عقیدہ 16

ترجمہ: جس طرح مُردوں کو زندہ کرنے کے بعد اس کا نام ”محیِ الموتیٰ“ (مردوں کو زندہ کرنے والی ذات) ہے مُردوں کو زندہ کرنے سے قبل بھی اسی کا یہی نام تھا، اسی طرح مخلوق کو پیدا کرنے سے پہلے بھی اس کا نام ”خالق“ تھا۔

امام طحاوی رحمۃ اللہ علیہ اس بات کو سمجھانے کے لیے مثال بیان فرما رہے ہیں کہ اللہ تعالیٰ مخلوق کو پیدا کرنے سے پہلے ”خالقیت“ کی صفت کے ساتھ متصف تھے۔ چنانچہ فرمایا کہ جس طرح اللہ تعالیٰ کو ”محی الموتی“ کہتے ہیں حالانکہ مردوں کو زندہ تو قیامت کے دن کریں گے اس کے باوجود ”محی الموتی“ اب بھی ہیں، بالکل اسی طرح جب مخلوق پید ا نہیں ہوئی تھی اللہ تعالیٰ تب بھی خالق تھے۔ جس طرح مردوں کو پیدا کرنے سے پہلے ”محی الموتی“ ہیں اسی طرح مخلوق کو پیدا کرنے سے پہلے بھی خالق تھے ۔

ترجمہ:بے شک وہ مردوں کو زندہ کرنے والا ہے اور ہر چیز پر قادر ہے ۔