مؤذنین پیغمبر اور مروجہ صلوٰۃ و سلام

آپ علیہ السلام کے موذنین سے مروجہ صلوٰۃ وسلام عندالاذان ثابت نہیں۔

ترجمہ : حضرت ابو محذورہ فرماتے ہیں آپ علیہ السلام نے مجھے اذان دینا سکھائی جس طرح تم ابھی دیتے ہواللہ اکبر اللہ اکبر الخ۔

اس اذان میں اذان سے پہلے اور بعدمیں صلوٰۃ وسلام کا تذکرہ موجود نہیں ہے۔

ترجمہ: حضرت عبداللہ بن زید نے خواب دیکھااور آپ علیہ السلام کے سامنے اس کو بیان کیا تو آپ نے فرمایا یہ خواب حق ہےاور اس اذان کی تعلیم حضرت بلال کو دو کیونکہ اس کی آواز تم سے زیادہ بلند ہے۔

ان دو حضرات کی اذان میں نہ ہی پہلے اور نہ ہی بعد میں صلوٰۃ وسلام کا ذکر ہے۔

ترجمہ: آپ علیہ السلام نے فرمایاجب تم اذان سنو تو اس طرح کہو جو موذن کہتا ہے۔

ایک اور روایت میں ہے جب مؤذن اور کہے تو تم اس کے جواب میں ” کہو۔

ان تمام روایات میں اذان کا تذکرہ موجود ہے لیکن اس کے ساتھ مروجہ صلوٰۃ وسلام عندالاذان کا تذکرہ موجود نہیں ہے اور محدثین کرام نے باب الاذان کا باب قائم فرمایا لیکن کسی ایک محدث نے اذان سے پہلے یا اذان کے بعد پڑھنے کا مسئلہ بیان نہیں فرمایا۔

ہمارے تمام اکابرین الصلوٰۃ والسلام علیک یا رسول اللہ کو بطور درود وسلام پڑھنے کے جواز کے قائل ہیں کیونکہ یہ درود وسلام کا مختصر طریقہ ہے ۔

البتہ حرف خطاب اور حرف یا ءسے آنحضرت صلی اللہ علیہ و سلم کو حاضر وناظر جان کر اس نیت سے پڑھنا کہ آنحضرت میرا صلوٰۃ و سلام نزدیک اور دور ہر جگہ سے براہِ راست سنتے ہیں، جائز نہیں۔ چنانچہ قاسم العلوم والخیرات مولانا محمد قاسم نانوتوی رحمۃ اللہ علیہ فرماتے ہیں:

الصلوٰۃ والسلام علیک یا رسول اللہ بہت مختصر ہے مگر رسول اکرم صلی اللہ علیہ وسلم کو حاضر وناظر نہ سمجھا جائے ورنہ اسلام کیا ہوگا کفر ہوگا بلکہ یوں سمجھے یہ پیغام فرشتے پہنچاتے ہیں۔

مفکر اسلام مفتی محمود رحمۃ اللہ علیہ فرماتے ہیں:

درود شریف پڑھنا ایک بڑی عبادت اور تقرب خداوندی کا بہترین ذریعہ ہے لیکن اس طریق سے جس طرح سے صحابہ کرام رضی اللہ عنہم کے ہاں اور خیر القرون میں پڑھا جاتاتھا اور یہ ایک عین حقیقت ہے کہ اذان سے قبل یا اذان کے بعد بلند آواز سے درود شریف پڑھنے کا رواج نہ آنحضرت صلی اللہ علیہ وسلم کے مبارک دور میں تھا نہ خلفاء راشدین اور صحابہ کرام رضی اللہ عنہم کے دور میں تھا نہ خیر القرون میں کوئی شخص اس بدعت سے واقف تھا اور نہ ائمہ اربعہ میں سے کسی بزرگ نے یہ کاروائی کی اور نہ اس کا فتوی دیا بہر حال مروجہ طریقہ بدعت ہے۔

اذان سے پہلے یا اذان کے بعد صلوٰۃ و سلام مروجہ طریقہ سے رسول اکرم صلی اللہ علیہ و سلم، خلفاء راشدین، دیگر صحابہ کرام رضی اللہ عنہم اور قرونِ اولیٰ سے ثابت نہیں۔

اہل بدعت آپ علیہ السلام اورحضرات صحابہ کرام رضی اللہ عنہم تابعین اور اتباع تابعین، ائمہ دین اور سلف صالحین کے صحیح طریقہ چھوڑ کر نئی نئی بدعات و رسومات نکالتے ہیں۔

اللہ پاک ہمیں سنت کو تھامنے اور بدعات، خرافات اور رسومات سے بچنے کی توفیق عطا فرمائے۔ آمین