انیسواں سبق

ترجمہ: حضرت عمر بن خطاب رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: میرے صحابہ (رضی اللہ عنہم ) ستاروں کی مانند ہیں، تم ان میں سے جس کی پیروی کرو گے ہدایت پاؤ گے۔

”صحابی“ اس شخص کو کہتے ہیں جس کو حالت ایمان میں نبی صلی اللہ علیہ وسلم کی صحبت حاصل ہوئی ہو اور اسی حالت پر اس کا خاتمہ ہواہو۔ صحابہ کرام معیار حق وصداقت ہیں یعنی وہی عقائد اور اعمال مقبول ہوں گے جو صحابہ رضی اللہ عنہم کے عقائد اور اعمال کے مطابق ہو ں گے۔ صحابہ کرام ہر قسم کی تنقید سے بالا تر ہیں۔ قبر اور آخرت کے ہر قسم کے عذاب سے محفوظ ہیں۔

وہ معصوم نہیں البتہ محفوظ ضرور ہیں یعنی ان کی ہر قسم کی خطا بخش دی گئی ہے اور وہ یقینی طور پر جنتی ہیں۔ انبیاء معصوم عن الخطاء ہیں اور صحابہ محفوظ عن الخطاء ہیں۔ معصوم عن الخطاء کامطلب یہ ہے کہ اللہ اپنے نبی سے گناہ ہونے نہیں دیتا اور محفوظ عن الخطاء کامطلب یہ ہے کہ صحابی سے گناہ ہو تو جاتا ہے لیکن اللہ تعالی ان کے نامہ اعمال میں باقی رہنے نہیں دیتا۔

بعض لوگوں کا یہ کہنا کہ مرد اور عورت کی نماز میں کوئی فرق نہیں، انتہائی غلط اور جہالت کی بات ہے۔ نماز کے متعلق مرد و عورت کے جو احکام ایک دوسرے سے مختلف ہیں، یہ ہیں:

[1]: مرد نمازشروع کرتے وقت اپنے ہاتھ کانوں کے برابر اٹھائے جب کہ عورت ہاتھوں کوسینے کے برابر اٹھائے۔

[2]: مرد نماز میں ہاتھ ناف کے نیچے باندھے۔

جبکہ عورت اپنے سینہ پر ہاتھ باندھے۔

[3]: مرد رکوع میں اپنی انگلیوں کو کشادہ کرتے ہوئے گھٹنوں کو پکڑے گا، اپنی کہنیوں کو پہلو سے جدا رکھے گا، پشت کو سیدھا رکھے گا اور سر کو نہ اونچا کرے گا نہ نیچا۔

جبکہ عورت رکوع میں مرد کی بنسبت کم جھکے گی، اپنے ہاتھ بغیر کشادہ کیے ہوئے گھٹنوں پر رکھے گی اور کہنیوں کو پہلو سے ملا کر رکھے گی۔

[4]: مرد سجدہ میں اپنا پیٹ رانوں سے دور رکھیں گے، اپنی کہنیوں کو زمین سے بلند رکھتے ہوئے پہلو سے جدا رکھیں گے اور سرین کو اونچا کریں گے۔

جبکہ سجدہ کی حالت میں عورت کے لیے حکم یہ ہے کہ وہ ان سب اعضاء کو ملا کراور سمٹا کر رکھے۔

[5]: قعدہ میں مرد اپنا پاؤں بچھا کر اس پر بیٹھے اور دایاں پاؤں کھڑا رکھے۔

جبکہ عورت بائیں کولہے پر بیٹھے اور دونوں پاؤں دائیں طرف نکال دے اور دائیں پنڈلی کو بائیں پنڈلی پررکھے۔

[6]: مرد کا سر اگر نماز میں ننگا ہو تو اس کی نماز ہو جائے گی لیکن اس کے لیے پگڑی اور ٹوپی افضل ہے۔ (صحیح البخاری: ج1ص56، وغیرہ)

جبکہ عورت کی نماز بغیر دوپٹہ کے نہیں ہوتی۔

[7]: مردوں کے لیے ضروری ہے کہ وہ فرض نماز باجماعت ادا کریں۔ اس کے ترک پر نبی صلی اللہ علیہ وسلم نے وعیدیں بیان فرمائی ہیں۔

جبکہ عورت کے لیے اپنے گھر میں نماز پڑھنا بہتر ہے۔

[8]: عورت؛ مردوں کی امامت نہیں کراسکتی جبکہ مرد عورتوں کی امامت کرا سکتا ہے۔

[9]: عورتوں کی جماعت مکروہ ہے۔

لیکن اگر وہ جماعت کروانا ہی چاہیں [مثلاً رمضان میں حافظہ عورت تراویح پڑھائے] تو ان کی امام صف کے درمیان میں کھڑی ہو گی۔

جبکہ مردوں کا امام سب سے اگلی صف میں اکیلا کھڑا ہوگا۔

[10]: مردوں کے لیے اذان اور اقامت سنت موکدہ ہے جبکہ عورتوں کے لیے نہ اذان مسنون ہے اور نہ اقامت۔

مرد و عورت کی نماز میں فرق کے تفصیلی دلائل کے لیے بندہ کی مرتب کردہ فائل ”مرد و عورت کی نماز میں فرق“ ملاحظہ فرمائیں۔ (محمد الیاس گھمن)

ترجمہ: اے اللہ! ہمارے لیے اس میں برکت ڈالیے اور ہم کو مزید دیجیے۔

ترجمہ: اگر تم ان کی ( یعنی رسول اللہ صلی اللہ علیہ وسلم کی ) مدد نہیں کروگے تو (ان کا کچھ نقصان نہیں، اس لیے کہ) اللہ نے ان کی مدد اس وقت بھی کی ہے جب ان کو کافروں نے ایسے وقت ( مکہ مکرمہ سے) نکالا تھا جب وہ دو آدمیوں میں سے دوسرے تھے، جب وہ دونوں غار میں تھے، جب وہ اپنے ساتھی کو یہ کہہ رہے تھے کہ غم نہ کرو، اللہ ہمارے ساتھ ہے۔ چنانچہ اللہ نے ان پر اپنی طرف سے سکون قلب نازل فرمایا۔

فائدہ: صحابہ کرام رضی اللہ عنہ میں سے حضرت صدیق اکبر رضی اللہ عنہ وہ واحد صحابی ہیں جن کے لیے قرآن نے لفظ ”صاحب“ (یعنی صحابی) استعمال فرمایا ہے۔ اس لیے جو صدیق اکبررضی اللہ عنہ کی صحابیت کاانکار کرے وہ کافر ہے۔

ترجمہ: حضرت عرباض بن ساریہ رضی اللہ عنہ سے روایت ہے، فرماتے ہیں کہ حضور صلی اللہ علیہ وسلم نے ہمیں ایک دن نماز پڑھائی پھر ہماری طرف متوجہ ہوئے اور ہمیں نہایت موثر انداز میں نصیحت فرمائی جس سے ہماری آنکھوں سے آنسو جاری ہوگئے اور دلوں میں خوف پیدا ہوگیا۔ ایک شخص نے عرض کی کہ اے اللہ کے رسول! معلوم ہوتا ہے کہ یہ الوداعی نصیحت ہے، اس لیے آپ ہمیں کیا وصیت فرماتے ہیں؟ آپ صلی اللہ علیہ وسلم نے ارشار فرمایا: میں تم کو وصیت کرتا ہوں کہ اللہ تعالیٰ سے ڈرتے رہو اور تم کو (مسلمان ) امیر کی اطاعت کا حکم دیتا ہوں اور اس کی باتوں کو سن کر بجا لانے کی وصیت کر تا ہوں اگرچہ وہ امیر حبشی غلام ہو۔تم میں سے جو شخص میرے بعد زندہ رہے گاوہ بہت سارے اختلاف دیکھے گا۔ ایسے وقت میں تم میری سنت اور میرے ہدایت یافتہ خلفائے راشدین کی سنت کو لازم پکڑنا اور اس پر مضبوطی سےقائم رہنا اور دین میں نئی نئی باتیں( یعنی نئے عقیدے اور نئے عمل ) پیدا کرنے سے بچتے رہنا، اس لیے کہ ہر نئی بات بدعت ہے اور ہر بدعت گمراہی ہے۔

حضور صلی اللہ علیہ وسلم کے بعد اس امت کے خلیفہ اول بلا فصل حضرت ابوبکر صدیق، دوسرے حضرت عمرفاروق، تیسرے حضرت عثمان غنی اور چوتھے حضرت علی المرتضیٰ رضی اللہ عنہم ہیں۔ ان چاروں کو ”خلفائے راشدین“ اوران کے زمانہ خلافت کو خلافت راشدہ کادور کہتے ہیں۔آیت استخلاف میں جس خلافت کا وعدہ ہے وہ حضرت ابوبکرصدیق رضی اللہ عنہ سے شروع ہو کر حضرت علی المرتضیٰ رضی اللہ عنہ پر ختم ہوگئی۔ لہذا دور خلافت راشدہ سے مراد خلفائے اربعہ(چار خلفاء رضی اللہ عنہم) کادور ہے۔ حضرت امیرمعاویہ رضی اللہ عنہ کی خلافت ؛ خلافت عادلہ ہے۔

انبیاء علیہم السلام کے بعد انسانوں میں اعلیٰ ترین درجہ صحابہ کرام رضی اللہ عنہم کا ہے اور قرآن کریم میں اہل ایمان کی جس قدر صفات کمال کاذکر آیا ہے ان کا اولین اور اعلی ترین مصداق صحابہ کرام رضی اللہ عنہم ہیں۔ پھر صحابہ کرا م میں بھی مراتب کی ترتیب درج ذیل ہے :

1: خلفائے راشدین علی ترتیب الخلافۃ

2: عشرہ مبشرہ

3: اصحاب بدر

4: اصحاب بیعت رضوان

5: شرکاء فتح مکہ

6: وہ صحابہ رضی اللہ عنہم جو فتح مکہ کے بعد اسلام لائے۔

پوری امت کے لیے صحابہ کرام رضی اللہ عنہم معیار حق وصداقت ہیں یعنی جو عقائد اور مسائل صحابہ کرام رضی اللہ عنہم کے عقائد اور مسائل کے مطابق ہوں وہ حق ہیں اور جو ان کے مطابق نہ ہوں وہ باطل اور گمراہی ہیں۔

1: کسی رکن یا فرض کودہرانا

2: کسی فرض یا رکن کو اس کے وقت سے پہلے یا بعد میں کرنا

3: کسی واجب کو دو بار کرنا

4: کسی واجب کو تبدیل کرنا

5: کسی واجب کو چھوڑ دینا

جسے چھینک آئے وہ یہ کلمات پڑھے:

أَلْحَمْدُ لِلہِ. (تمام تعریفیں اللہ کے لیے ہیں)

سننے والا جواب میں یہ کہے:

یَرْحَمُکَ اللّہُ.( اللہ آپ پر رحم فرمائے)

چھینکنے والا پھر یہ کہے:

(اللہ آپ کو ہدایت دے اور آپ کی حالت کو درست کرے)