اللہ تعالیٰ زمان و مکان کے خالق و مالک ہیں،تمام اوقات اور مقامات اسی ہی کے پیدا کردہ ہیں ، ان میں بعض اوقات و مقامات ایسے ہیں جن میں کی جانے والی دعاؤں کو قبولیت کا درجہ بہت جلد نصیب ہوتا ہے ۔ اللہ کریم کے احسان و کرم کا معاملہ دیکھیے کہ ان قیمتی اوقات و مقامات میں سے بعض تو ہمیں زندگی میں کئی بار اور بعض باربار نصیب فرماتے ہیں لیکن ہماری غفلت وسستی کی انتہاء بھی دیکھیے کہ ان لمحات و مقامات کی قدر نہیں کرتے اور انہیں ضائع کر دیتے ہیں ۔ اللہ رب العزت ہمیں اپنے انعامات و احسانات کی قدر کرنے توفیق عطاء فرمائے ۔

قرآن میں موجود دعاؤں کا اسلوب یہ بتاتا ہے کہ دعاء کے وقت انسان کو بےبسی اور ندامت کا اظہارکرنا چاہیے، چند انبیاءکرام کی دعائیں ملاحظہ فرمائیں۔

ترجمہ: اے ہمارے پروردگار!ہم سے غلطی ہو گئی اگر آپ نے ہمیں نہ بخشا اور ہم پر رحم نہ فرمایا تو ہم خسارہ اٹھانے والوں میں سے ہوجائیں گے۔

چند ایسے آداب ذکر کیے جاتے ہیں جن کی وجہ سے دعاء جلد قبول ہوتی ہے ۔

ترجمہ: حضرت عبداللہ بن عباس رضی اللہ عنہما سے روایت ہے کہ اللہ تعالیٰ سے دعاء مانگتے وقت اپنے ہاتھوں کو کندھوں کے برابر اٹھائے

اللہ تعالیٰ کی بارگاہ میں انسان جب دعاء مانگنے کے لیے ہاتھ اٹھائے تو اسے چاہیے کہ اس وقت دل کو اللہ کریم کی رحمت اور محبت کی طرف خوب اچھی طرح متوجہ کرنے کی کوشش کرے۔

دعاء مانگتے وقت اپنے دل کو غفلت اور بے پرواہی سے پاک کریں کیونکہ لاپرواہ اور غافل دل والی دعا ء اللہ کریم اپنی بارگاہ میں قبول ہی نہیں فرماتے ۔

اللہ تعالیٰ جب کسی پر اپنا کرم فرماتے ہیں تو اس کو اپنی ذات سے دعاء مانگنے کی توفیق نصیب فرماتے ہیں ۔دنیا میں کوئی شخص ایسا نہیں جو ضروریا ت سے بے نیاز ہو ان کا تعلق خواہ دنیا کی ضروریات سے ہو یا آخرت کی ضروریات سے ہو ۔

اللہ تعالیٰ ہی سے اپنی تمام تر حاجات اور ساری ضروریات )خواہ ان کا تعلق دنیا سے ہو یا آخرت سے (مانگنا شریعت میں ”دعاء“ کہلاتا ہے۔ اسلامی تعلیمات میں دعاء کے فضائل و احکام بہت زیادہ ہیں۔

اللہ تعالیٰ نے انبیاء کرام علیہم السلام کو جنت کی مٹی سے وجود بخشا اور انبیاء کرام علیہم السلام کے سردار حضرت محمد صلی اللہ علیہ وسلم کو جنتوں کی سردار )جنت الفردوس( کی مٹی سے وجود عطا فرمایا۔ دوسری بات یہ بھی سمجھ لیجیے کہ ہر شخص وہیں دفن ہوتا ہے جس جگہ کی مٹی سے اس کو پیدا کیا جاتا ہے۔

اللہ تعالیٰ کے احکام کو ماننا اور ان پر عمل کرنا ضروری ہے، اللہ تعالیٰ کے احکام اس وقت معلوم ہو سکتے ہیں جب اللہ تعالیٰ کی ذات کو دیکھیں یا بات کو سنیں۔ اہل اسلام کا متفقہ عقیدہ ہے کہ اس دنیامیں رہ کر نہ تو ہم نے اللہ کی ذات کو دیکھ سکتے ہیں اور نہ ہی بات کو سن سکتے ہیں۔ اس لیے ایک ایسے واسطے کی ضرورت ہے جس نے اللہ کی ذات کو دیکھا یا بات کو سنا ہو خواہ وہ بلا واسطہ )براہ راست ( ہو یا بالواسطہ) بذریعہ وحی( ہو۔ اور وہ واسطہ رسول اور نبی کی ذات ہوتی ہے۔

اللہ تعالیٰ نے اپنے محبوب حبیب حضرت محمد صلی اللہ علیہ وسلم کو تمام انبیاء و رسولوں میں سب سے زیادہ فضیلت والے ہیں اور آپ صلی اللہ علیہ وسلم کو باقی انبیاء کرام علیہم السلام پر افضلیت حاصل ہے۔

اللہ تعالیٰ نے تمام انسانوں میں سب سے زیادہ فضیلت انبیاء کرام علیہم السلام کو عطا فرمائی اور انبیاء کرام علیہم السلام میں سب سے زیادہ فضیلت ان کو دی جنہیں منصب رسالت عطا فرمایا: