محدثین؛ فقہاء کو اپنے سے آگے رکھتے تھے

محدثین اپنے آپ کو حامل فقہ سمجھتے اور فقہاء کو اپنے سے آگے کے درجہ میں رکھتے، آنحضرت صلی اللہ علیہ وسلم کا ارشاد۔

ہر وقت ان کے پیش نظر تھا کہ راوی حدیث ہونا اور بات ہے اور فقیہ ہونا اور بات ہے۔

[1]دیکھئے حضرت علامہ شعبی رحمہ اللہ م100ھ کس انکساری سے کہتے ہیں۔

ترجمہ:ہم فقہاء نہیں ہیں، ہم حدیث سنتے ہیں اور آگے بیان کردیتے ہیں۔

[2]حضرت اعمش رحمہ اللہ م148ھ کس عظیم درجہ کے محدث ہیں؛ دیکھئے آپ فقہاء کی کتنی قدر کرتے تھے؟

ترجمہ:اے گروہ فقہاء ! طبیب تم ہو،ہم تو صرف دوائیں لگائے بیٹھے ہیں۔

[3]حضرت امام سفیان الثوری رحمہ اللہ م161ھ کس درجے کے محدث ہیں، یہ علامہ ذہبی رحمہ اللہ سے معلوم کیجیے۔ آپ نامور فقیہ اور سید الحفاظ ہیں، آپ سے عبداللہ بن مبارک ،یحییٰ القطان ،ابن وہب ،وکیع رحمہم اللہ اور دوسرے بہت سے لوگوں نے علم حدیث حاصل کیا۔امام شعبہ،یحییٰ بن معین اور محدثین کی ایک جماعت نے آپ کو ”امیر المومنین فی الحدیث“ کا خطاب دیا ہے۔عبداللہ بن مبارک رحمہ اللہ فرماتے ہیں: میں نے ایک ہزار ایک سو شیوخ سے علم حاصل کیا؛ ان میں ایک بھی سفیان ثوری رحمہ اللہ سے افضل نہیں پایا۔

آپ فقیہ کو کیا مقام دیتے ہیں یہ ان سے سنیے۔

ترجمہ:ایک فقہ جاننے والا پہاڑ کی چوٹی پر بیٹھا ہو تو وہ اکیلا ایک بڑی طاقت ہے۔

محدثین نے عرمان المقری اور حضرت حسن بصری رحمہ اللہ م110ھ کا ایک مکالمہ نقل کیا ہے۔ پہلے عمران نے کہا۔

یعنی فقہاء اس طرح نہیں کہتے۔

[4]اس پر حضرت حسن بصری رحمہ اللہ نےکہا۔

ترجمہ:تیر ی برباری! کیا تو نے کبھی کوئی فقیہ دیکھا ہے؟

اس سے پتہ چلتاہے کہ اس دور میں فقہاء کتنی عزت سے دیکھے جاتے تھے۔

[5]حضرت ابن شہاب زہری رحمہ اللہ م124ھ کس مرتبے کے محدث ہیں، یہ بات کسی بھی صاحب علم سے مخفی نہیں۔ آپ کایہ ارشاد ملاحظہ فرمائیے:

ترجمہ:اللہ کی عبادت کا بہترین پیرایہ دین میں تفقہ ہے۔

[6]حضرت امام وکیع بن الجراح رحمہ اللہ م197ھ لکھتے ہیں۔

ترجمہ:حدیث فقہاء کے ہاتھ لگے اس سے بہتر ہے کہ وہ شیخ الحدیث کے ہاتھ لگے۔

[7]مشہور محدث ابن ابی شیبہ رحمہ اللہ م235ھ تاویل الاحادیث میں فقہاء کو ہی عالم سمجھتے ہیں، آپ نے ”المصنف“ میں یہ باب باندھا ہے۔

ترجمہ:جو فقہاء سمجھے گئے ہیں، میں نے ان میں سے کیا کچھ لیا ہے۔

[8]حضرت امام ترمذی رحمہ اللہ م279ھ فقیہ کی عظمت کا اقرار ان الفاظ میں کرتے ہیں۔

ترجمہ:اور اسی طرح فقہاء نے کہا ہے اور وہ حدیث کے معنوں کو زیادہ بہتر جاننے والے ہیں۔

[9]امام ابوداؤد رحمہ اللہ م175ھ کو دیکھئے، کس شرح صدر سے امام ابوحنیفہ رحمہ اللہ کے بارے میں فرماتے ہیں:رحم اللہ ابا حنیفۃ کان اماما

ترجمہ:اللہ تعالیٰ ابوحنیفہ رحمہ اللہ پر رحم فرمائے ،آپ بےشک امام تھے۔

[10]حضرت عبدالرحمان ابن الجوزی رحمہ اللہ م597ھ محدث جلیل کو کون نہیں جانتا، آپ فقہاء کو کیا مقام دیتے ہیں؛ ملاحظہ کیجیے:

ترجمہ:جان لو کہ حدیث میں کئی باریکیاں اور پیچیدگیاں لپٹی ہیں جنہیں وہ علماء ہی پہچان سکتے ہیں جو فقہاء ہوں۔

[11]علامہ حافظ ابن حجر عسقلانی رحمہ اللہ م852ھ کی محدثانہ شان کس سے چھپی ہوگی، آپ بھی فقہاء کو یہی اونچا مقام دیتے ہیں:

ترجمہ:حلال وحرام کا علم فقہاء ہی سے لیا جاسکتاہے۔

حضرت امام ابن ماجہ رحمہ اللہ م273ھ اور امام دارمی رحمہ اللہ م255ھ دونوں حضرات امام احمد رحمہ اللہ کے مذہب پر چلتے تھے۔

اور فقیہ کے سائے میں چلنا ان کے ہاں عیب نہ سمجھا جاتا تھا۔یہ دونوں امام حدیث تھے مگر حنبلی مذہب رکھتے تھے۔ محدث ہونا انہیں کسی امام فقہ کی پیروی سے نہ روکتا تھا۔امام عبدالرحمان نسائی رحمہ اللہ م303ھ کو لیجیے، انہوں نے مناسک حج پر فقہ کی ایک کتاب لکھی ہے۔ یہ انہوں نے امام شافعی رحمہ اللہ کے مذہب پر ترتیب دی ہے۔ نواب صدیق حسن خان نے بھی آپ کو ”شافعی المذہب“ لکھا ہے۔

امام ابوجعفر الطحاوی رحمہ اللہ م321ھ نے معانی الآثار اور مشکل الآثار جیسی عظیم کتابیں حدیث پر لکھی ہیں، مگر آپ حنفی المذہب تھے۔

مولانا مبارک پوری لکھتے ہیں: آپ حنفی تھے۔

آپ کئی مقامات پر حضرت امام ابوحنیفہ رحمہ اللہ سے اختلاف بھی کرتے ہیں، آپ مجتہد فی المسائل تھے۔ اتنے بڑے محدث ہوکر کس طرح امام ابوحنیفہ رحمہ اللہ کے سائے میں چلے ہیں۔

حضرت امام بخاری رحمہ اللہ م256ھ بہت سے مسائل میں شافعی المذہب ہیں لیکن کئی مقامات پر انہوں نے امام شافعی رحمہ اللہ کی مخالفت بھی کی ہےکہ آپ ایک درجے میں مجتہد ہیں۔ آپ کی فقہ آپ کے تراجم ابواب میں ہے ،فقہ کی عظمت آپ کے ذہن میں کتنی تھی؟ اس کا پتہ آپ کی اس روایت سے چلتاہےجو آپ نے حضرت ابن عباس رضی اللہ عنہما سے "کونوا ربانین "کی تفسیر میں نقل کی ہے: {كُونُوا رَبَّانِيِّينَ}حُلَمَاءَ فُقَهَاءَ

ترجمہ:تم ہوجاؤ حکمت کے حاملین علم کے جانشین اور فقہ کے خوشہ چین۔