہ جب کو ئی شخص لوگوں کے پاس آئے اور اس کے بیٹھنے کے لیے گنجائش پیدا کی جائے تو اسے چاہیے کہ وہ بیٹھ جائے کیونکہ یہ اللہ رب العزت کی طرف سے ملنے والی عزت ہے جو اس کے مسلمان بھائی نے اس کےلیے کی ہے اور اگر اس کے لیےگنجائش پیدا نہ ہو سکے تو کسی اور کشادہ جگہ کو دیکھے اور وہیں جا کر بیٹھ جائے۔

ترجمہ: حضرت حذیفہ رضی اللہ عنہ سے مروی ہے رسول اللہ صلی اللہ علیہ وسلم نے ایسے شخص پر لعنت کی ہے جو)مجلس میں (لوگوں کے حلقہ میں درمیان میں جا کر بیٹھے۔

ترجمہ: حضرت ا بن عمر رضی اللہ عنہما سے روایت ہے نبی کریم صلی اللہ علیہ وسلم نے فرمایا: کوئی شخص کسی کو اس کی جگہ سے نہ اٹھائے اورخود اسی جگہ بیٹھ جائے۔

ترجمہ: حضرت ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: جب تم میں سے کوئی شخص اپنی جگہ سے اٹھے اور پھر واپس آ جائے تو اس جگہ کا وہی زیادہ حقدار ہو گا۔

فائدہ: اگر واپس آکر اسی جگہ دوبارہ بیٹھنا ہو تو اپنی کوئی نشانی رکھ جائیں مثلا کوئی کپڑا وغیرہ لیکن کوئی قیمتی چیز رکھ کر نہ جائیں ۔

ترجمہ: حضرت عمرو بن شعیب کے والد اپنے دادا سے روایت کرتے ہیں رسول اللہ صلی اللہ علیہ وسلم نے فرمایا:کوئی شخص لوگوں کے درمیان بغیر اجازت نہ بیٹھے۔

ترجمہ: حضرت عبداللہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا:جس وقت تم تین لوگ ہو تو ان میں سے کسی ایک کو چھوڑ کر دو بندے آپس میں سرگوشی نہ کریں یہاں تک کہ تم )دیگر(لوگوں کے ساتھ مل جاؤاس وجہ سے کہ وہ بندہ )جس کو چھوڑ کر گفتگو کی جائے کہیں وہ (دکھی نہ ہو۔

ترجمہ: حضرت عبداللہ بن عباس رضی اللہ عنہما سے روایت ہے کہ نبی کریم صلی اللہ علیہ وسلم نے فرمایا: جو شخص کسی کی باہمی گفتگو پر کان لگاتا ہو اور وہ لوگ اس بات کو ناپسند کرتے ہوں یا اس طرز عمل کی وجہ سے اس سے دور بھاگتے ہوں تو اس شخص کے کان میں قیامت والے دن سیسہ پگھلا کر ڈالا جائے گا ۔

ترجمہ: حضرت انس بن مالک رضی اللہ عنہ فرماتے ہیں کہ نبی کریم صلی اللہ علیہ وسلم کو کسی ہم مجلس کے سامنے پاؤں پھیلا کر بیٹھے ہوئے کبھی نہیں دیکھا گیا۔

ترجمہ: حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: جو لوگ مجلس سے اللہ کا ذکر کیے بغیر اٹھ جاتے ہیں وہ ایسے ہیں جیسے کسی مردار گدھے کے پاس سے کھڑے ہوئے، اور یہ مجلس قیامت والے دن ان کے لیے حسرت کا سبب بنے گی۔

فائدہ: درسِ قرآن ، درس حدیث ، خطبہ جمعہ، مذاکرہ ، مشورہ ، تقریر وبیان یا سبق ہو رہا ہو تو اب انہی چیزوں کو توجہ سے سنیں اس وقت ذکر نہ کریں ۔

اوقات اور ترتیب کی پابندی کریں۔

اپنے سامان کی اچھی طرح حفاظت کریں۔

سیل فون کوسائیلنٹ پر لگادیں۔

خدمت کا موقع ملے تو ضرور کریں۔

مصافحہ کا وقت دیا جائے تو خاموشی اور ترتیب سے کریں ۔

اگر اس سے روک دیا جائے تو اس کی پابندی کریں۔

کھانے وغیرہ کو ضائع ہونے سے بچائیں۔

منتظمین سے اخراجات کا جتنا بوجھ کم کر سکتے ہیں ، کم کریں۔

دینی لٹریچر ، مسواک ، خوشبو اور تسبیح وغیرہ موجود ہو تو وہ خریدیں۔

ترجمہ: حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:جو شخص کسی مجلس میں بیٹھے اور اس میں بے مقصد باتیں بھی ہو گئیں ہوں تو مجلس کے آخر میں یہ دعا پڑ ھ لے تو اس کے وہ گناہ معاف کر دیے جاتے ہیں جو اس مجلس میں سرزد ہوئے ہوں۔) دعایہ ہے(اے اللہ تیری ذات پاک ہے اور تیرے ہی لیے حمد ہے ، میں گواہی دیتا ہوں کہ تیرےسوا کوئی معبود نہیں ، میں گناہوں کی معافی طلب کرتا ہوں ، اور تیرے سامنے توبہ کرتا ہوں ۔

اللہ تعالیٰ ہمیں دینی مجالس میں بامقصد حاضری کی توفیق نصیب فرمائے۔

والسلام

محمدالیاس گھمن

خانقاہ حنفیہ ، مرکز اھل السنۃ والجماعۃ سرگودھا

جمعرات ،21فروری، 2019ء