ترجمہ: قبر جنت کے باغوں میں سے ایک باغ ہوتی ہے یا جہنم کے گڑھوں میں سے ایک گڑھا۔

قبر میں جنت یا جہنم کا نظارہ کرایا جاتا ہے ۔اس لیے جنت کا باغ یا جہنم کا گڑھا کہنے سے مراد عرض جنت اور عرض جہنم ہے ۔

ترجمہ: ہم قبر کے عذاب کو اس شخص کے لیے مانتے ہیں جو عذاب کا مستحق ہو اور منکر نکیر کے ان سوالوں کو بھی مانتے ہیں جو وہ مردے سے قبر میں اس کے رب، اس کے دین اور اس کے نبی کے بارے میں کریں گے جیسا کہ احادیث میں رسول اللہ صلی اللہ علیہ و سلم اور صحابہ کرام رضی اللہ عنہم اجمعین سے منقول ہے۔

ترجمہ: ہم ملک الموت پر بھی ایمان رکھتے ہیں جسے اہل جہاں کی ارواح قبض کرنے کا ذمہ دار بنایا گیا ہے۔

ترجمہ: ہم کراماً کاتبین پر ایمان رکھتے ہیں ، اللہ تعالیٰ نے ان کو ہم پر نگران مقرر کیا ہے۔

ترجمہ: حج اور جہاد ایسے دو فریضے ہیں جو مسلمانوں کے امیر کی زیر قیادت (قیامت قائم ہونے تک) جاری رہیں گے، چاہے امیر نیک ہو یا گناہ گار۔ کوئی چیز ان کو منسوخ کر سکتی ہے نہ ختم کر سکتی ہے۔

ترجمہ: ہم سفر و حضر میں موزوں پر مسح کرنے کو جائز سمجھتے ہیں ، جیسا کہ حدیث پاک میں اس کا بیان ہے۔

ترجمہ: جن چیزوں کا علم ہم پر مشتبہ ہے تو ان کے بارے میں ہم یہی کہتے ہیں کہ اللہ ہی زیادہ جاننے والا ہے۔

آیات کی دو قسمیں ہیں ؛ محکمات اور متشابہات

ترجمہ: ہم عدل و امانت والوں کو پسند کرتے ہیں اور ظلم و خیانت کرنے والوں سے نفرت کرتے ہیں۔

ترجمہ: ہم سنت رسول اور جماعت صحابہ کی اتباع کریں گے، جدا گانہ راہ اختیار کرنے ، (اہلِ حق سے) اختلاف کرنے اور تفرقہ بازی سے دو رہیں گے۔

ہم اھل السنۃ والجماعۃ ہیں۔ ”السنۃ“ میں نسبت رسول اللہ صلی اللہ علیہ وسلم کی طرف اور ”الجماعۃ“ میں نسبت جماعت صحابہ کرام رضی اللہ عنہم کی طرف ہے۔

ترجمہ: ہم اپنے امام اور حکمران وقت کے خلاف بغاوت کو درست نہیں سمجھتے چاہے وہ ظلم کریں ، نہ ان کے بارے میں بد دعا کرتے ہیں، نہ ان کی اطاعت کو چھوڑتے ہیں۔ جب تک وہ ہمیں کسی معصیت کا حکم نہ دیں اس وقت تک ان کی اطاعت کو اللہ تعالیٰ کی اطاعت سمجھتے ہیں اور ان کے لیے اللہ سے اصلاح اور معافی کی دعا کرتے رہیں گے۔