مکہ مکرمہ جب قریب آنے لگے تو ذوق وشوق سے تلبیہ پڑھیں، خدا تعالیٰ کے قرب اور اس عظیم الشان شہر کی عزت وعظمت کا دل میں استحضار کرتے ہوئے اس شہر میں داخل ہوں۔ اپنی متعینہ رہائش گا ہ پر سامان رکھیں۔ پھر وضو یا غسل کر کے مسجد حرام کی طرف روانہ ہوں۔

• سر یا چہرہ ڈھانپنا ( مرد سر اور چہرہ نہیں ڈھانپ سکتا البتہ خواتین سر ڈھانپیں اور چہرے کا پردہ اس طرح کریں کہ چہرے کو کپڑا نہ لگے)

• سلا ہوا کپڑا پہننا (مَردوں کے لیے)

• جسم یا احرام کی چادروں کو خوشبو لگانا

”احرام“ نام ہے حج وعمرہ کی نیت کرکے تلبیہ پڑھنے کا۔ لہٰذا جب نفل نماز سے فارغ ہو جائیں تو مرد حضرات سر ننگا کر لیں اور خواتین چہرے سے کپڑا ہٹا کر پردہ کر لیں۔ پردہ کرنے کے لیے نقاب والی ٹوپی پہن لیں۔ اب قبلہ رخ ہو کر اس طرح نیت کریں:

”اے اللہ! میں تیری رضا کےلیے عمرہ کرتا/کرتی ہوں، اسے میرے لیے آسان فرما اور اسے اپنی بارگاہ میں قبول فرما!“

اس کے بعد مکمل تلبیہ تین بار درمیانی آواز سے پڑھیں:

ائیرپورٹ پر انٹر نیشنل لاؤنج میں وضو وغیرہ کا انتظام ہوتاہے۔ یہاں وضو کریں، خوشبو لگائیں اور احرام باندھ لیں۔ مرد اپنے سلے ہوئے کپڑے اتار لیں اور دو چادریں پہن لیں۔ ایک چادر بطور تہبند باندھیں اور دوسری چادر اوپر اوڑھ لیں کہ دونوں بازو ڈھک جائیں۔ مرد ایسی ہوائی چپل پہنیں جس سے پاؤں کی ابھری ہوئی درمیان والی ہڈی کھلی رہے۔ اگر مکروہ وقت نہ ہو تو سرڈھانک کر دو رکعت نماز نفل احرام کی نیت سے پڑھ لیں۔

میقات سے گزرنے سے پہلے پہلے احرام باندھ لیں۔ ہوائی جہاز کے ذریعے سفر کرنے والوں کے لیے میقات آنے سے پہلے جہاز میں اعلان ہوتاہے کہ میقات آرہاہے، احرام باندھ لیں لیکن احتیاط اسی میں ہے کہ ائیر پورٹ پر ہی احرام باندھ لیا جائے تاکہ ایسا نہ ہو کہ میقات کے قریب پہنچ کر انسان سوجائے اور آنکھ نہ کھلے تو بغیر احرام کے میقات سے گزرنا پڑے، اس صورت میں دم لازم آئے گا۔

ناخن تراشیں، غیر ضروری بال صاف کریں، مونچھیں کاٹیں، خط بنوائیں، اور غسل کرلیں تو بہتر ہے ورنہ صرف وضو کرلیں۔ جب گھر سے نکلنے لگیں اور مکروہ وقت نہ ہو تو دو رکعت نماز نفل پڑھیں اور سچی توبہ کریں۔ نیز سفر کی آسانی اور رضاء الٰہی کی دعاکریں اور گھر کے افراد اور حالات کو خداتعالیٰ کے سپرد کریں۔

۱: سابقہ گناہوں سے تہہ دل سے توبہ کریں اور آئندہ نہ کرنے کا عزم کریں۔

۲: فرائض وواجبات (مثلاً نماز، روزہ، زکوٰۃ، صدقۃ الفطر، قربانی، نذرومنت وغیرہ) جو ادا نہ کیے ہوں تو ان کی قضاء کریں، سب کی قضاء فی الوقت ممکن نہ ہو تو ان کی قضاء کا پختہ عزم کریں۔

میقات سے گزرتے وقت صرف حج کا احرام باندھا جائے اور 10 ذوالحجہ کو رمی کرنے کے بعد احرام کھول دیا جائے۔ ایسا حج کرنے والے کو ”مُفرِد“ کہتے ہیں۔ اس میں قربانی واجب نہیں بلکہ مستحب ہے۔

حضرت علی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ”جس شخص کےپاس سفر ِ حج کا ضروری سامان موجود ہو اور سواری بھی میسر ہو جو اسے بیت اللہ تک پہنچا دے اور یہ شخص پھر بھی حج نہ کرے تو کوئی فرق نہیں پڑتا کہ یہ یہودی ہو کر مرے یا نصرانی ہو کر، اس لیے کہ اللہ تعالیٰ کا ارشاد ہے: اللہ تعالیٰ کے لیے بیت اللہ کا حج ان لوگوں پر فرض ہے جو اس تک جانے کی طاقت رکھتےہوں۔ “

1: حضرت ابوہریرہ رضی اللہ عنہ سے روایت ہے کہ نبی اکرم صلی اللہ علیہ وسلم سے سوال کیاگیا کہ کون ساعمل افضل ہے؟ آپ صلی اللہ علیہ وسلم نے ارشادفرمایا: اللہ اور اس کے رسول صلی اللہ علیہ وسلم پر ایمان لانا۔ سوال ہوا کہ پھر کون سا عمل؟ فرمایا: اللہ تعالیٰ کی راہ میں جہاد کرنا۔ سوال ہوا کہ پھر کون سا عمل؟ فرمایا: حج مبرور ( یعنی اخلاص سے کیاہوا مقبول حج)