تیسواں سبق

ترجمہ: تمہیں جو بھی بھلائی پہنچتی ہے تو وہ محض اللہ کی طرف ہوتی ہے اور جو بھی برائی پہنچتی ہے تو وہ تمہارے اپنے سبب سے ہوتی ہے اور (اے پیغمبر!) ہم نے آپ کو لوگوں کے پاس رسول بناکر بھیجاہے اور اللہ گواہی دینے کے لیے کافی ہے۔

فا ئدہ: انسان کو چاہیے کہ نیکی کو حق تعالیٰ کا فضل او راحسان سمجھے اور سختی اور برائی کو اپنے اعمال کی شامت جانے۔

ترجمہ: حضرت عبد اللہ بن مسعود رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: آدمی اسی کے ساتھ ہوگا جس سے اس نے محبت کی۔

وہ نشانیاں جن کے بارے میں آنحضرت صلی اللہ علیہ وسلم نے فرمایاہے کہ وہ قیامت کے قریب ظاہر ہوں گی جیسے امام مہدی کا ظہور، دجال کا خروج، حضرت عیسی ابن مریم علیہ السلام کا آسمان سے نزول، یا جوج ماجوج، دآبۃ الارض کا خر وج وغیرہ۔

قیامت کی علامات کبریٰ میں پہلی علامت امام مہدی کا ظہور ہے۔ ’’مہدی‘‘ لغت میں ہر ہدایت یافتہ کو کہتے ہیں۔ لغوی معنی کے لحاظ سے ہر اس عالم کو جس کا علم صحیح ہو ”مہدی“ کہا جا سکتاہے بلکہ ہر سچے اور پکے مسلمان کو مہدی کہا جا سکتا ہے لیکن جس ”مہدی موعود“ کا ذکر احادیث میں آیا ہے اور آنحضرت صلی اللہ علیہ وسلم نے اخیر زمانہ میں اس کے ظہور کی خبر دی ہے اس سے مراد ایک خاص شخص ہیں جو حضرت فاطمہ رضی اللہ عنہا کی اولاد میں سے ہوں گے، ان کا نام محمد اور والد کا نام عبداللہ ہوگا، سیرت میں رسول اللہ صلی اللہ علیہ وسلم کے مشابہ ہوں گے، مدینہ کے رہنے والے ہوں گے، مکہ میں ان کا ظہور ہوگا، شام اورعراق کے اولیاء اور ابدال ان کے ہاتھ پر بیعت کریں گے۔ جو خزانہ خانہ کعبہ میں مدفون ہے حضرت مہدی اسے نکال کر مسلمانوں میں تقسیم فرمائیں گے۔ پہلے ان کی حکومت عرب میں ہوگی پھر ساری دنیا میں پھیل جائے گی، دنیا کو عدل اور انصاف سے بھر دیں گے جبکہ اس سے بیشتر دنیا ظلم وستم سے بھری ہوگی، شریعت محمدیہ کے مطابق آپ کا عمل ہو گا۔ امام مہدی کے زمانہ میں دجال نکلے گااور انہی کے زمانہ بادشاہت میں حضرت عیسیٰ علیہ السلام آسمان سے جامع مسجد دمشق کے مشرقی منارہ پر فجر کی نماز کے قریب نازل ہوں گے اور امام مہدی کے پیچھے نماز ادا فرمائیں گے۔ امام مہدی؛ نصاریٰ سے جہاد کریں گے اور قسطنطنیہ کو فتح کریں گے۔

نماز پنجگانہ کے علاوہ کچھ خاص اوقات میں یا خاص مقاصد کے لیے نفل نمازوں کی فضیلت بھی احادیث مبارکہ میں آئی ہے جن میں سے معروف یہ ہیں:

اس کابہترین وقت صبح سے تھوڑاپہلے رات کا آخری حصہ ہے۔ آپ صلی اللہ علیہ وسلم کا معمول آٹھ رکعات کا تھا۔ یہ نماز آپ صلی اللہ علیہ وسلم کے لیے فرض تھی البتہ امت کے لیے نفل اورانتہائی با فضیلت نماز ہے۔

اس نماز کاوقت سورج طلوع ہوکر کچھ بلند ہوجانے سے لے کر تقریباً اڑھائی گھنٹے تک ہے۔ اس کی چار یا دورکعتیں ہیں۔

اشراق کاوقت ختم ہونے پر اس کاوقت شروع ہوتاہے اوردوپہر سے پہلے تک باقی رہتاہے۔ اس کی چار یا آٹھ رکعتیں ہیں۔

مغرب کے فرض اورسنتوں کے بعد چار سے لے کر بیس رکعات تک نوافل کی ادائیگی نماز اوابین کہلاتی ہے۔

عمومی گناہوں پر یا کسی خاص گناہ پر اپنی توبہ کو مؤثر بنانے کے لیے دو،چار رکعات نماز توبہ پڑھ کر خوب گڑ گڑاکرمعافی مانگی جائے۔ اس کا کوئی و قت مقرر نہیں۔

کوئی ضرورت پھنسی ہو، کوئی مسئلہ حل نہ ہو رہا ہو یا کوئی مشکل در پیش ہوتو دورکعات پڑھ کرخاص اس حاجت کے لیے اللہ سے مانگاجائے۔

کسی مسئلے میں بات ایک طرف نہ لگ رہی ہو،رائے میں استحکام نہ آرہا ہو،نفع نقصان واضح نہ ہورہا ہوتو دوشقوں میں سے ایک کی تعیین میں اللہ سے مدد مانگنے کے لیے یہ نماز ہے۔ اس میں دورکعت یکسوئی کے وقت مثلاً سوتے وقت پڑھی جاتی ہے اور اس کے بعد مسنون دعائے استخارہ پڑھی جاتی ہے۔ دعائے استخارہ یہ ہے:

دعاکرتے وقت جب ”ہذا الامر “پر پہنچیں (جس کے نیچے لکیر لگی ہوئی ہے) تو اگر عربی جانتے ہیں تو اس جگہ اپنی حاجت کا تذکرہ کریں یعنی ”ہذا الامر “کی جگہ اپنے کام کا نام لیں، مثلا ”ہذا السفر “یا ”ہذا النکاح “ یا ”ہذہ التجارة “یا ”ہذا البیع“کہیں، اور اگر عربی نہیں جانتے تو ”ہذا الأمر “ہی کہہ کر دل میں اپنے اس کام کے بارے میں سوچیں جس کے لیے استخارہ کررہے ہیں۔

اے اللہ ! میں آپ کے علم کا واسطہ دے کر آپ سے خیراور بھلائی طلب کرتا ہوں اور آپ کی قدرت کا واسطہ دے کر میں اچھائی پر قدرت طلب کرتا ہوں اور آپ سے آپ کا بڑا فضل مانگتا ہوں۔ آپ قدرت رکھتے ہیں اور مجھ میں قوت نہیں، آپ علم رکھتے ہیں میں علم نہیں رکھتا اور آپ غیب جاننے والے ہیں۔

یا اللہ ! اگر آپ کے علم میں ہے کہ یہ معاملہ (اس موقع پر اس معاملہ کا تصور دل میں لائیں جس کے لیے استخارہ کررہے ہیں) میرے حق میں بہتر ہے، میرے دین کے لیے بھی بہتر ہے، میری معاش اور دنیا کے اعتبار سے بھی بہتر ہے اور انجام کار کے اعتبار سے بھی بہتر ہے اور میرے فوری نفع کے اعتبار سے اور دیرپا فائدے کے اعتبار سے بھی تو اس کو میرے لیے مقدر فرمادیجیے اور اس کو میرے لیے آسان فرمادیجیے اور اس میں میرے لیے برکت پیدا فرمادیجیے۔

اور اگر آپ کے علم میں یہ بات ہے کہ یہ معاملہ (اس موقع پر اس معاملہ کا تصور دل میں لائیں جس کے لیے استخارہ کررہے ہیں) میرے حق میں برا ہے، میرے دین کے حق میں برا ہے یا میری دنیا اور معاش کے حق میں برا ہے یا میرے انجام کار کے اعتبار سے برا ہے، فوری نفع اور دیرپا نفع کے اعتبار سے بھی بہتر نہیں ہے تو اس کام کو مجھ سے پھیر دیجیے اور مجھے اس سے پھیر دیجیے اور میرے لیے خیر مقدر فرمادیجیے جہاں بھی ہو، یعنی اگر یہ معاملہ میرے لیے بہتر نہیں ہے تو اس کو چھوڑ دیجیے اور اس کے بدلے جو کام میرے لیے بہتر ہو اس کو مقدر فرمادیجیے، پھر مجھے اس پر راضی بھی کر دیجیے اور اس پر مطمئن بھی کردیجیے۔

یہ پسندیدہ نفل نماز ہے جس کی تاکید آپ صلی اللہ علیہ وسلم نے اپنے چچا حضرت عباس رضی اللہ عنہ کو کی تھی۔ اس نماز پرہرقسم کے صغیرہ گناہوں کی معافی کی فضیلت بتائی گئی ہے۔

چار رکعت نفل میں تین سو مرتبہ پڑھنا ہے اس طرح کہ ہر رکعت میں 75 مرتبہ ہوجائے۔ اس کے دوطریقے روایات میں آتے ہیں جو درج ذیل نقشے سے واضح ہیں :

ارکان

تسبیح کب پڑھنی ہے

پہلا طریقہ

دوسراطریقہ

قیام

”سبحانک اللھم“ کے بعد قرأت سے پہلے

15مرتبہ

قیام

قرأت کے بعد رکوع سے پہلے

15مرتبہ

10مرتبہ

رکوع

”سبحان ربی العظیم“ (3مرتبہ)کے بعد

10مرتبہ

10مرتبہ

قومہ

”ربنا لک الحمد“ کے بعد کھڑے ہوکر

10مرتبہ

10مرتبہ

پہلا سجدہ

”سبحان ربی الاعلٰی“ (3مرتبہ)کے بعد

10مرتبہ

10مرتبہ

جلسہ

دونوں سجدوں کے درمیان بیٹھتے ہوئے

10مرتبہ

10مرتبہ

دوسراسجدہ

”سبحان ربی الاعلٰی“ (3مرتبہ)کے بعد

10مرتبہ

10مرتبہ

قعدہ اولیٰ

قعدہ ثانیہ

دوسرے سجدہ کے بعد بیٹھ کر (دوسری،چوتھی رکعت میں تشہد سے پہلے)

10مرتبہ

کل تعداد ایک رکعت میں

75مرتبہ

75مرتبہ

کل تعداد چار رکعات میں

300مرتبہ

300مرتبہ

[5]: نماز جنازہ میں نابالغ بچی کے لیے دعا

ترجمہ: اے اللہ!اس بچی کو ہماری پیش رو بنا، اسے ہمارے لیے باعث اجر بنا، اسے ہمارے لیے سفارش کرنے والا بنا اور اس کی سفارش قبول فرما۔