اختلاف ختم کرنے کا ایک اور بریلوی نسخہ

بریلوی مناظر اجمل شاہ صاحب لکھتے ہیں:

اگر تمہارے اکابر قائل امکان کذب اور قائل وقوع کذب الٰہی کو کافر اور زندیق جانتے تو تمہارا جدید مذہب ہی کیوں بنتا اور ہم اہلسنت سے تمہارا اختلاف ہی کیا ہوتا۔

یعنی اگر وقوع کذب کے قائل کو دیوبندی کافر کہیں اور امکان کذب کے قائل کو بھی تو بریلوی دیوبندی جھگڑا ختم ہو جائے گا۔

پہلی بات تو یہ ہے کہ اکابر اہل سنت و قوع کذب کے قائل کو کافر کہتے ہیں۔

مفتی احمد یار نعیمی بریلوی لکھتے ہیں

تم بھی کذب کا امکان مانتے ہو نہ کہ وقوع۔

دوسری بات ہے امکان کذب کی پہلے امکان کذب کا مطلب سنیے ہمارے اکابر کے نزدیک اس کا مطلب یہ ہے کہ خدا تعالیٰ نے جو خبر دی ہے اس کے خلاف کرنے پر بھی خدا کو قدرت ہے اگرچہ وہ ایسا کرے گا نہیں۔ اور یہی بات تمہارے اکابرین نے بھی لکھی ہے۔

1۔ بریلوی غزالی زماں احمد سعید کاظمی لکھتے ہیں:

نیکوں کو دوزخ میں ڈالنا یا بالعکس اس میں ہمارا کلام نہیں۔

یعنی ایسا کرنا خدا کی قدرت میں ہے کہ وہ نیکوں کو دوزخ میں اور کافروں کو جنت میں بھیجنے پر قادر ہے اس سے بریلوی ملت کے کئی زعماء کو بھی انکار نہیں۔

2۔ بریلوی جید عالم مفتی جلال الدین امجدی لکھتے ہیں

بے شک مغفرت مشرکین تحت قدرت باری تعالیٰ ہے۔

3۔ مفتی احمد یار خان نعیمی لکھتے ہیں

اگر خدا تمام دنیا کو دوزخ میں بھیج دے تو ظالم نہیں۔

4۔ مولوی صدر الوریٰ مصباحی لکھتے ہیں:

مطیع کو ثواب دینا اس کا فضل و احسان اور گناہ گار کو عذاب دینا اسکا عدل۔ اگر معاملہ اُلٹ ہو جائے یعنی مطیع کو عذاب میں ڈالے اور گناہ گار کو ثواب دے تو بھی اس کے لیے بُرا نہیں۔

اب ہم پوچھتے ہیں مولوی اجمل شاہ قادری صاحب جس بناء پر ہمیں کافر کہہ رہے تھے اسی بناء پر کیا یہ سب کافر ہوں گے۔ اگر اسی بناء پر ہم سے اختلاف ہوا تو ان سے اتفاق کیوں ؟

معلوم ہوا یہ محض آپ کا دھوکا ہے۔حقیقت یہ ہے کہ آپ اختلافات کوہی برقرار رکھنا چاہتے ہیں۔ فاضل بریلوی نے امکان کذب کے باعث تکفیر کو پسند نہیں کیا۔ (دیکھیے سبحان السبوح)تو وہ کافر نہیں کہتے، آپ کافر کہتے ہیں اور جس کا عقیدہ احمد رضا سے نہ ملے وہ تو کافر ہے۔

تو شاہ صاحب یہاں تو لینے کے دینے پڑ گئے۔

مولوی محمد اشرف سیالوی صاحب لکھتے ہیں

اتنا ہی کہہ دو اور مان لو کہ خود تکلیف دور نہیں کر سکتے لیکن اللہ سے تکلیف دور کرا دیتے ہیں۔ خود مشکلیں حل نہیں کرتے لیکن کرا دیتے ہیں۔ پھر بھی نزع و اختلافات ختم ہوسکتا ہے۔

سیالوی صاحب !ہم تسلیم کرتے ہیں کہ اولیاء کرام میں حاجت روائی اور مشکل کشائی کی طاقت وقدرت نہیں ہاں ان کی دعا کو اللہ کبھی شرف قبولیت عطا فرما دیتا ہے۔ اس لیے ان بزرگوں کی خدمت میں جاکر ان سے دعائیں کروانی چاہئیں۔

اب بھی اختلافات کو نہیں مٹاتے تو مجرم تم ہو نہ کہ ہم

صراط مستقیم کی وہ عبارت جس کو متنازعہ اہل بدعت نے بنا دیا ہے۔ حالانکہ اس میں تو آپ علیہ السلام کی تعظیم و تکریم تھی اس کے متعلق غلام نصیر الدین سیالوی لکھتے ہیں:

تسلیم کرو کہ اس میں گستاخی اوربے ادبی ہے اور اس کا لکھنے والا اور ایسا غلیظ عقیدہ رکھنے والا کافر ہے۔ جھگڑا ختم ہو جائے گا۔

ہمارا سوال اس سیالوی کے بیٹے سے یہ ہے کہ

اس عبارت کی نسبت فاضل بریلوی نے شاہ اسماعیل شہید کی طرف کی ہے۔

اور انہیں کافر بھی نہیں کہااور کافر کہنے سے روکا ہے آگے مفصل عبارت آ رہی ہے تو اگر گستاخی تھی اور لکھنے والا کافر تھا تو فاضل بریلوی نے کافر کیوں نہ کہا جب آپ کے علماء نے اصول لکھا ہے۔

کافر کو کافر نہ کہنے والا خود کافر ہے۔

اگر یہ بات کرو تو بھی کافر فاضل بریلوی بنتا ہے۔پہلے فاضل بریلوی کو کافر کہو پھر ہم سے بات کرو۔

ایک اور اصول مفتی محمد امین صاحب لکھتے ہیں:

اللہ تعالیٰ سب مسلمانوں کو اپنے حبیب رحمۃللعالمین صلی اللہ علیہ وسلم کی سچی محبت عطا کرے تو سارے جھگڑے ہی ختم ہو جائیں۔