عقیدہ 11

ترجمہ: اللہ تعالیٰ پیدا فرماتے ہیں بغیر کسی ضرورت کے اور رزق دیتے ہیں بغیر کسی مشقت کے۔

”بغیر کسی ضرورت کے پیدا کرنے“ کا معنی یہ ہے کہ اللہ تعالیٰ جب کسی چیز کو پیدا فرماتے ہیں تو اس میں اللہ تعالیٰ کی اپنی کوئی ضرورت اور حاجت نہیں ہوتی ، البتہ اس چیز کی مخلوق کو ضرورت ہوتی ہے ، اللہ تعالیٰ کو مخلوق کی ضرورت اس لیے نہیں کہ اللہ تعالیٰ صمد اور بے نیاز ذات ہے اور کسی چیز کا محتاج ہونا اس شان بے نیازی کے خلاف ہے ۔ علامہ ابو البرکات عبد اللہ بن احمد بن محمود النسفی الحنفی (ت710ھ) ”صمد“ کا معنی بیان کرتے ہوئے لکھتے ہیں :

ترجمہ: صمد وہ ذات ہے جو کسی کی محتاج نہ ہو اور سارے اس کے محتاج ہوں ۔

”بغیر مشقت کے رزق دینے“ کا معنی یہ ہے کہ اللہ تعالیٰ کو رزق عطا فرمانے میں مشقت نہیں ہوتی البتہ مخلوق کو رزق حاصل کرنے میں مشقت اٹھانی پڑتی ہے۔ ارشاد باری تعالیٰ ہے : ﴿لَقَدْ خَلَقْنَا الْاِنْسَانَ فِيْ كَبَدٍ﴾․

ترجمہ: ہم نے انسان کو مشقت میں پیدا کیا ہے ۔

کبد (مشقت) کو ظرف بنا کر اشارہ کیا کہ انسان ہر وقت مشقت میں ہے ۔ تو یہاں پیدا کرنے میں ضرورت اور رزق دینے میں مشقت کی نفی اللہ تعالیٰ کی ذات سے ہے، مخلوق کو اشیاء کی ضرورت اور حصول رزق میں مشقت بہر حال ہوتی ہے۔