قسط -40ذوالحجہ میں اہل اسلام کے لیے چند خصوصی احکام ہیں

1: حج بیت اللہ: اس کے مختصر فضائل ومناقب ہم پہلے ذکر کر چکے ہیں ۔حج بہت اہم عبادت ہےجس پر یہ عبادت فرض ہووہ اگر فرض ہونے کے باوجود اسے ادا نہیں کرتا تو بہت سخت وعید آئی ہے۔

ترجمہ: حضرت عمر رضی اللہ عنہ فرماتے ہیں: جو شخص حج کرنے کی قدرت اور طاقت رکھے اس کے باوجود بھی حج نہ کرے تو اس کے لیےیہ بات برابر ہے کہ وہ یہودی ہو کر مرے یا نصرانی ہو کر۔

نوٹ: یہودی اور نصرانی اگرچہ ادیان سماویہ کے دعوے دار ہیں لیکن اس کے باوجود بیت اللہ کا حج نہیں کرتے ۔

ترجمہ : حضرت ابو ہریرہ رضی اللہ عنہ نبی کریم صلی اللہ علیہ وسلم سے روایت کرتے ہیں کہ اللہ تعالیٰ کے ہاں عام دنوں کے مقابلے میں عشرۂ ذی الحجہ کی عبادت زیادہ محبوب ہے ، )عشرۂ ذی الحجہ کے( ایک دن کا روزہ )عام دنوں کے( ایک سال کے روزوں کے برابر ہے اور )عشرۂذی الحجہ کی( ایک رات کی عبادت لیلۃ القدر کی عبادت کے برابر ہے ۔

نوٹ: یہ فضیلت یکم سے نو ذوالحجہ تک کے روزوں کی ہے دسویں تاریخ کو روزہ رکھنا جائز نہیں ہے۔

: اس دن حُجاج؛ میدان عرفات میں وقوف کرتے ہیں جو کہ حج کا رکن اعظم ہے۔ یوم عرفہ کا روزہ رکھنے کی خاص فضیلت ہے۔

ترجمہ: حضرت ابو قتادہ انصاری رضی اللہ عنہ بیان فرماتےہیں کہ رسول اللہ صلی اللہ علیہ وسلم نے ارشاد فرمایا: میں اللہ تعالی سے امید رکھتا ہوں کہ عرفہ کے دن کا روزہ اس کے بعد والے سال اور پہلے والے سال کے گناہوں کا کفارہ بن جائےگا۔

نوٹ: عرفہ کے دن روزے کی یہ عظیم الشان فضیلت ان لوگوں کے لیے ہے جو حج ادا نہ کر رہے ہوں ، حجاج کرام کو روزہ کی وجہ سے وقوف عرفہ جیسی عبادت میں سستی پیدا ہونے کا اندیشہ ہو تو بہتر یہ ہے کہ وہ روزہ نہ رکھیں ۔

پورے سال میں پانچ دن ایسے ہیں جن میں روزہ رکھنا ممنوع ہے ان میں سے ایک دن تو یکم شوال (عید الفطر) کا ہے جب کہ باقی چار ایام اس مہینہ (ذو الحجہ) میں یعنی 10، 11، 12، اور 13، ذو الحجہ آپ صلی اللہ علیہ وسلم کا ارشاد گرامی ہے:

کہ عید الفطر اور عید الاضحیٰ کے دن روزہ رکھنا منع ہے۔

نوٹ: یوم الفطر سے مراد عیدالفطر اور یوم النحر سے مراد عیدالاضحیٰ والا دن ہے ایک حدیث میں ایام تشریق کو ایام اکل و شرب سے تعبیر کیا گیا ہے ۔ مطلب یہ ہے عید کے بعد والے وہ ایام جن میں تکبیرات تشریق پڑھی جاتی ہیں ان میں روزہ نہ رکھاجائے ان میں اللہ تعالیٰ کی طرف سے بندوں کی پاک صاف اور حلال گوشت سے مہمان نوازی کی جاتی ہے توا س مہمان نوازی کو دل و جان سے قبول کرنا چاہیے۔

ترجمہ: حضرت ام سلمہ رضی اللہ عنہا بیان فرماتی ہیں کہ رسول اللہ صلی اللہ علیہ وسلم نے ارشاد فرمایا جب ذو الحجہ کا پہلا عشرہ شروع ہوجائے (یعنی ذی الحجہ کا چاند نظر آجائے) اور تم میں سے کس کا ارادہ ہو قربانی کا تو اس کو چاہیے (قربانی کرنے تک) اپنے بال اور ناخن نہ تراشے۔

ذوالحجہ اسلامی مہینوں میں آخری مہینہ ہے اس کی حرمت کا تقاضا یہ ہے کہ اس میں ظلم، زیادتی، اور گناہوں سے بچنےکے ساتھ ساتھ ذکر اللہ کی کثرت کی جائے ۔اللہ تعالیٰ نے ان دس دنوں میں اپنا ذکر کرنے کا خصوصی طور پر تذکرہ فرمایا ہے چنانچہ قرآن کریم سورۃ الحج کی آیت نمبر 28 میں ہے ویذکروا اسم