عقیدہ 54

ترجمہ: ہم اھلِ قبلہ کو مسلمان اور مومن سمجھیں گے جب تک کہ وہ رسول اللہ صلی اللہ علیہ وسلم کی لائی ہوئی تمام باتوں کا اعتراف کریں اور جو کچھ آپ صلی اللہ علیہ وسلم نے فرمایا اور خبر دی اس کی تصدیق کریں۔

”اھلِ قبلہ“ شریعت کی ایک اصطلاح ہے۔ اھلِ قبلہ سے مراد وہ لوگ ہیں جو رسول اللہ صلی اللہ علیہ وسلم کی لائی ہوئی تمام باتوں کا اعتراف کریں اور آپ صلی اللہ علیہ وسلم نے جو کچھ فرمایا اس کی تصدیق کریں۔ یہاں ”اھلِ قبلہ“ کا لغوی اور لفظی معنی ہرگز مراد نہیں کہ اس سے وہ لوگ مراد ہوں جو کعبہ کو اپنا قبلہ سمجھ کر اس کی طرف نماز پڑھتے ہوں بلکہ اس کا اصطلاحی و شرعی معنی مراد ہے۔